TAIGÜTHUM 3:13 - Cho Bible Common Language 2016

¹³ me ah khan ah a kut taih neta, Phung ah düma ah a ngawn vai. Taigüpa gui naw asi cu sonkiang ah akit phli avan ung k’peh khai gui.

TAIGÜTHUM 3:13 Referans Kwoze

TAIGÜTHUM 3:8

htome ah lu khan ah a kut taih neta, Phung ah düma ah a ngawn vai. Taigü gui naw asi cu sonkiang ah akit phli avan ung ami k’peh vai.

1 PETER 3:18

A i ah kyasei ci ung chang khli van ah hmawk ah Bawi Khrit naw ang bäng ah a sih nak cu, changshe gui ah hnün ung chang k’ni naw ak chaw ah kyak ci. Cun cu Khanpughi ah lam a ning m’shüm nak gui ah kyak ci. Bawipa cu pumsa awn sih nak a gah ung phi, Mumcha awn ghing ne tho ba ci.

1 PETER 2:24

Bawi Khrit amät naw mi cheishoh nak cu apumsa awn phui ne kutlam tung ung kai püi ci. Cun ah kyasei mikmi cu cheishoh nak awn mi sik khai süte, düng nak ung mi ghing ci. Mikmi cu Bawipa ah ak hmaleim awn gai nak mi hmuk ci.

1 PETER 1:2

Nangmi cu Pa Khanpughi naw amät ah ng’bü nak awn ning ghü gui ne, ang Mumcha awn chang theing ah ning pyang gui ci. Cun cu Bawi Khrit ah thu nami läk nak vai la asi awn nami theingcim nak vai ah kyak ci. M’geinsei nak la dimdeeih nak cu nangmi ung kümbe ne om sä.

HEBRU 12:24

Nangmi cu thukhän k’thai pyang ciah ah Bawipa Jesuh la Abel ah si ah mä bä pi ciah shaitaak nak om ciah si ng’hlui ah ng’peh nak ung nami gawk pyii ci nei.

2 KORIN 5:21

Bawi Khrih cu katnak kä om ci, cun ung phi mikmi cu ani awn kawng ät ne, Khanpughi ah mäih ah mi ng’düng vai ah, Khanpughi naw Bawi Khrih cu mikmi ah hmawk ah, mi katnak a aut sak ah kyak ci.

ISAIAH 53:6

Mikmi mi van cu chük ciah htome ah mäih ah mi kyak ci, mi mät ah hteh nak hlü phäh phäh ung mi hteit ci. Cun ung phi Bawipa naw m’kyuk nak cu ani ah khan ah ng’kiak sak ci, cun cu mikmi mi van naw mi gah vaisü ah m’kyuk nak ah kyak ci.

ISAIAH 52:15

Cun ung phi tuhbäi chang pakhui akda naw ani cu cäicat ne m’hlüng tai khai gui, ghangpughang gui cu cäi hmawtaw ne kä thung’htau ci gui. Ngami naw kä ami hmuh hmat man cu, hmuhmat lawk khai gui nei.”

TAIGÜTHUM 3:12

Chang naw me a douthak law ah a kyak ung,

TAIGÜTHUM 3:14

Ashin gui cu ei-douthak ah Bawipa am ami pek vai; a chi kyong ah a thau avan,

TAIGÜTHUM 1:4

Acun ah lu ah khan ah chang naw a kut a taih vai, Cun ung ani ah katnak hteh püi pyi ciah kyasei cun ah khawihnah nak cu dou pek khai.