TAIGÜTHUM 27:34 - Cho Bible Common Language 2016

³⁴ Shin cu Bawipa naw Moses am Sinai M’htung khan ah Israel chang gui ah hmawk ah a pek ah thumkhän gui ah kyak ci.

TAIGÜTHUM 27:34 Referans Kwoze

TAIGÜTHUM 26:46

Shin cu Sinai M’htung ah Israel chang gui ah hmawk ah Bawipa naw Moses am a pek ah thukhän gui la thumkhän gui avan ah kyak ci.

KHEI NAK 1:1

Israel chang gui naw Egypt khaw ami hteh tak nak akum goi nak ah akcha goi nak, ak hnüüp ät hnüüp ung Sinai Bung ah Bawipa ah a om nak ah Phung ung Bawipa naw Moses cu ng’thu püi ci. Ani naw,

JOHAN 1:17

Khanpughi naw Thukhän cu Moses ung na pe gui ci, cun ung phi geinsei nak la düng nak cu Jesuh Chrit ung na pe gui ci.

THULÄÄN NAK 4:45

Cun cu Egypt khaw ungka ami law kawn ah Jordan tuinu ak kiangtäng khaw nawi, Bethpeor gawnu ah akga ung ani naw shin ah thukhän gui cu a pek gui ah kyak ci. Cun cu Amorit ghangpughang Sihon ah khäm ah khopäng kyong ah kyak ci. Ani naw Heshbon gawnu ung om ne uk ci. Moses la Israel chang gui naw Egypt ah kaa ami law sang ung ami hniim ah kyak ci.

THULÄÄN NAK 4:5

“Bawipa ka Khanpughi naw ka bi vai ana m’thein ah mäih ah thukhän avan ka ning m’thein gui ci. Nangmi naw tu ne khäm ne nami om law nak vai ah khaw ung cun gui cu nami läk vai.

TAIGÜTHUM 7:38

Shin cu bungpuk, Sinai M’htung khan ah, Bawipa naw Moses am a pek ah thumkhän gui ah kyak ci. Cun cu Israel chang gui naw douthak nak ami bi vai ah am thein nak gui ah hnüüp ung ah kyak ci.

KHEI NAK 36:13

Shin gui cu Jerikho ungka naw Jordan Tuinu khan ne law nak Moab khaw dou ung Bawipa naw Israel chang gui am, Moses ung a pek ah thung la thungyo gui ah kyak ci.

THULÄÄN NAK 29:1

Shin gui cu Bawipa naw Moses ung ang thumkhän ah thukhän gui ah kyak ci. Cun cu Moab khaw ung Israel chang gui ung abi ah kyak ci. Shin gui avan cu Bawipa naw Sinai M’htung ung ngami awn thukhän abi akbe nak ah kyak ci.

KHEI NAK 3:1

Shin cu Sinai M’htung khan ah Bawipa naw Moses ang thu püi yah ung Aaron la Moses ah kyong chang gui ah kyak ci.

KHEI NAK 28:6

Shin cu avan m’khih ne a hnüüp tä douthak ah kyak ci, cun cu ak htük bäih ah Sinai M’htung ung ei-douthak ah douthak ah kyak ci, ang ui cu Bawipa naw yeikyai nak ci.

THULÄÄN NAK 1:3

Egypt khaw ami hteh tak kawn ah a kum phlikip nak ah a cha gha lei ät nak ah a hnüp ät hnüüp ung ngami am am thein gui vai ah Bawipa naw ang thumkhän päng cu Moses naw chang gui am m’thein gui ci.