TAIGÜTHUM 26:43 - Cho Bible Common Language 2016

⁴³ Ak htük ung, a i ah a kyak ung phi, khonglei naw a chang gui cu heng gui khai, cun ah kyasei ani cu akbe ah ng’düm khai. Cun kawn ah ngami naw ka thukhän gui la ka thumkhän gui ami hnungtuk püi ah phäh ah ng’gei nak akbe pek khai gui.

TAIGÜTHUM 26:43 Referans Kwoze

ROMAN 8:7

Hnicim chang ah ng’yak hlü bäng ngaih-tüh ciah chang cu Khanpughi ah gaa ah kyak ci, ani naw Khanpughi ah thukhän kä läk hlawt ci, akcang ah kä läk hlawt ci.

TAIGÜTHUM 26:15

Nangmi naw kei ah ka thukhän la ka thumkhän gui maa na u ne, nangmi awn thukhän ka bi nami m’shet ah a kyak ung,

JOHAN 7:7

Khomdek chang naw nangmi kä ning thüi na gui ci, cun ung phi ngami ah shetkat nak cu, kei naw m’dang ne pyein ngä sei, kei cu na thüi nak ci gui.

ZEKHARIAH 11:8

Kei naw a hei htoshäm thum ah khan ah ka m’hni nak cu ka nawng gui ci, ngami naw na gen ci gui, cha ät ah kyong ung ami van ka k’täm gui ci.

AMOS 5:10

Nangmi chang gui naw kä taga ci m’taga ne, mang ah m’kawt ung düng sei ng’thu cicu nami thüi nak ci.

DANIEL 9:14

Nang, O Bawipa kami Khanpughi, nang naw na na m’kyuk gui khai ah pawng ne a cun ah na bik ci, a i ah kyasei ci ung nang naw ak phlüt ah hman cicu na bik ci, keimi naw nang kä kami ning ngai ci.

JEREMIAH 31:19

Keimi naw nang kami ning hlah tak ci, Cun ung phi tuhbäi kami ng’hlat law ba hlük ci nei. Nang naw na na m’kyauk gui kawn ah, keimi cu kami lu bat ne kami thüi ci nei. Keimi cu lung aa ne kami thui hmai ci nei. A i ah kyasei ci ung keimi cu kami hmaw sang ung kami hmakak ci nei!

ISAIAH 26:16

Nang naw na chang gui cu na m’kyuk ci nei, BAWIPA, ngami cu cümbawng ne, nang ah taigü ci gui nei.

SAM 119:75

Bawipa, na m’khoi cha nak ng’düng ciah ka hmat ci nei, Nang cu na bekhüt ci kya ne kei cu na na m’kyuk ci nei.

SAM 119:71

Na na m’kyuk nak cu bä ci nei, a i ah kyasei ci ung, a cun naw na thumkhän cu na ng’thei sak ci.

SAM 119:67

Nang naw kä na na m’kyuk pha ung kei cu ka cheishoh lä ci, cun ung phi tuhbäi na thu ka ngai ci nei.

SAM 50:17

Ka ning m’cäi phi kä na ng’yak ci, ka thu phi na hnu nak ci.

SAM 50:15

Khüikha nak a gawk law ung na khü vä; kei naw ka ning hun gui khai, nangmi naw nami na m’taam khai.”

JOB 5:17

Khanpughi naw am düng ah chang cu yeikyai nak om ci! Ani naw aning m’cäi law ung kä na thüi nak vai.

2 SHONTÄP NAK 33:12

Ani cu yaica neta amlung neim sak ne, Bawipa a Khanpughi ah ng’hlat law ba ne, am htei vai ah ng’pa nak ci.

TAIGÜTHUM 26:41

Ngami hnungtuk püi gui ne ami ga gui ah khaw ah omktu ah ka tüih gui vai ah na kyak sak ci gui. Ak hnu ah nami htangshon gui cu m’lung neim u ne, ami katnak la ami hnungtuk püi nak ah phäh ah ng’gei nak pe u ne ami kyak ung,

TAIGÜTHUM 26:30

M’htung khan ung nami khawihnah nak ah hmun gui cu kei naw ka m’di khai, ang ui sonkiang gui cu ka gäi khai, sik ciah nami pumsa gui cu kyu ne ng’yän ciah nami ka, a gup gui ah khan ah ka yuk ghawt khai, kä ni aih ciah a kyong ah,

TAIGÜTHUM 26:11

Kei cu theing ciah Phung kyong ung nami ng’lung ah ka om khai, kei cu nangmi ungka a hei ah kä ka hteit phung khai.

THULÄÄN NAK 32:36

Ami thagui ng’pyi sei a hmuh gui ung, Bawipa naw a chang gui cu gung gui khai. Am gein kaa ah kya u sei a hmuh gui ung, Abii bik ciah chang gui cu Bawipa naw chimgein gui khai.

2 SHONTÄP NAK 36:21

Cun ah kyasei cun cu Bawipa naw prophet Jeremiah ung ng’cängbang nak a pyen ah kümbe nak ah kyak ci: “Kho ng’lei cu khokum chih kip ung shiü khai nei, cun cu kyiin hnüüp ung düm vaisü te, kä bi ah phäh ah kyak khai nei.