TAIGÜTHUM 27:16 - Cho Bible Common Language 2016

¹⁶ Chang tumat naw a kholo cu Bawipa am a ap ah a kyak ung m’shi a i chü, ang shaw cu khei neta, a phu cu k’bäi vai, htang pye m’ku cu ngui k’cang phe gha phu nak ciah m’hnüt vai.

TAIGÜTHUM 27:16 Referans Kwoze

LAMKTU 5:4

Shin ah lai kä na yawih pha ung phi na mät ah ka ah kyak ci, shin ah lai na yawih kawn ah phi lai ah phu ngui cu na mät ah ka ah kyak ci, cun ah kya lang sei, a i vai cun ah na ngaih tüh ang? Nang cu chang nam hleei ciah kä kyak ci, Khanpughinam hleei ciah kyak ci nei” cine pyen nak ci.

HOSEA 3:2

Cun ah kyasei kei naw ngui phe gha lei hma la htang 150 kilokram cu ani hleih nak vai ka pek ci.

ISAIAH 5:10

Lo cing hma ung tho ciah sapyit cu um ung ak cheit bäng ah a tui gah vai. Htang tang gha shaw geit ci naw phi htang a tang bäng ah m’sep khai” cik ci.

TAIGÜTHUM 27:15

Im ap ciah chang tumat naw im cu ak khleih tuba hlü ah a kyak ung im ah a phu ah khan ung bum hma bum ät awn m’khah ne a peik vai.

TAIGÜTHUM 27:17

Ani naw a lolai cu am thawh ba nak ah kum ang pyi vai ama pek ah a kyak ung cun cu a phu k’be phu nak khai.