TAIGÜTHUM 26:41 - Cho Bible Common Language 2016

⁴¹ Ngami hnungtuk püi gui ne ami ga gui ah khaw ah omktu ah ka tüih gui vai ah na kyak sak ci gui. Ak hnu ah nami htangshon gui cu m’lung neim u ne, ami katnak la ami hnungtuk püi nak ah phäh ah ng’gei nak pe u ne ami kyak ung,

TAIGÜTHUM 26:41 Referans Kwoze

EZEKIEL 44:7

Ngami naw kei ah Taigüim cu kei ah ng’thu kä ngai ciah chang gui, vun-ah nak kä bik ciah a khohei chang gui luh sak gui ne lelawi sak ci gui nei, khawihnah nak ah athau la asi cu kei am ami na douthak yah ung ngami cu Taigüim ung lut ci gui nei. Cun ah kyasei ka chang gui naw shemshai ci gui avan bi u ne, kei ah thukhän cu m’shet ci gui nei.

LAMKTU 7:51

Stephen naw, “Nang mi cu nami ling aih aih ci, na mi m’lung naw Khanpughi kä yum hlawt ci, Khanpughi ah ng’thu phi kä nami yum hlük ci, nang mi cu nami pupa gui ah mäih ah Mumcha Theing cu ang täi sei nami hnu nak ci nei,

JEREMIAH 4:4

Nami Bawipa, kei awn ng’thu mi khän cu nami k’pan vai nei, nami mät naw nami mät kei ung nami ng’ap vai, nangmi Judah la Jerusalem chang gui. Cun ah kä nami bi ung nangmi naw akshe nami bi ah hmawk ah ka m’lungshe nak naw mei ah mäih ah ning ui gui khai nei. Cun ah a uih law ung cun m’sih khai a u kä om khai nei.”

2 SHONTÄP NAK 32:26

Ak hnu ah Hezekiah la Jerusalem ung chang gui cu ami m’lung neim sak u khäta, Hezekiah a sih kawn güt ah chang gui cu Bawipa naw kä m’kyuk gui ci.

1 GHANGPUGHANG GUI 21:29

“Ahab naw kei ah ma ah a i hlawk ah amlung ang neim sak cu nang naw na hmu ne ang? Ani cu cun ah kyak ci kyasei, ani a ghin yah ung ani ah khan ah kei naw leigai kä ka law püi khai nei; Ani ah a hta gui ah ghin yah ung Ahab ah kyongkhui ah khan ah kei naw leigai ka law püi khai nei.”

KOLOSE 2:11

Bawi Khrit ung nami kawng ät nak awn nangmi cu kyoon hnah pyi ah nami kyak ci, cun cu chang ah kyoon ah kä kyak ci. Bawi Khrit ah kyoon ah kyak ci. Cun cu cheishoh nak ah, hlüngtai nak ung kaa phiawn nak ah phi kya tuk ci.

PHILIPPIAN 3:3

Vun-ah nak bik ci gui ah chang cu ngami ah kä kyak ci, mikmi ah kyak ci. A i ah kya sei ci ung mikmi cu Mumcha awn Khanpughi cu mi khawihna u ne, Bawipa Jesuh Khrit awn mi kawng ät u ne, yeikyai nak mi gah ciah kyak ci. Mikmi cu a hei a i baw düt kä mi ngaih u ci.

EZEKIEL 20:43

Cun kawn ah nangmi naw nami bi ah ak shesham gui la nami mät naw nami mät a i hlawk ah nami lelawi sak cu nami shüm ba khai. Nangmi naw nami bi ah ak shekha avan ah phäh ah nami mät naw nami mät nami shemshai khai.

JEREMIAH 6:10

Kei naw ka m’shang ci, “Kei naw ngami ng’thu püi gui ne, ka m’cäi gui ah a kyak ung a u naw kei na ngai khai ang? Ngami cu m’lung liing u ne nang ah thu ngaih vai ha mak cu gui nei; kei naw ka pyen vai ah na na m’thein cu ngami naw gaih tuk ci gui nei.

THULÄÄN NAK 30:6

Bawipa nami Khanpughi naw nangmi la nami htangshon gui am ang thu ngaih nak m’lung ning pe gui khai. Cun ah kyasei nangmi naw nami m’lung ngaih avan awn nami m’hni khai. Nangmi cu cun ah khaw ung k’täi ne nami om lä khai.

KALATIAN 5:6

Mikmi cu Bawi Khrit Jesuh ung mi kawng ät kawn ah, vun ah la kä ah cu ak tung ah kä kyak ci, ak tung cu m’hni nak dang sak ciah yum nak ah kyak ci.

LUKA 18:14

Kei naw ka ning m’thein gui cu, cun ah akhawnlook cu akat nak k’phiawn sei a im ah hteit ba ci, pharisee läi cu akat nak kä k’phiawn ci. A i ah kyasei ci ung, amät naw amät m’hlüngtai ci cu neim saknak gah khai, amät naw amät neim sak ci cu m’hlüngtai nak gah khai” cine m’cäi gui ci.

LUKA 14:11

Amät naw amät m’hlüngtai ci cu, neim sak nak gah khai, amät naw amät neim sak ci cu, m’hlüngtai nak gah khai” cine m’cäi gui ci.

MATTHE 23:12

Amät naw amät m’hlüngtai cicu ng’neim pibäih khai, amät naw amät ng’neim sak cicu hlüngtai nak gah khai.

EZEKIEL 44:9

“Kei, uktu Bawipa naw ka pyen ci, vun-ah nak kä bik ciah khohei chang, kei kä na ngai ciah chang, la Israel chang gui ah ng’lung ah ami om ung phi a khohei chang gui, a u phi ka Taigüim ung kä a luh vai.”

EZEKIEL 6:9

acu ah ngami cu omktu ah kya ne om khai gui. A cu ah ngami naw kei cu na shüm khai gui, kei naw m’kyuk gui ne ka thüisei sak gui ciah ngami naw hmat khai gui, a i ah kyasei ci ung ngami ah kä bekhüt ciah m’lung naw kei cu na nawng ne, ngami naw kei ah ta agup ami m’hni pi ah phäh ah kyak ci nei. Ngami cu akshekha, a cheishoh ami bi ah phäh ah ami mät naw amät shemshai lawk khai gui nei.

SAM 39:9

Kei cu adüm ah ka om khai, m’kha ät ah phi kä ka ng’thu khai, a cun ah ka om vai cu nang ah bi ah kyak ci nei.

NEHEMIAH 9:33

Keimi na na m’kyuk gui cu na ng’düng ci nei; Keimi katnak bi pang u ngä sei phi, nang cu na bekhüt ci nei.

EZRA 9:15

Bawipa, Israel Khanpughi, nang cu na taga ci cun ung phi nang naw na na ghin om sak gui ci. Kami hmakat nak cu nang ah kami ng’coipa ci nei, keimi na ma ah law vai ah kä kami khinkha ci nei” cine pyen ci gui.”

EZRA 9:13

Apäng päng cu kami khan ah kya law ne, kami katnak la cheishoh nak ah khan ah m’kyuk nak om sei phi, Kami Khanpughi naw kami katnak ah ta ng’neim tuba khai ah na m’kyuk gui ci nei ci la ghing ne om vai ah ana om sak gui cu, kami hmat ci nei.

2 SHONTÄP NAK 33:23

Cun ung phi ani cu apa ah mäih ah kä kya ne, amlung kä neim sak ci, Bawipa ah kä ng’hlat law ba ci, ani cu apa ah däm pi ci ah katnak bik ci.

2 SHONTÄP NAK 33:19

Ghangpughang ah ak taigü la acun Khanpughi ah m’shan nak, ani kä ng’yu ba pha ung katnak abi gui-ani naw akshe a bi, Khogam Khawihnah nak ah hmun gui, ani naw a pyan ah khanpughinu Asherah ah gup la ani ah khawihnah ah a gup gui-cun gui a van cu prophet gui ah mawng ca-uk ung guk ah kyak ci.

2 SHONTÄP NAK 12:12

Ani cu Bawipa ah ma ah ng’kia ciah kya neta, Bawipa ah m’lungshe nak naw akbe ah kä m’di ci, Judah khaw phi ding gei kyäp nep ci.

PHYAWN NAK 10:3

Cun ah kyasei Moses la Aaron naw ghangpughang ah hteit ni neta ng’thu ani pyen cu, “Bawipa, Hebru gui ah Khanpughi ah ng’thu cu kei ah na ng’paa law nak vai cu a i güt na mak khai ang? Ka chang gui cu hteh sak gui ä, cun ung ngami naw na khawihnah khai gui nei.

TAIGÜTHUM 26:24

Kei cu nangmi ah khan ah ng’hlat law ba ne, ayan ka ah tah ak chih ah nui tuba khai ah ka ning m’kyuk gui khai.

TAIGÜTHUM 26:28

kei naw m’lungshe nak awn nangmi ah khan ah ng’hlat law ne, ayan ä kaa ah tah, ak chih ah ka pi khai ah ka ning m’kyuk gui khai.

KHEI NAK 5:7

Ani naw akat nak ang kiaa vai, akbe ah ang lawh vai. Ani naw a cheishoh nak ah khan ah k’bum hma ung bum ät awn m’khah ne, a katnak ah chang am a pek vai.

THULÄÄN NAK 10:16

Cun ah kyasei tuhbäi ung tün ne, Bawipa cu ngai vä, nami linglai nak cu ng’düm vä.

THULÄÄN NAK 31:21

Cun kawn ah kyih vai ah leigai akda ami khan ah gawk lawk khai. Cun ung phi shin ah ng’äi cu m’cu lä khai gui, a cun cu ngami hnu ng’tuk gui ne saksi ah ng’düi khai. Tuhbäi pang phi, kei naw ka pek gui vai ah ka shai tak nak ah khaw ung kä ka hteh püi gui pha ung, ngami naw a i ngaihtüh ci gui cicu kei naw ka hmat ci.”

EZEKIEL 14:23

Cun kawn ah nang naw, kei naw ka bi nü cu amawng akni ah kyak ci, cicu nah mat khai nei.” Uktu Bawipa naw a pyen nei.