TAIGÜTHUM 27:30 - Cho Bible Common Language 2016

³⁰ Lolai ung m’thawk ci avan ungka bum gha bum ät cu htang ah a kyak ung phi, sing m’theih ah a kyak ung phi Bawipa ah kaa ah kyak ci.

TAIGÜTHUM 27:30 Referans Kwoze

ATÜNNAK 28:22

Shin ah shüm ba vai ah lung, kei naw ka ng’lin cu, nang ning khawihnah nak ah hmun ah kyak khai nei. Kei naw phi na na pek gui phung ungka bum gha bum ät cu ka ning pek khai.”

MATTHE 23:23

“Thuvi ciah pharisee gui la thukhän saya gui, nangmi ung thüisei nak om ci. Nangmi cu m’lui, k’bei, an mai nüng bum gha bum ät nami peit ung phi, taga nak, m’gein nak, düngnak gui ah thukhän ung küikyang pi ci gui cu nami nawng ci. Nangmi naw bum gha bum ät phi pe khenggeng ne thukhän phi nami läk vai.

NEHEMIAH 13:12

Cun kawn ah Israel chang gui ami van naw tün ba ne, pümhta, sapyit tui la oliv-situi gui ah bum gha bum ät cu Taigüim khei ah law püi ba ci gui.

LUKA 18:12

Kho hnüüp chih ung hnüüp goi ci, ei hlawi ne ka taigü ci, ka gah phung ah bum ghaa bum ät phi Khanpughi-am ka pek ci,” cine taigü ci.

2 SHONTÄP NAK 31:12

M’cümhnah gui la bum gha bum ät avan cu acun ung ng’geing khai ah tha ci gui. Ngami naw cun ngäng khai ah Levit Konaniah cu angvaipi ah tha u ne, a nau Shimei cu ani tawi khai ah tha ci gui.

ATÜNNAK 14:20

Nami ga gui ah khan ah näng nak ning pek ciah A hlüngtai Pibäih Khanpughi cu m’hlümtai ä! Abram naw taigüpa Melchizedek am, ng’tuk nak ung a gah ah khawh avan ah bum gha bum ät cu khawihnah ne pek ci.

LUKA 11:42

“Pharisee gui aw, nangmi ung shetkat nak om ci, nangmi cu thuilim, am-hnah avan ung bum ghaa bum ät, Khanpughi-am nami peit ung phi, m’tara nak la Khanpughi yum hni nak cu nangmi naw kä nami yuk ngai lawk ci nei. Peit taak nak phi nami bi vai, ahei bilawh vai gui phi kä nami nawng vai ah kyak ci nei.

NEHEMIAH 13:5

Ani naw akhan akdäm tumat Tobiah am khah tuk ci, cun cu ami douthak law ah pümhta, la tui ng’ui gui, Taigüim ung htungmang gui; taigü gui ah phäh ah douthak ak gui, Levit gui, Taigüim ung ng’äi awm ci gui, Taigüim ngäng ci gui ah phäh ah pümhta ni, sapyit tui ni, oliv-situi ni ah bum gha bum ät gui ami tha nak ah kyak ci.

NEHEMIAH 12:44

Cun ah khin ung pami gui cu, Taigüim ung ami pek tak gui ami tha nak ah khei, ngäng khai gui ah ami tha gui ah kyak ci. Cun ah khei ung bum gha bum ät, akum tä sei ami khäm law htük ah pümhtang, a theih akum tä sei ami khäm avan cu ami tha ah kyak ci. Cun ah chang gui naw ami bi vai cu, thukhän naw akthäh ah, mang gaw gui ah pei ung, ami lo gui ung ka, taigü gui la Levit gui ah phäh ah ami loh gui vai ah kyak ci. Judah chang gui ami van naw taigü gui la Levit gui cu yei na gui ci gui,

TAIGÜTHUM 27:29

Chang ah a kyak ung phi yum nak awn ap pyi cu kä khleih ba vai, ani cu ngawn vai.

TAIGÜTHUM 27:31

Chang tumat mat naw cun gui ungka a khleih tuba hlü ah a kyak ung a phu lüng ah khan ah bum hma ung bum ät m’taih ne ak khleih tuba vai.

THULÄÄN NAK 18:8

Ani cu a hei taigü gui ah gah chü ei gah tuk khai. Ak kyong chang gui naw ami m’khäh law phung cu ani naw khäm khai.

THULÄÄN NAK 26:12

“A kum thum nak päng ung bumgha gum ät nami pek vai, Nami geit a gha ungka aät, Levit gui, khuihei chang gui, hmei hta gui la hmei nu gui am nami pek gui vai. Cun ah kyasei chang bum päng ung am ei vai hlü cicu avan gah khai gui. Shin ah nami bi kawn ah,

ATÜNNAK 47:24

Nami khäm law ung bum hma ung bum ät cu ghangpughang am nami pek vai nei. Ak pawih ba cu amshi vai la nami hmawk la nami kyong ung nami ei vai ah kyak khai nei.

ATÜNNAK 47:26

Cun ah kyasei Egypt khaw ung Joseph naw thukhän a pyan cu, geit ami khäm ah bum hma bum ät cu ghangpughang ah kaa vai nei” ciah kyak ci. Cun ah thukhän cu tuh güt ghing ci. Taigüpa gui ah khaw bäng cu ghangpughang naw kä khäm tuk ci.