TAIGÜTHUM 26:45 - Cho Bible Common Language 2016

⁴⁵ Ami pupa gui ung thukhän ka bi cu kei naw ka m’thai ba khai, cun cu Egypt khaw ah ka, ka chang gui law püi ba gui ne, pakhui avan am ka huham ka m’dang nak ah kyak ci. Cun ah kyasei, Kei, Bawipa cu ami Khanpughi ah ka kyak ci.

TAIGÜTHUM 26:45 Referans Kwoze

TAIGÜTHUM 25:38

Shin cu Bawipa nami Khanpughi ah thumkhän ah kyak ci, ani naw Egypt khaw ah ka, ning law püi ba gui ne, Kanaan khaw cu ning pe gui ci, acu ah ani cu nami Khanpughi ah kyak khai.

EZEKIEL 20:22

Cun ung phi kei naw Egypt ah ka Israel gui ka luh law püi ba gui yah ung na hmuk ciah changpakhui gui ah ng’lung ah ka ming, a thang shek khai kyasei cun ah kä ka bik ci nei.

EZEKIEL 20:9

Cun ung phi cun naw kei ah ka ming cu thang m’shet khai kyasei cun ah kä ka bik ci. A i ah kyasei ci ung Israel gui cu Egypt ah akpung ah ka hteh püi gui khai cine, ami om nak tu ah chang gui ah ma ah ka ng’shäu pyi ah kyak ci.

TAIGÜTHUM 22:33

Kei naw Egypt khaw ah ka, ning law püi ba gui ne, nami Khanpughi ah ka kyak ci. Kei cu bawipa nei.”

ROMAN 11:12

Jew chang gui ah shetkat nak naw, m’dek ah khanchang van am, bühmang ciah hrilham cu gah sak ci, Ngami ah mümcha ghawipai nak naw, chang khui hei gui am bühmang ciah hrilham cu gah sak gui ci. Cun ah kya sei Jew chang gui ami van Bawi Khrit ung ami ng’khäm law hnüüp ung, ngah mi naw hlüngtai pi ciah hrilham cu gah khai gui nei.

EZEKIEL 20:14

Cun ung phi Egypt khaw ah ka Israel gui ka luh law püi ba gui sang ung na hmuk ci gui ah changpakhui gui ah ng’lung, kei ah ka ming cu thang shek khai kyasei, cun ah kä ka bik ci nei.

PHYAWN NAK 20:2

“Kei cu Bawipa, nami Khanpughi, changshäm ah nam kyak nak ah Egypt khaw ungka, ka ning law püi ba gui ciah ka kyak ci.

PHYAWN NAK 6:8

Abraham, Isaak la Jakob ni am ka pek gui vai ah, ang müi ah ka shaitak ah khaw ung, nangmi cu ka ning hteh püi gui khai; cun cu nami mät ah khaw ah kyak khai ah ka ning pe gui khai. Kei cu Bawipa nei” cik ci.

PHYAWN NAK 2:24

Khanpughi naw ami ng’hlou ei cu ng’ya neta, Abraham, Isaak la Jakob ung ang thukhän cu shüm ba ci.

ATÜNNAK 15:18

Cun kawn ah Bawipa naw Abram ung thukhän bik ci. Ani naw, “Kei naw shai ka taak cu, shin ah khaw avan na htangshon gui am ka pe gui khai, cun cu Egypt khawgii ungka naw Euphratis tuinu ung khüt khai;

ATÜNNAK 12:2

Nang cu akda ah ka ning shon sak khai. Na htangshon cu pakhui küüi ah kyak khai. Hriham ning pe ne na ming ka ning thangsak khai. Nang cu chang gui ah hriham ah na kyak khai.

ATÜNNAK 9:15

Nangmi la ak ghing avan ung ka shaitaak cu ka shüm lä ci nei. Tuiyiin mü ne ak ghing gui cu kä m’di ba khai.

PHYAWN NAK 6:6

Israel gui am ka pyen nak gui ah ng’thu cu m’thein gui vä, “Kei cu Bawipa nei, kei naw ka ning gung gui khai, Egypt gui ah changshäm ah nami kyak nak ungka, ka ning m’hlawt gui khai. Kei naw m’gäi ciah ka ban shäng ne, ngami ah khan ah kyih vai ah m’kyuk nak cu ka law püi khai, nangmi cu ka ning hun gui khai.

TAIGÜTHUM 11:45

Kei cu Egypt ungka ka ning law püi ba gui ciah Bawipa, cun ah kyasei kei cu nami Khanpughi ah ka kyak ci. Nangmi cu nami theingcim vai, a i ah kyasei ci ung kei cu ka theingcim ci.

THULÄÄN NAK 4:31

Ani cu chimgein ciah Khanpughi nei. Ani naw kä ning nawng gui khai. Kä ning m’di gui khai, nami pupa gui ung ani amät naw a bi ah thukhän cu ani naw kä m’hnih khai.

ATÜNNAK 26:24

A cu mü Bawipa naw ng’dang law neta, kei cu napa Abraham ah Khanpughi ah ka kyak ci nei. Kä na kyih vai, kei naw ka ning om püi ci. Ka chang Abraham ung ka shaitak ah mäih ah hriham ka ning pek khai. Chang chün ah ka ning pungpiah sak khai.

ATÜNNAK 28:15

Na shüm vai, kei naw na hteh nak päng ah ning om püi ne ka ning m’htei khai, shin ah khaw ung ka ning law püi ba khai. Ka shaitak kä a khüm pha ah chuih kä ka ning hteh tak khai” ciah kyak ci.

THULÄÄN NAK 9:27

Na changshäm Abraham, Issak la Jakob ni cu shüm ba gui ä. Shin ah chang gui ah linglai nak cheishoh nak la shetkat nak cu kä ngai dam en ä.

SAM 106:45

Ngami ah hmawk ah a thukhän cu shüm ba ne, däm ciah am’hni nak awn m’düm gui ci.