TAIGÜTHUM 27:2 - Cho Bible Common Language 2016

² shin ah thungyo gui cu Israel chang gui ah phäh ah pek ci. Chang tumat naw aktung ah shaitak a küm be sak nak ah Bawipa am a pek ah a kyak ung, ak ka ung k’bäi gui ah ngui a pek nak awn cun ah chang cu phyawng hning khai,

TAIGÜTHUM 27:2 Referans Kwoze

KHEI NAK 6:2

Cun cu Israel chang gui am a pek gui vai ah m’shüm then nak gui ah kyak ci. Pami phi, hnumi phi, Nazirit ah a kyak law vai ah aktung ah shaitak nak bik ci la amät naw amät Bawipa am ap ci naw,

1 SAMUEL 1:28

Cun ah kyasei kei naw Bawipa am ka ap ci. Ani a ghin ah chuih, ani cu Bawipa naw khäm khai” cik ci. Cun kawn ah ngami naw a cu ah Bawipa cu khawihnah ci gui.

1 SAMUEL 1:11

Hannah naw akthuuk ah shaitak ci: “Ak hlüngtai Bawipa, na teng ä, na changshäm! Ka khüikha nak cu na hmuh pe ne, na shüm ä! Kä na m’hnih ä! Htapa na na pek ah a kyak ung, a ghin nak avan cu nang am ka ning ap khai ah shai ka tak ci nei, ani naw a lusam cu kä at phung khai nei.

SUKI GUI 11:39

Cha goi a lung kawn ah ani cu apa ah law ba ci. Ani naw Bawipa ung a shaitak ah mäih ah bi sei, hnumi hta cu lami ne sik ci. Shin cu Israel gui ah thungzo a phung ah kyak ci,

KHEI NAK 30:3

Apa ah im ung om lä ciah hnumi hta naw Bawipa am a i baw petak khai ah ang khäntam ah a kyak ung, a i kä pek khai ah a pyen ah a kyak ung,

KHEI NAK 21:2

Cun ung Israel chang gui cu, Bawipa ah ng’khäntam ci gui. “Nang naw shin ah chang ah khan ah na na näng sak gui ah a kyak ung, shin ah chang gui avan kami ning ap khai nei. Ami mang gaw gui phi nang ah ka vai nei, avan kami m’di khai nei.”

TAIGÜTHUM 27:1

Bawipa naw Moses am,

THULÄÄN NAK 23:24

“Nang cu chang, tumat ah sapyit lo lam ung na hteh ung, na ei hlü ah sapyit theih avan na ei hning ci, cun ung phi api phi vawh ung m’khäp ne kä na hteh püi vai.

2 GHANGPUGHANG GUI 12:5

Taigü päng naw ami taigü pek gui naw ami law püi ah ngui cu ami khäm vai kyak ci, cun ah ngui cu Taigüim pyan nak ba ung, a hlü ah ciah ami mang ah kyak ci.

THUSHÄUTU 5:3

Na ng’ä ai law pi ung, nang ng’mang akshe ah she law pi khai, akda ah na ng’thu law pi ung, na ng’thu akgu ang da law pi khai.