TAIGÜTHUM 27:8 - Cho Bible Common Language 2016

⁸ Shaitak bik ciah chang cu dukhaih aih ne m’hnütbäi ah phu kä ah pek hning ah a kyak ung acun ah chang cu taigü ah hteh püi vai, taigü naw ang neim pi ah k’bäi ne pek khai ah chang ah aci ah bik khai.

TAIGÜTHUM 27:8 Referans Kwoze

MAKUH 14:7

Ghawi pyam ciah chang gui cu nangmi awn angtäi ah a täng ah nami om ci. Nangmi naw nami ng’yak hlü päng ung nami m’htei gui hning ci. Kei läi cu nangmi awn angtäi ah kä ka om khai.

2 KORIN 8:12

Nangmi naw na mi peit hlü cang ah a kyak ung Khanpughi naw, yum nakcang awn nami peit cu ning dou pe gui khai, nangmi ah kä peit nak hning cu Khanpughi naw kä ning k’thäh gui khai.

JEREMIAH 5:7

Bawipa naw ng’shi gui ci, “Ka chang gui ah katnak a i ah kiasei ka m’geinsei gui vai ang? Ngami naw kei na nawng u ne Khanpughi akcang ah kä kyak ci gui cu khawihnah ci gui nei. Kei naw ka chang gui cu ami phü ah ka m’bei gui ci. Cun ung phi ngami cu chang ah chu hta kat püi u ne pawmya chang gui awn akhin ng’pyi sak ci gui.

TAIGÜTHUM 12:8

Hnumi naw htome cu kä a m’hnüt law hning ah a kyak ung, ani naw mümkha hnih baw, mümbawk hnih baw a law püi vai. Tumat cu m’khih ne douthak nak vai, tumat cu katphyawn douthak nak vai ah kyak khai. Taigü naw ani ah kä theing nak cu k’täm ne nawt heng pek khai, ani cu akcang ah theingthap khai.

TAIGÜTHUM 5:11

Cun ah chang naw mümkha hnih, käcung mümhta hnih kä am hnüt hning ah a kyak ung, katphyawn douthak nak ah, m’htut den a pie a law püi vai. Cun cu oliv situi awn phi kä shawi vai, ang ui phi kä shum vai, a i ah kyasei ci ung cun cu katphyawn-douthak nak ah kyak ci, htang douthak nak ah kä kyak ci.

TAIGÜTHUM 5:7

Cun ah chang naw htome baw, me baw kä am hnüt hlawt ah a kyak ung, ani naw akatnak ah phäh ah Bawipa am a pek vai ah, müm kha hnih, käcung mümhta hnih a law püi vai. Tumat cu katphyawn ne douthak nak ah kyak khai, tumat cu m’khih ne douthak vai ah kyak khai.

TAIGÜTHUM 27:9

Shaitak nak cu seime ah a kyak ung cun cu a Bawipa naw a dou thei vai ah douthak ah kyak khai, Bawipa am m’cümhnah vai phung cu theingthap ci.

2 GHANGPUGHANG GUI 7:5

Cun ah kyasei ngami cu api kho amü law yah ung Sirian phung ah hteit ci gui. Cun ung phi cä ah ami gawk yah ung a u phi kä om ci.