TAIGÜTHUM 27:21 - Cho Bible Common Language 2016

²¹ M’thawh Banak ah a hneng Kum a gawk law ah a kyak ung cun ah lolai cu Bawipa naw a khäm ah khawh ah kya lawk ci. Cun cu taigü gui naw ami khäm vai.

TAIGÜTHUM 27:21 Referans Kwoze

EZEKIEL 44:29

Htang-douthak nak, kat ah phäh ah douthak nak la thungba-douthak nak gui cu taigü ah ei vai ah kyak ci, Israel khaw ung kei ah phäh ah ami hei tha nü cu ngami ah gah vai ah kyak ci.

KHEI NAK 18:14

“Israel chang gui naw ngaih gep ne ng’ap ne, kei am ami na pek law phung cu nangmi ah ka nei.

TAIGÜTHUM 25:31

Cun ung phi kä ng’vong ah pigaw gui ung im gui läi cu, lo ah mäih ah kyak ci. Ka nak htük ci naw hleih ba hning ci. M’thawh banak kum ung phi pek ba hning ah kyak ci.

TAIGÜTHUM 25:28

Cun ung phi ani ung khaw thon nak ba vai kä a om ah a kyak ung, cun ah khaw cu m’thawh ba nak ah a hngeng kum ung khüt sei, khaw thong ciah chang ah kut ung om sä. Acun ah kum ung cun ah khaw cu kaa na htük ciam pek ba vai ah kyak khai nei.

TAIGÜTHUM 25:10

A cu cha ah nangmi naw a kum hmakip nak cu k’bäi u neta, khaw ung om ci gui avan ah ma ah phyawn nak ah mawng cu nami ng’shäu vai. A cun ah kum ah kyong ung nami yoih tuk ah khawh cham phung cu, ak htük ungka ak ci am, kä cunung, a hta nau am nami pek ba vai. Chang shäm ah kyak khai ah ami yoih ah chang cu, amät ah kyong khui ah a hteh ba vai.

EZRA 10:8

Cun cu chang gui ah ami ng’vai gui ah thukbäi awn ah kyak ci. Chang tumat mat cu hnüüp thum ah kyong ung kä a law tu ah a kyak ung, akhawh avan lak pek vai. Chang bum ung a om tu nak hning cu shum khai.

JOSHUA 6:17

Mang gaw la mang gaw kyong ah om ci nü m’di yawp vai nei. Cun cu Bawipa am douthak ah kyak ci nei. Chang plet Rahab ah kyong khui chang phung k’phyawn vai nei, a i ah kyasei ci ung ani naw mi ng’däät sak ah chang gui cu k’phyawn gui ci nei.

THULÄÄN NAK 13:17

Dishum khai ah m’kat pyi cu nami mät naw kä nami pan en vai. Cun ung Bawipa naw amlung so nak ungka ning hlah ta gui ne, chimgein nak ning m’dang gui khai. Ani naw nangmi ning chimgein gui khai, nami pupa gui ung a shaitak ah mäih ah chang khli ah ning pyang gui khai.

TAIGÜTHUM 27:20

Ani naw Bawipa ah kä khleih tuba cang ah chang tumat mat ah a yoih ba ah a kyak ung, ani naw ak khleih tuba nak hning vai cu häu ciah kyak ci.

TAIGÜTHUM 27:22

Chang tumat naw amät naw ak khleih ah lolai cu Bawipa am a ap ah a kyak ung,