TAIGÜTHUM 27:17 - Cho Bible Common Language 2016

¹⁷ Ani naw a lolai cu am thawh ba nak ah kum ang pyi vai ama pek ah a kyak ung cun cu a phu k’be phu nak khai.

TAIGÜTHUM 27:17 Referans Kwoze

TAIGÜTHUM 27:14

Chang tumat naw a im cu Bawipa am a ap ah a kyak ung a ni la a kat teng neta taigü naw a phu cu k’bäi khai, cun cu a phu ah kyak khai.

TAIGÜTHUM 27:16

Chang tumat naw a kholo cu Bawipa am a ap ah a kyak ung m’shi a i chü, ang shaw cu khei neta, a phu cu k’bäi vai, htang pye m’ku cu ngui k’cang phe gha phu nak ciah m’hnüt vai.

TAIGÜTHUM 27:18

Ani naw a kawn ah a ap ah a kyak ung M’thawh Banak ah a hneng Kum ung khüt ciah khokum khei neta, taigü naw tuhbäi a phu cu akbäi shüm vai, a phu yuk cha ne akbäi vai.

TAIGÜTHUM 25:9

Cun kawn ah a cha chih nak ah a hnüüp gha hnüüp cu, bui awt nak ah hnüüp, acun ah hnüüp ung khaw avan ung hteit ne phyungheng tum khai ah chang tumat nami tüih vai.

TAIGÜTHUM 25:10

A cu cha ah nangmi naw a kum hmakip nak cu k’bäi u neta, khaw ung om ci gui avan ah ma ah phyawn nak ah mawng cu nami ng’shäu vai. A cun ah kum ah kyong ung nami yoih tuk ah khawh cham phung cu, ak htük ungka ak ci am, kä cunung, a hta nau am nami pek ba vai. Chang shäm ah kyak khai ah ami yoih ah chang cu, amät ah kyong khui ah a hteh ba vai.

TAIGÜTHUM 25:11

Lolai ung kä nami phu shaw ah amät pyou ciah htang phi kä nami khäm vai, kä nami kyan nak ah sapyit lo ung am theih phi kä nami k’bih vai.

TAIGÜTHUM 25:13

A cun ah khaw kum ah kyong ung yoih tuk ah khawh cham avan cu ak htük ah kaa nak ci am ap ba vai.