TAIGÜTHUM 3:1 - Cho Bible Common Language 2016

¹ Chang tumat naw a sei cu hmuhchum-douthak nak ah a law püi ah a kyak ung api ah phi kä kheihlik en ciah sei, vantang ah kyak khai.

TAIGÜTHUM 3:1 Referans Kwoze

KHEI NAK 6:14

Kä kheihlik ciah seime thum cu Bawipa am a pek vai. M’khih ne douthak vai ah kum ät lüng ciah htome amca tumat, kat phyawn douthak vai ah kum ät lüng ciah htome amla tumat, la hmuhchum douthak nak vai ah me amca hta tumat ah kyak ci.

TAIGÜTHUM 1:3

Ani naw sei tumat awn m’khih ne a douthak law ung api ah phi kä kheihlik ciah vantang cu a law püi vai. Ani naw Bawipa ah om nak ah Phung valuh nak ung a tha vai. Cun ung Bawipa naw ani cu dou khai.

1 JOHAN 1:3

Keimi naw kami hmuh la kami ng’yak cu nangmi am kami ning shäu gui ci. Cun ah kyasei keimi cu Pa Khanpughi la A Htapa Bawi Jesuh Khrit awn kami pui m’ca ah mäih ah nangmi cu kei mi awn a täng ah nami pui m’ca tuk khai nei.

HEBRU 10:22

Cun ah kyasei mikmi cu mi m’lung ngaih theingcim sak ne, mi pumsa tuikci awn m’si netah, ng’cim ciah m’lung, ng’htei ciah yum nak awn, Khanpughi ah pei ah ming et khai nei.

AMOS 5:22

Nangmi naw m’khih ne douthak la htang-douthak nak nami law püi ung, kei naw kä ka dou khai. Plan ciah seime douthak vai nami law pü phi kä ka dou khai.

KOLOSE 1:20

Ahtapa awn khophlüt avan cu amät ung gawk law ba sak yawp khai ah Khanpughi naw k’bäi ci. Khanpughi naw A Htapa kutlamtung ung ap ne asih nak awn dimdeeih nak bi ne khomdek la khankho ung om ci avan cu amät ah ng’khäm ba sak ci.

MALAKHI 1:14

Ana pek vai ah a shaitak ah htome akni om lang sei, shekhak ciah ak ghing awn na khawihnah lawk ciah chang ah khan ah plah tam nak om sä! Kei cu küikyang ciah ghangpughang ah ka kyak ci, chang pakhui avan naw kei cu na kyih aa ci nei” cik ci.

MALAKHI 1:8

Amik m’dauh, akgaw, akshum gui cu nami na khawihnah nak vai ah law püi u neta, nami katnak kä om ciah nami ngai ci. Acun ah mäih ah akghing gui cu uktu bawi am pe shüm vä, ning yei na gui khai aw! A i baw ning pe taak gui khai aw!”

NG'THU K'THUUK~ 7:14

“Kei naw tuh ngawi pektak nak ka bi pyi ci, khawihnah nak ah meh phi om ci,

1 SHONTÄP NAK 21:26

Ani naw a cun ung Bawipa sonkiang co neta, m’khih douthak nak la hmuhchum-douthak nak cu bik ci. Ani taigü sei, Bawipa naw khankho ah ka mei yuk chah ne sonkiang ung khawihnah nak cu uih sak ne yuk m’shang lawk ci.

SUKI GUI 21:4

A ngawi ung khaw ngawihta chang gui naw acun ung sonkyang co ci gui, hmu chum khawihnah douthak u ne m’khih ne a pum ah khawihnah ci gui.

SUKI GUI 20:26

Cun ung Israel chang gui ami van Bethela ah hang kai u ne kyap ci gui. Ngami cu a cu ah Bawipa ah ma ah ngaw u neta mühun güt ung ei kä ei ci gui. Ngami naw hmuhchum douthak nak cu douthak u ne, khawihnah nak along ah m’khih u ne, cun gui avan cu Bawipa ah ma ah bik ci gui.

TAIGÜTHUM 17:5

Cun ah thumkhän ah a mawng cu Israel chang gui naw bung pya ah ami ngawn ciah seime cu Bawipa ah ami law püi vai ah phäh ah kyak ci. Ngami naw cun gui cu Phung ung valuh nak ung taigü ah law püi u neta, hmuhchum-douthak nak ah ami ngawn vai.

PHYAWN NAK 29:28

Shin cu kä ng’thawng ciah ka m’hnüt bäi nak ah kyak ci. Ka chang gui naw hmuhchum douthak nak ami bi ah a kyak ung htome ah ang kyang la ak phleing cu taigü gui ah hmawk ah kyak ci. Shin cu kei Bawipa am chang gui naw ami na pek ah m’cümhnah nak ah kyak ci.

PHYAWN NAK 24:5

Cun kawn ah chang nong gui tüi gui sei, ngami naw Bawipa cu m’khih ne khawihnah u ne, sei me gui awn khawihnah ne, hmuhchum douthak gui nak bik ci gui.

PHYAWN NAK 20:24

Kei ah hmawk ah m’dek cu sonkiang ah na pyan vai, acun ah khan ah na htome la na sei cu khawihnah ne, akbe ah m’khih ne douthak nak la hmuhchum douthak nak ah na bi vai. Nami na khawihnah vai ah a hmun päng ung na pei ah kei cu ka ngok ci. Kei naw law ne hriham ka ning pek khai.

TAIGÜTHUM 3:6

Me baw, htome baw hmuhchum douthak nak ah mang vai a kyak ung, akhik phi bäi, ak hla phi bäi khai, cun ung phi kä kheihlik en khai.

TAIGÜTHUM 9:18

Ani naw chang gui ah hmawk ah hmuhchum douthak nak ah vantang hta la htome hta cu ngawn ci. A hta gui naw acun ah si cu thak law u sei, sonkiang ah angleng phli avan ung ani naw huk ci.

KHEI NAK 15:8

M’khih ne douthak, kä cun ung, thukhän k’be nak ah khawihnah nak, kä cun ung, hmuhchum douthak nak ah vantang hta cu Bawipa am douthak law ung,

THULÄÄN NAK 12:27

Bawipa ah sonkiang avan m’khih vai ah khawihnah nak cun phi acu ah douthak vä. Si k’peh nak ah sonkiang la me nami ei nak ung khawihnah nak cu, nami douthak vai.

EZEKIEL 43:27

Hnüüp chih ang pyi ah a kyak ung, taigü gui naw tün ne, sonkiang ah khan ah m’khih ne douthak nak la chang gui ah ng’khawtsheng-douthak nak cu douthak khai gui. Cun kawn ah kei naw nami van cu ka ning yei na gui khai. Kei, uktu Bawipa naw ka pyen nei.”

TAIGÜTHUM 1:10

Chang naw a me baw, a htome baw a douthak ah a kyak ung, cun cu amca ah kyak khai, kä kheihlik en khai.

TAIGÜTHUM 9:4

Hmuhchum douthak nak vai ah vantang hta la htome hta akhla ami law püi vai. Cun gui cu situi awn k’caw ah htang douthak nak awn a täng ah Bawipa am khawihnah ak vai. Ngami naw cun ah ami bi vai, a i ah kyasei ci ung tuhngawi Bawipa cu ngami ah ma ah ng’dang khai.