TAIGÜTHUM 26:8 - Cho Bible Common Language 2016

⁸ nangmi chang hma naw chang phia nami m’khüt khai, chang phya naw chang phia phia nami m’khüt khai.

TAIGÜTHUM 26:8 Referans Kwoze

JOSHUA 23:10

Nangmi ungka chan tumat naw chang phia khak dawng khai ah bi hning ci, a i ah kyasei ci ung a shaitak ah mäih ah Bawipa Khanpughi naw nangmi ah phäh ah ng’tuk bik ci.

THULÄÄN NAK 28:7

“Nami ga gui naw ami ning tuk law gui ung, Bawipa naw hniim gui khai. Ngami naw lam tumat ung law ne ami ning tuk law pang ung phi lam avan ung dawng ba khai gui.

THULÄÄN NAK 32:30

A i ah kyasei chang tumat naw chang phia gha a hnim gui ang? A i ah kyasei chang hnih naw chang phia phia a hnim gui ang? Bawipa nami Khanpughi naw ngami nawng gui ci. M’gäi ciah ami Khanpughi naw ngami mlungsi sak gui ci.

1 SHONTÄP NAK 11:20

Joab ah nau Abishai cu ng’mingthang ci thumkip ah ami ng’vaihta ah kyak ci. Ani naw ak htei awn chang phia thum cu tu ne ngawn gui ne, chang thumkip ung mingthang lawk ci”

KHEI NAK 14:9

Bawipa kä nami hnungtuk en püi vai, a cu ah om ciah chang gui kä nami kyih en gui vai, ayäi hta ah mikmi naw mi näng gui khai nei. Bawipa cu mikmi awn a täng ah om ci, ani naw ngami ngäng gui ciah ami khanpughi gui cu hnim gui ci. Cun ah kyasei kä nami kyih vai” cik ci goi.

1 SHONTÄP NAK 11:11

Ak htük bäih ah Jashobeam cu Hakmon Pahta “Thumgui” ah ami ng’vai ah kyak ci. Ani naw akhtei awn chang phia thum cu ng’tuk püi ne, ng’tuk nak tumat ung avan ngawn gui ci.

TAIGÜTHUM 26:7

Nangmi cu nami ga gui ah khan ah nami näng khai,

SUKI GUI 15:15

Cun kawn ah ani naw kä a shou pha ung sik ciah sela ah am kha guh cu hmu neta, kawp ne yuk la neta, acun am chang phia gha ngawn gui ci.

ESTA 9:16

Khopäng gui ung Jew gui phi ng’bum u ne, ami mät naw ami mät ghung ci gui. Ngami naw ngami gen gui ciah chang phi chihkip lei hma cu ngawn u ne, ami ga cu hnim ci gui. Cun ung phi kä guttep gui ci gui.

ZEKHARIAH 12:8

Cun sangung Bawipa naw Jerusalem ung om ci gui cu, shungvong gui khai. Ngami ungka ak ghawi pikbäih phi David ah mäih ah khüighat khai. David ah htangshon gui naw Bawipa ah khanchang ah mäih ah, Khanpughi a mät ah mäih ah lam shüm gui khai gui.

KHEI NAK 31:4

Israel gui ah pakhui päng ungka, ng’tuk bik khai ah chang phia gha ci, nami tüih vai.”