TAIGÜTHUM 3:11 - Cho Bible Common Language 2016

¹¹ Shin gui avan cu Bawipa am ei-douthak ah sonkiang ah khan ah taigü bawi naw am khih vai.

TAIGÜTHUM 3:11 Referans Kwoze

TAIGÜTHUM 21:17

Aaron am a pyen nak cu, “Nang ah na htangshon ungka a pumsa kä küm ci phung naw ei-douthak nak cu kei am kä ana douthak en law vai. Cun cu ngawi yä a cun ah kyak khai.

TAIGÜTHUM 21:6

Ani cu a theingcim vai, kei ah ka ming ung kä a thüisei vai. Ani naw ei-douthak nak cu kei ung ana douthak vai, ani cu a theingcim vai.

TAIGÜTHUM 21:8

Chang gui naw taigü cu theingcim ciah ami k’bäi vai, a i ah kyasei ci ung ani naw ei-douthak nak cu kei am na pek ci, kei cu Bawipa, ka theingcim ci, ka chang gui ka theingcim sak gui ci.

TAIGÜTHUM 3:16

Bawipa naw a yeikyai nak ah ei-douthak ah shin gui avan cu sonkiang ung taigüpa naw am khih vai. Athau avan cu Bawipa naw khäm ci.

TAIGÜTHUM 3:5

Cun gui cu m’khih ne douthak nak gui awn a täng ah sonkiang khan ah taigüpa gui naw ami m’khih vai. Cun ah ei-douthak ah ang ui cu Bawipa naw yei nak ci.

MALAKHI 1:7

Nami na päipih nak cu — ka mang kyang ung ei-she nami na pek ah kyak ci. Cun kawn ah a i cha ah ang kä kami ning kyih aa? nami cik ci, Ka ning m’thein gui khai — cun cu ka mangkiang a i ah kä nami sui ah kyak ci.

EZEKIEL 44:7

Ngami naw kei ah Taigüim cu kei ah ng’thu kä ngai ciah chang gui, vun-ah nak kä bik ciah a khohei chang gui luh sak gui ne lelawi sak ci gui nei, khawihnah nak ah athau la asi cu kei am ami na douthak yah ung ngami cu Taigüim ung lut ci gui nei. Cun ah kyasei ka chang gui naw shemshai ci gui avan bi u ne, kei ah thukhän cu m’shet ci gui nei.

KHEI NAK 28:2

Khanpughi naw a yeikyai nak vai ah ak thäh ah ei-douthak cu k’bäi nak ah a khin ung, Khanpughi am ami pek vai ah Israel gui am shümthein gui vai ah kyak ci.

TAIGÜTHUM 22:25

A khawhei chang gui naw ami law püi ah seime cu ei-douthak ah kä nami douthak vai. Cun ah seime cu kheihlik ciah k’bäi ah kyak ci. Cun gui cu kä dou vai ah kyak ci.

THU PHLAAN 3:20

Ngai ä! Kei cu m’kawt ung ng’düi ne shoh ka khäk ci, kei ah k’aw ng’ya ne shoh ak hmawng ciah im ung, kei cu va lut ngä sei, ani awn a täng ah kani ei awk khai, ani phi kei awn a täng ah ei awk khai.

1 KORIN 10:21

Nangmi naw Bawipa ah khap cu aw netah, khoshe ah khap cu kä nami aw hning ci; Bawipa ah tawnglang ung ei netah, khoshe ah tawnglang ung kä nami ei hning ci.

ROMAN 8:32

Khanpughi naw amät ah Htapa cu kä ng’vang nah ne, chang van ah hmawk ah pe ne, na küikyan gui ci nei. A Htapa hngaw mikmi ah hmawk ah pek ciah Khanpughi naw, a päng avan cu, kä ng’vangca ah kä na pe gui ne kä om khai nei.

MALAKHI 1:12

Nangmi naw ka mang kyang cu shemshai ciah nami pyen nak la nami päipih ah ei nami na pek nak awn kei cu kä nami na kyih aa ci.

SAM 22:14

Kei ah ka thagui cu maih ci nei, m’dek ung cüp ciah tui ah mäih ah ng’phiüi ci. Ka guh gui avan cu ka ng’htak ba ci nei, Kam lungsin cu khoi chap ah maih ah pyawn ci nei.

KHEI NAK 28:24

A cun ah mäih ah hnüüp chih ung Bawipa am ei-douthak nak cu nami bi vai, cun ah ng’ui cu ani naw yeikyai nak ci. K’be nak ah a hnüüp tä sei, m’khih ne douthak nak la sapyit tui douthak nak cu nami bi vai.