TAIGÜTHUM 26:6 - Cho Bible Common Language 2016

⁶ “Nami khaw ung kei naw dimdeeih nak ka ning pe gui khai, nangmi cu a i phi kä kyihkyawk ne nami ip khai. Cun ah khaw ung khisa ah ga ung ka ning phyawn gui khai, cun ah khaw ung ng’tuk nak kä om ba khai.

TAIGÜTHUM 26:6 Referans Kwoze

ISAIAH 35:9

A i phongkawng phi cun ung kä om khai; a i sa nget naw phi cun ah lam kä kan khai. Bawipa naw a gun gui ah chang bäng cun ah lam ung hteit ne, ami un ah hteit ba khai gui.

ZEPHANIAH 3:13

Pawih ba ciah Israel chang gui cu, chang ah khan ah kä cheishoh khai gui, ami hleei kä pyen khai gui, kä thuvi khai gui, ngami cu bämang m’lung üp khai gui, a u phi kä kyih khai gui.”

SAM 147:14

Ani naw na kho gui cu k’pang ne ngäng ne, htang m’guh akni pi na phü ah ning ei sak ci.

JEREMIAH 30:10

“Ka Chang gui aw, kä nami kyih vai nei; Israel chang gui aw, Kä nami cäi cat vai nei. Kei naw nangmi cu cun ah shounu ciah khaw, thawng kyum ciah nami kyak nak ah khaw ungka ka ning gung gui khai. Nangmi cu nami im ah law ba ne ding gei sei nami om khai, Nangmi cu khan sei nami om khai, a u naw kä ning m’kyihkyawk gui khai.

HAKKAI 2:9

Taigüim akthai cu ayan ak phyim ah ta ng’shü khang pi khai, acun ungka chang gui am bühmang nak la dimdeeih nak cu ka pe gui khai.” M’gäi ciah Bawipa naw pyen ci.

HOSEA 2:18

A cunah akhin ung kei naw khisa gui la kha gui avan awn thukhän ka bik khai. Cun ah kyasei ngami naw kei ah chang gui cu kä nat sak khai gui. Kei naw khaw ungka likhim gui avan, ka heng khai — khim gui avan. Li gui avan maih khai. Ka chang gui cu dimdeeih ne phiawng htein sei ka om sak gui khai.

EZEKIEL 34:25

Kei naw ngami awn thukhän ka bik khai, acun naw ami ngaih gep nak vai ah ng’kham pe gui khai. Kei naw kyihkyawk vai kyak ciah khisa gui avan khaw ungka ka k’täm gui khai, cun ung kei ah ka htome gui cu phyawng m’htein ne lolai ung lum u ne, bung hmu ah ip khai gui.

SAM 29:11

Bawipa naw ak chang gui cu thagui k’be gui ne, dimdeeih nak hriham pe gui ci nei.

EZEKIEL 14:15

Kä cu ung Chang gui ngawn gui khai ah khisa gui kei naw ka tüi lawk khai, cun ah khaw ung a u kä a hteh hlü vai ah kyih kyawk aih vai ah ka kyak sak khai,

JOB 11:19

Nang naw nag a gui cu kä na kiih ba khai; Chang akda naw na m’htei tu vai ah ning k’thäh lawk khai.

PHYAWN NAK 23:29

Kum ät ah kyong ung kä ka k’täm gui khai; ka k’täm gui ung khaw avan ng’gau ne, nangmi ah phäh ah kawng ga gui da aih khai.

JOHAN 14:27

“Kei naw dimdeeih nak ka ning nawng pe gui shüt ci, kei ah dimdeeih nak nangmi am ka ning pe gui ci. M’dek chang gui ah peit ah mäih ah ka ning peit gui ah kä kyak ci, kä ng’ä ai vä, kä kyikyawk vä.

ZEKHARIAH 9:10

Bawipa naw, “Kei naw Israel ungka ng’tuk nak ah yatha gui la Jerusalem ungka ng’se gui cu, Ka lak khai nei; Ami ng’tuk nak ah li gui phi Ka m’di khai nei. Nami ghangpughang naw chang pakhui gui ah ng’lung ah dimdeeih nak bik khai nei; Ani naw vang tuinu ungka naw vang tuinu, Euphratis tuinu ungka naw, khaw cawi ah khüt khai ah, uk khai nei” cik ci.

MIKHAH 4:4

Chang nü cu amät ah khaw, amät ah lo awn dimdeeih sei om khai, a u naw kä kyihkyawk sak gui khai. M’gäi ciah Bawipa naw shin ah shaitak ci nei.

EZEKIEL 14:17

“Kä cun ung, kei naw cun ah khopäng ah khan ah ng’tuk nak ka law püi khai, Chang gui la seime gui nawt heng gui khai ah m’di nak ah likhin ka tüi lawk khai,

EZEKIEL 5:17

Kei naw ei cawi nak la name htanau ngawn khai ah khisa k’zäng gui cu ka tüi lawk khai, cun kawn ah gawpyan nak, cawi m’sa nak la ning ngawn gui khai ah ng’tuk nak cu ka tüi lawk khai. Kei, Bawipa naw ka pyen nei.”

SAM 85:8

Bawipa Khanpughi ah ng’thu cu kei naw ka ngai ci nei; ani naw a chang gui, mikmi ah khan ah dim deeih nak shaitak ci nei, mi shetkat nak lam ah kä mi ng’hlat ba khai nei.

SAM 4:8

Kei cu ka ng’zän law ung, ding gei sei ka ip ci; O Bawipa nang bäng naw, kümbe ciah phyawn nak, na na pek ci nei.

1 SHONTÄP NAK 22:9

A i ah a kyak ung phi ani naw kei ung shai a tak om ci. Ani naw, “Nang ung na htapa tumat om khai, ani naw dimdeih nak awn uk khai, a i ah kyasei ci ung a ga gui avan ungka kei naw dimdeeih nak ka pek khai. Ani ah ming cu Solomon ah kyak khai, a i ah kyasei ci ung, ani naw a uk sangung kei naw Israel am dimdeeih nak la ngaih gep nak ka pek khai.

2 GHANGPUGHANG GUI 2:24

Elisha naw ng’hlah shi gui ne, angküi ah teng gui neta, Bawipa ah ang ming ung taam gui ci. Cun kawn ah sing ghing hmu ah ka khawm anu goi lut law ni ne a hmaw phlikip-lei goi cu phyit ne htui gui ci.

ROMAN 5:1

Tuk bäi mikmi cu mi yum nak awn Khanpughi ung mi ng’düng pyi ci kya ne, mi Bawipa Jesuh Khrit awn Khanpughi ah ma ah dimdeeih nak cu mi gah ci.

LAMKTU 12:6

Herod naw Peter cu chang gui ah ma ah kä a k’plawk pha ah kho mü ät ung, Peter cu ngäng ciah gaakap hnih ang lak ung ip ci. Ani cu m’si gui hnih awn khih u ne, thawng m’kawt pei ah phi gaakap gui naw ngäng ci gui.

EZEKIEL 14:21

Shin cu Uktu Bawipa ah a pyen ah kyak ci nei: “kei naw Jerusalem ah khan ah ak kaa pikbäih m’kyuk nak phli cu ka tüi lawk khai-cun gui cu ng’tuk nak, lei gai, khisa nget la gawp yam nak ah kyak ci-cun gui naw Chang gui la seime gui cu m’di khai gui.

JEREMIAH 31:26

Cun ah kyasei chang gui naw pyen khai gui, ‘Kei cu ip neta, tho ne ka ng’htei cha ci!

ISAIAH 45:7

Kei naw akdei la a hmüp cu ka tüisho ci, Hriham la leigai cu ka law püi ci. Kei, Bawipa naw shin gui avan cu ka bik ci.

ISAIAH 9:7

Ani ah mang m’gäi huham cu bä law pi bä law pi ne, Ani ah uknak khaw cu angtäi sei dimdeeih khai. Ani naw David ghangpughang ah ng’shon m’täm ciah kya ne uk khai, ani ah huham cu düng nak la taga nak ung phung ne, Tuhbäi ung tün ne kho ang pyi güt uk khai. M’gäi ciah Bawipa naw shin gui avan bik khai ah k’bäi ci.

SAM 3:5

Kei cu ng’yän ne ka ip ci, Bawipa naw amü pum na m’htei ci.

NG'THU K'THUUK~ 6:22

Ngami ah m’theithang naw na hteh nak lam ning m’shüm khai, mü ah ning ngäng khai, hnüüp ah ning m’cäi khai.

NG'THU K'THUUK~ 3:24

Ih phak ung na ng’yän law ung kä na kyih khai amü pum ding gei sei na ip khai.

JOB 5:23

Nang naw na bi ah lolai gui ung lungnu gui kä om khai, khisa gui naw kä ning plawh sheh khai gui.

TAIGÜTHUM 26:22

Nami ng’lung ah kyih she ciah khisa cu kei naw ka tüi lawk khai, a cun gui naw nami hta gui lo u ne, nami vuhchah gui m’di khai gui, api hta bäng ning pawih na gui khai, nami lam gui cu ng’gau khai.

TAIGÜTHUM 26:7

Nangmi cu nami ga gui ah khan ah nami näng khai,

TAIGÜTHUM 26:25

Mi thukhän nami m’shet ah phäh ah ning m’kyuk gui khai ah ng’tuk nak kei naw ka law püi khai, nangmi cu nami mang gaw kyong ah phyawng ne nami ng’bum ba ah a kyak ung, kei naw nami ng’lung ah kä m’htei hlawt vai ah natnak ka tüi lawk khai. Nami ga gui ah ma ah nami kut nami chah khai ah ning k’ceet gui khai gui.

TAIGÜTHUM 25:18

Bawipa ah thukhän gui la thumkhän gui cu avan nami läk vai, cun ung nangmi cu shin ah khaw ung phyawng ne nami om khai.

TAIGÜTHUM 25:19

Khaw ng’lei naw geit gui m’thawk sak khai, nami ei hlü phung avan nangmi ung om khai, nangmi cu phyawng ne nami om khai.

2 SHONTÄP NAK 20:30

Cun ah kyasei Jehoshaphat naw dimdeeih sei uk ci, a mawng päng ung m’lung üp nak om khai ah Khanpughi naw pe gui ci.

SAM 144:14

Kami seipat gui cu ak chün ah pung piah u ne, kä chük ka, kä maih m’tham u sä. Kami lam gui ung geinvai kyah m’lau nak kä om men sä.

ISAIAH 35:8

A cun ung lam ng’kiung nu om khai, cun cu “Theingcim khaw ah Hteh nak lam” ah pyen ci gui. Kat nak bik ciah chang phung cun ah lam ung kä hteit tuk khai; A u akgutak naw phi cun ah lam ung hteit cicu lam hma khai ah kä m’shüm khai.

EZEKIEL 34:27

Sing ghing gui cu m’theih khai gui, lolai gui ung geitkaw m’thawk khai, chang nü cu amät ah khaw geingbawi sei om khai. Kei naw ka chang gui ami khih nak gui cu cipit ne, ngami khlei htein na gui ciah chang gui ah kut ungka ka m’hlawt gui ung, ngami naw kei cu Bawipa ah na hmat khai gui.

HOSEA 2:20

Kei naw ka shaitak paang ne ka kaa ah ka ning pyang khai, Nang naw kei cu Bawipa ah na na k’bäi khai.