TAIGÜTHUM 27:9 - Cho Bible Common Language 2016

⁹ Shaitak nak cu seime ah a kyak ung cun cu a Bawipa naw a dou thei vai ah douthak ah kyak khai, Bawipa am m’cümhnah vai phung cu theingthap ci.

TAIGÜTHUM 27:9 Referans Kwoze

TAIGÜTHUM 27:8

Shaitak bik ciah chang cu dukhaih aih ne m’hnütbäi ah phu kä ah pek hning ah a kyak ung acun ah chang cu taigü ah hteh püi vai, taigü naw ang neim pi ah k’bäi ne pek khai ah chang ah aci ah bik khai.

TAIGÜTHUM 27:10

Shaitak bik ciah chang naw seime a hei awn kä am thawng ba vai. Am thawng ba ah a kyak ung ani nik hnih cu Bawipa ah kaa ah kyak khai.

TAIGÜTHUM 5:15

Chang tumat naw kä ngaih-tüh ah Bawipa am pek vai ah ak theing cu a pek vai a häu ah a kyak ung, ani naw thungba nak douthak nak ah kä kheihlik ciah htome baw, me baw ak hla a law püi vai. Cun cu aküikyang ah a phu ami k’bäi ah kyak ci.

NG'THU K'THUUK~ 20:25

Khanpughi am na douthak vai ah shai kä na taak pha ung, geing na ne na ngaih-tüh vai. Akawn ah na ng’yu ba khai nei.

THUSHÄUTU 5:6

Bü ne ka bi ah kä kyak ci nei, ciah Khanughi ah taigü ah ma ah na pyen awng vai ah na mät ah ng’thu naw katnak ung kä ning gawk en püi sä. A i ah kyasei Khanpughi naw aning m’lungshe nak vai ah na bi ang? Nang naw na bi gui cu a i vai na m’dishum sak ang?

EZEKIEL 48:14

Bawipa am ap ah area cu khaw avan ung aknii pikbäih ah kyak ci, cun cu api phi kä yoih vai, kä m’thawng vai, ahei tumat am kä pek vai. Cun cu Theingcim ci, Bawipa ah kaa ah kyak ci.

MATTHE 15:5

Cun ung phi nangmi naw, chang tumat ung anu pa-am a peit vai khawh cham a om ung, cun cu Khanpughi-am peit pyi ah kyak ci, anu pa-am a peit vai kä hlü khai, cine nami theithang ci.