TAIGÜTHUM 26:4 - Cho Bible Common Language 2016

⁴ kei naw amät ah khin ung khaw ka aa sak khai, cun ung khonglei ung geit m’thawk khai, sing ghing gui cu m’theih khai gui.

TAIGÜTHUM 26:4 Referans Kwoze

ZEKHARIAH 8:12

Ngami cu ding gei sei ami m’shi geit khai gui, ami sapyit gui cu m’theih khai gui, khomdek naw akda vauipai sak khai, khawtui phi nik khai. Kei naw shin ah hriham gui cu k’pawih shut ciah ka changpakhui am ka pek khai.

SAM 67:6

Khomdek cu m’theih tak ci, Khanpughi, mi Khanpughi naw hriham na pek gui ci.

EZEKIEL 36:30

Kei naw sing theih gui geitkaw gui cu ka dämda sak khai, cun ung changpakhui gui ah ng’lung ah ning thui ng’aa sak gui ciah ei cawinak cu kä om ba khai.

ISAIAH 30:23

A i sang ung phi m’shi nami phu ah a kyak ung, ang lih ngon nak vai ah Bawipa naw kho aa sak khai, akda ah ning khäm sak gui khai, nami vuhchah gui ah phäh ah khulim khaw akda om khai.

JOB 5:10

Ani naw khonglei ah khan ah khaw aa sak ne, lolai gui cu tui awn shawi ci.

THULÄÄN NAK 28:12

Ani naw khankhomik ah bühmang ciah a im ungka khaw a aa khin ung khaw yuk aa law sak khai nami bilawh avan hriham pek khai. Cun ah kyasei nangmi naw chang pakhui akda am nami k’pu m’hnih khai. Cun ung phi na mi mät cu a u ah phi kä nami pu ng’yoi khai.

THULÄÄN NAK 11:14

Cun ah na bi ah a kyak ung ani naw na khaw ung khotui a hlü yah ung khaw yuk aa law sak khai, hting khaw htui khaw ung phi, cun ah kyasei nangmi ah hmawk ah htang, sapyit la oliv situi cu da khai.

TAIGÜTHUM 25:21

Bawipa naw khaw cu a kum chuk kum hrilham k’be khai, cun ah kyasei a cun ah khaw naw kum goi ung ei vai m’thawk sak khai.

LAMKTU 14:17

Cun ung phi Khanpughi naw a om ah mawng cu ak ni a bi nak awn ang täi sei chang gui am m’dang gui ne, Khankho ah kaa kho yuk aa sak ne, amät ah khin ung vuipai m’theihtak ci phi ning pe gui ci. Ei auk vai ning k’be gui ne m’lung yeikyai nak phi ning pe gui ci” cine m’lau ne pyein ci.

MATTHE 5:45

Cun ung vah nangmi cu Khanpughi ah hta ah nami kyak khai. Khanpughi naw chang k’ni, chang k’she van ah khan ah kho yuk so sak ci, akni akshe bik ci van ah khan ah kho phi yuk aa sak ci.

SAM 85:12

Bawipa naw na ng’bühmang sak gui khai, mi kho ng’lei phi pümhtang awn be khai.

SAM 68:9

Nang naw kho angtäi aa sak ne, na ng’dü kho phi na kyäp sak ci;

THU PHLAAN 11:6

Khanpughi ah ng’thu ami pyein sangung khaw kä a aa vai ah khankho khai nak hning ah huham ngami ung om ci, tui cu si ah ami lat nak hning ah huham phi ngami ung om ci, ami ng’yak hlü ah khomdek khan ah khaw yaw tui shek khai ah ami bi nak hning ah huham phi ngami ung om ci.

JAMES 5:7

Ka phäinau gui aw, Bawipa a law ba güt hnimgei ne om vä. Lo bik ciah chang tumat naw, a lo ung, ak küikyang ah a geitkaw gui am theih tak law vai ah, kho k’aa htük ungka naw, kho k’aa ang pyi güt ung, hnimgei ne ging ci nei.

JEREMIAH 14:22

Chang pakhui gui ah a gup gui naw khaw kä aa sak hlawt ci; khomik amät naw khogoh kä ng’kiak sak hlawt ci. Keimi naw nang cu kami ning ngaih u ci nei, Oh Bawipa, kami khanpughi, a i ah kyasei ci ung nang cu shin gui bik ciah na kyak ci.

ISAIAH 5:6

Kei naw cun cu khumgho she gui awn kakdüi sak khai. Kai naw kä ka k’hteiuh pyang khai, m’dek kä ka k’seisan khai; ng’hling nu, ng’hling hta gui awn ka küm khai. Ani ah khan ah khaw kaa kä kya lawk khai ah khaw mei gui phi ka maa nak khai” cik ci.

SAM 104:13

Nang naw khomik ung ka, m’htung khan ah kho yuk aa sak ci, khomdek cu na hriham awn be ci.

1 GHANGPUGHANG GUI 17:1

Kilead kho Tisbe ungka prophet Elijah naw Ghangpughang Ahab a pyen nak cu, “Kei naw a bii ka bi ah Israel gui ah ghing ciah Khanpughi, Bawipa ah ming ung, kei naw ka ning m’thein cu, kei naw kä ka pyen ba pha ah chuih, ma lam ah kum goi ung baw, kum thum ung baw k’daam phi kä bawk khai, kho phi kä aa khai.”

TAIGÜTHUM 25:19

Khaw ng’lei naw geit gui m’thawk sak khai, nami ei hlü phung avan nangmi ung om khai, nangmi cu phyawng ne nami om khai.

THULÄÄN NAK 11:13

“Cun ah kyasei tuhngawi kei naw ka ning pek gui ah thumkhän gui cu nami läk vai, Bawipa nami Khanpughi cu m’hni ne nami lung kyong avan awn abii nami bi vai.

SAM 67:7

Khanpughi naw hriham na pe gui ci nei, kho nü ung chang van naw ngak sä.

SAM 85:13

Düng nak cu Bawipa ah ma ah hteit ne, Ani ah hmawk ah lam pyang khai.

JOEL 2:22

Seisa gui kä kyi vä. Khulim gui m’kim ci; sing ghing gui theih ci, Thei gui la sapyit gui phi chün ci nei.