TAIGÜTHUM 26:44 - Cho Bible Common Language 2016

⁴⁴ Cun tu pang ung phi, ngami cu ami ga gui ah khonglei ung ami om tu yah ung kei naw akbe ah kä ka nawng gui khai, kä ka m’di gui khai. Ngami awn thu ka khän cu a cun naw ng’pyi sak khai, kei cu Bawipa nami Khanpughi ah ka kyak ci.

TAIGÜTHUM 26:44 Referans Kwoze

ROMAN 11:2

Khanpughi naw ak htük ge ung a ghü ah ak chang gui cu kä hnu ng’tuk püi ci. Cacim theing ung Elijah naw, Israel chang gui cu hnu ng’tuk püi gui ne, Khanpughi ah maa ah ng’thu a pyein cu nami hmat khai nei.

NEHEMIAH 9:31

Cun ung phi na chimgein nak cu dämduh sei, nang naw kä na nawng gui ci, kä na m’di gui ci. Nang cu chihna, chimgein ciah Khanpughi ah na kyak ci!

SAM 94:14

Bawipa naw a chang gui kä nawng gui khai; Ani ung om ci gui cu kä k’täm gui khai.

2 GHANGPUGHANG GUI 13:23

cun ung phi Bawipa naw ngami cu m’gein gui ne chihna gui ci. Kä dishum sak gui ci, cun ung phi m’htei gui ci, a cun cu Abraham, Isaak la Jakob ung a shaitak ah phäh ah kyak ci. Ani naw a chang gui cu kä m’hnih gui phung ci.

ROMAN 11:26

Cun kawn ah Israel chang avan cu hun nak gah khai gui nei, cun ah mawng cu cacim theing ung: “Hun Bawipa cu Zion khomhtung ah kaa kyum law ne, Jakob ah hta ng’shon gui ah shetkat nak avan cu nawt heng yawp khai nei.

EZEKIEL 16:60

Cun ung phi nangmi name hmaw yah nangmi awn ka bi ah thukhän cu kei naw ka m’taam khai, kho ng’län ung khäng ciah thukhän cu kei naw nangmi ung ka bik khai.

JEREMIAH 33:26

Kei naw shin ah ka bi cu ang hteicha ah maih ah kei naw Jakob ah htangshon la ka changshon David ah htang shon ung ka bi ah thukhän cu htei cha khai ah ka bik khai kei naw David ah htangshon ungka tumat cu ka ghü kaai, ani naw Abraham, Issak la Jakob ah htangshon gui cu uk khai, Kei naw ka chang gui cu chimgein gui ne, ka ng’bühmang ba sak gui khai,”

JEREMIAH 30:11

Kei cu nangmi ah law ne ka ning hun gui khai. Kei naw ka ning püi piang sak nak gui ah pakhui gui avan kei naw ka m’di khai, cun ung phi nangmi kä ka ning m’di gui khai. Nangmi cu kä m’kyuk ah kä ka ning m’di gui khai. Cun ung phi nangmi ka ning m’kyuk gui ung Kei cu ka citheing khai. Kei, Bawipa naw a pyen nei.”

JEREMIAH 14:21

Na shaitak shüm ba ä, kä na päi pih en gui ä; Bä ciah na mang kiang ah hmun ah kyak ciah Jerusalem ah khan ah Thui ng’aa nak cu kä law en püi ä. Keimi awn na bi ah thukhän cu kä m’shet en ä.

SAM 89:33

Cun ung phi David ka m’hni nak cu kä ka pyai sak khai, Ani ung ka shaitak cu kä ka shum sak khai.

TAIGÜTHUM 26:11

Kei cu theing ciah Phung kyong ung nami ng’lung ah ka om khai, kei cu nangmi ungka a hei ah kä ka hteit phung khai.

SUKI GUI 2:1

Bawipa ah khanchang naw Kilkal ungka naw Bochim ah hteit neta, Israel gu a pyen nak gui cu, “Kei naw Egypt khaw ung ka ning plawk ba gui ne, nami pupa gui am shai ka taak ah khaw ung ka ning law püi gui ci. Kei naw ka pyen cu, ‘Nang mi awn ka thukhän cu api ah phi kä ka m’shet khai.

ATÜNNAK 17:7

“Kei naw ka shaitak cu nang la na htangshon ung ng’täi ciah thukhän ah ka küm sak khai. Kei cu nang la na htangshon ah Khanpughi ah ka kyak khai.

NEHEMIAH 9:17

Na ng’thu läk vai ah mak ci gui; nang ah bi gui avan m’hnih ci gui; Nang naw na m’dang ah cäi aih vai gui phi m’hnih ci gui. Chang ah ami ng’shei nak awn Egypt khaw ah changshäm ah kyak ba vai ah hteh püi ba gui khai ah ami ng’vai cu ghü ci gui. Cun ung phi nang cu m’geinsei ciah Khanpughi ah na kyak ci; Nang cu na m’gein ci, na m’hni ci, kä na m’lungshe yäi ci. Na chimgein nak cu dämduh ci, nang naw kä na nawng gui ci.

SAM 103:13

Ami pa naw a hta gui cu am hni gui ah mäih ah, Bawipa naw amät chang m’sui cicu m’hni gui ci.

JEREMIAH 24:5

“Kei Bawipa, Israel khanpughi naw ka hmuh cu, Babilonia ah ami hteh püi gui cu shin ah thei akni ah mäih ah kyak ci gui, kei naw akni ah ka om püi gui khai.

JEREMIAH 31:20

“Israel, nang cu ka yum pi k’bäihah ka hta, ka m’hni pi k’bäih ah a hmaw ah na kyak ci. Kei naw nang ah ming ka m’dang yah phung ung, na m’hni nak cu ka ngaih-tüh ci. Kei ah ka m’lung cu nang ung gawk sei, kei ung chimgein nak om ci.