TAIGÜTHUM 3:12 - Cho Bible Common Language 2016

¹² Chang naw me a douthak law ah a kyak ung,

TAIGÜTHUM 3:12 Referans Kwoze

2 KORIN 5:21

Bawi Khrih cu katnak kä om ci, cun ung phi mikmi cu ani awn kawng ät ne, Khanpughi ah mäih ah mi ng’düng vai ah, Khanpughi naw Bawi Khrih cu mikmi ah hmawk ah, mi katnak a aut sak ah kyak ci.

ROMAN 8:3

Hnicim chang ak tha kä om sei, thukhän naw kä a bi peit hlawt cu Khanpughi naw bi pyi ci nei. Khanpughi naw hnicim chang ung om ciah katnak cu m’kat khai ah A Htapa cu yuk m’kyum lawk ci. Ahtapa cu katnak k’täm ne m’di khai ah, hnicim chang ah mäih ah katnak nupuk nah ne ng’tüi lawk ci.

ISAIAH 53:6

Mikmi mi van cu chük ciah htome ah mäih ah mi kyak ci, mi mät ah hteh nak hlü phäh phäh ung mi hteit ci. Cun ung phi Bawipa naw m’kyuk nak cu ani ah khan ah ng’kiak sak ci, cun cu mikmi mi van naw mi gah vaisü ah m’kyuk nak ah kyak ci.

ISAIAH 53:2

Kho lei chawng ung khäng sei ng’yung ne, tho ciah sing ghing ah mäih ah a changshäm a kyak vai cu Bawipa naw ng’ya hlük ci nei. Kiom nak a i phi kä om ci. Ani ung na khäihleng ci phi a i kä om ci, m’hni hlü vai phi a i kä om ci.

TAIGÜTHUM 10:16

Moses naw katphyawn douthak nak ah me ah mawng ng’shi gui neta, ami m’khih pyi ah kyasei hmat ci. A shin ah phäh ah ani cu Eleazar la Ithamar ah khan ah m’lungshe neta ani naw ak thäh cu,

TAIGÜTHUM 9:15

Cun kawn ah ani naw chang gui ah douthak nak cu pek ci, ani naw chang gui ah katnak ah phäh ah douthak vai ah me hta cu la ne ngawn ne, amät ah katphyawn nak a bi ah mäih ah douthak ci.

TAIGÜTHUM 9:3

Cun kawn ah Israel chang gui na m’thein gui vai, katphyawn douthak nak vai ah me amca ami law püi vai, m’khih ne douthak vai ah api ah phi kä kheihlik ciah, kum ät lüng ciah seipat hta tumat la kum ät lüng ciah htome hta tumat ami law püi vai.

TAIGÜTHUM 3:1

Chang tumat naw a sei cu hmuhchum-douthak nak ah a law püi ah a kyak ung api ah phi kä kheihlik en ciah sei, vantang ah kyak khai.

TAIGÜTHUM 1:10

Chang naw a me baw, a htome baw a douthak ah a kyak ung, cun cu amca ah kyak khai, kä kheihlik en khai.

TAIGÜTHUM 1:6

Cun kawn ah ngawn ci naw avun lim ne m’sak khai.

TAIGÜTHUM 1:2

Cun cu Israel gui naw khawihnah nak ami douthak law ung ami läk vai ah kyak ci. Chang tumat naw seime awn a khawihnah douthak law ung cun cu amät ah sei ah baw, me ah baw, htome ah baw kyak khai.

KHEI NAK 15:6

Htome m’ca awn douthak law vai a kyak ung, m’htut den pye goi, oliv situi khap goi awn k’caw ne, htang douthak nak ah peik vai.