TAIGÜTHUM 26:39 - Cho Bible Common Language 2016

³⁹ Nangmi ungka nami ga gui ah khaw ung api pawih ba ci gui cu akholä ah kyak khai, cun cu nami mät ah katnak la nami pupu gui ah katnak ah phäh ah kyak khai.

TAIGÜTHUM 26:39 Referans Kwoze

EZEKIEL 4:17

Ngami ung m’htut la tui kä om ba khai; ngami cu ngaih u kaa kyak khai gui, ami katnak ah phäh ah pim khai gui” cik ci.

EZEKIEL 33:10

Bawipa naw na ng’thu püi ci, Ani naw pyen ci,” Hnicim chang, Israel gui am a i ami pyen ah pyen nak ba gui vai cu, ‘Keimi cu kami katnak gui la cheishoh nak kami bi gui awn kami phuih gih ci nei. Keimi cu kami k’tha maih ci nei. A i hawkcha kami ghing khai ang?

EZEKIEL 24:23

Nangmi cu nami lu kä pawng ne, phahnak kä ng’cum ne kä nami hteit khai, kä nami thüi khai, kä nami kyap khai. Nangmi cu nami katnak ah phäh ah kyung u ne, tumat ah ma ah tumat nami ng’hlo ng’ei khai.

EZEKIEL 6:9

acu ah ngami cu omktu ah kya ne om khai gui. A cu ah ngami naw kei cu na shüm khai gui, kei naw m’kyuk gui ne ka thüisei sak gui ciah ngami naw hmat khai gui, a i ah kyasei ci ung ngami ah kä bekhüt ciah m’lung naw kei cu na nawng ne, ngami naw kei ah ta agup ami m’hni pi ah phäh ah kyak ci nei. Ngami cu akshekha, a cheishoh ami bi ah phäh ah ami mät naw amät shemshai lawk khai gui nei.

THULÄÄN NAK 28:65

Nangmi naw dimdeeih nak a hawi phi kä nami hmuk khai. Nami ka ah nami khü vai ah hmun kä om khai. Bawipa naw ng’ä ai nak, ngaih u kaa nak, m’lung k’si nak awn ning shu deng gui khai.

PHYAWN NAK 20:5

A i ah a gup ah ma ah phi kä nami m’khukdong vai, kä nami khawihnah vai, a i ah kyasei ci ung, kei cu Bawipa, nami Khanpughi, a u awn phi kä ka ni täng ci. Kei na gen ci gui ah khan ah m’kyuk nak ka law püi ci. Ami hta ng’shon, shon thum, shon phli güt ung ka m’kyuk gui ci.

ZEKHARIAH 10:9

Kei naw chang pakhui gui ah ng’lung ah ka püi sak gui ci, Cun ung phi a sho nak yung ah om pang u ne phi, kei cu na shüm khai gui. Ngami la ami hta gui cu ghing ne ng’shon ne ami im ah law ba khai gui.

HOSEA 5:15

“Kei naw ka chang gui cu ami kat nak awn ng’büh ne yaica u ne, law ne kei ami na shui law güt ung kei naw ka nawng gui khai. Ngami ami yaica law ung kei ami na shui vai ah k’tha na lawk khai gui nei.”

EZEKIEL 36:31

Nangmi naw akshekha nami bilawh la chei ci gui. Nami bilawh cu nami shümba khai, nami katnak gui la nami chei nak gui ah phäh ah nami mät naw nami mät ning shemshai gui khai.

EZEKIEL 20:43

Cun kawn ah nangmi naw nami bi ah ak shesham gui la nami mät naw nami mät a i hlawk ah nami lelawi sak cu nami shüm ba khai. Nangmi naw nami bi ah ak shekha avan ah phäh ah nami mät naw nami mät nami shemshai khai.

EZEKIEL 18:19

“Cun ung phi nang mi naw,” Apa ah kat ah phäh ah a i ah kyasei a htapa naw a yaica nak vai ang?” cine name na ng’shik ci. M’hlan nak cu a htapa naw ng’düng ci la nik cicu bik ci. Ani naw ka thukhän gui k’pang ne geing na ne läk ci, cun ah kyasei ani cu akcang ah ghing khai.

NG’ÄI KYAH 4:9

Ayanä ng’tuk nak ung sik ci gui cu, akawn ah sik ci gui ah ta bä tuba ci. Ngami cu ami hnun k’pan nak vai ei vai kä om sei, a kyäp kyäp ah sik ci gui ah kyak ci.

JEREMIAH 31:29

Cun ah khin a gawk law ung, shin ah ng’thu cu chang gui naw kä pyen ba khai gui. ‘Nupa gui naw sapyit thui ei u sei, hta hmaw gui ami ha kyim ci.’

JEREMIAH 29:12

Cun Kawn ah nangmi naw kei nami na khü khai, Kei ah law ne nami taigü khai, kei naw ka ning m’shan gui khai.

JEREMIAH 3:25

Mikmi cu thui ngaa ne ng; yän ne, lü ng’aa nak naw na küm gui khin ci nei. Mikmi la mi pupa gui naw angtäi sei Bawipa mi khanpughi hnungtuk ne katnak mi bik ci nei, mikmi naw ani ah thum khan gui cu kä mi läk phung ci nei.

NEHEMIAH 1:9

Cun ung phi nanghmi cu kei ah ng’hlat law ba u ne, nangmi ung ka thumkhän cu nami bi ah a kyak ung, nangmi cu khomdek ah ak cawi ah khüt ne, nami püi pyang ung phi, kei nami na khawihnah nak vai ah kei naw ka ghü ah hmun ung, kei naw ka ning law püi ba gui khai nei.’

THULÄÄN NAK 30:1

“Kei naw tuhbäi plah tam la hriham ungka tumat nami ghü vai ah ka ning pe gui ci. Bawipa nami Khanpughi naw a ning k’püi nak gui changpakhui hei gui ah ng’lung ah nami om tu nak ah shin gui avan nami khan ah a kyak law ung, nami ghü vai kei naw ka ning pek gui cu nami shüm ba vai nei.

THULÄÄN NAK 5:9

A i a gup ah ma ung phi kä nami m’khuukdong vai, kä nami khawihnah vai, a i ah kyasei ci ung kei cu Bawipa nami Khanpughi, a u phi kä ka täng püi ci. Kei na gen ci gui ah khan ah m’kyuk nak ka law püi ci. Ami htangshon thum phli güt ung ka m’kyuk gui khai.

KHEI NAK 14:18

“Kei Bawipa cu ayäi ah kä kam lungshe ci, kei naw dämduh ciah m’hni nak bekhüt nak cu m’dang ne, katnak la hnungtuk küknet nak cu ka m’geinsei ci. Cun ung phi ami pupa ah katnak ah hmawk ah htanau gui la tuhta gui ah khan ah ng’shon thum phli ung m’kyuk nak cu kei naw kä ka k’phlawi ci.

PHYAWN NAK 34:7

Hta ng’shon phia gha gha ung ka shaitak cu ka shum khenggeng ci, akshe la katnak cu ka m’geinsei ci. Cun ung phi kei naw ami pupa gui ah shetkat ah phäh ah ami hta ng’shon ak thum nak la ak phli nak khüt khai ah kä m’kyuk gui ah kä ka om khai nei” cik ci.

ISAIAH 14:21

Ngawn sih nak tuhbäi ng’tün sä! Ami pupa gui ah shekat ah phäh ah shin ah ghangpughang ah hta gui si u sä. A u naw phi khomdek kä uk khai gui, mang gaw kä uk khai gui.

ISAIAH 24:16

Khomdek khan ak shou nak pi ung om ciah mikmi gui naw ng’düng ciah pakhui Israel gui m’tam nak ah ng’äi cu mi ng’yak khai gui nei. Cun ung phi kei ung ngaih u vai kä om ci! Kei cu a kholä nei! Kä bekhüt nak cu ka law pi ka law pi ci nei.

NG’ÄI KYAH 1:3

Judah chang gui cu amgein kaa changshäm gui, im ungka ahei ah ami gawt gui ah kyak ci. Ngami cu a khohei ung om ci gui, ami mät ah hmun vai a i kä om ci Gaa gui naw ami koi gui, phiawn nak vai ah lam kä om ci.

THULÄÄN NAK 8:20

Bawipa ah thu kä nami läk ah a kyak ung, ami ma ung ani naw am di law gui vai ah pakhui gui ah mäih ah nangmi phi ning m’di gui khai.

2 SHONTÄP NAK 34:24

Bawipa ah ng’thu cu ami pek vai ah pyen ah gui ci: “Kei naw Jerusalem la a chang gui avan cu, ghangpughang ah ma ah ami phat ah shin ah ca-uk ung ami guk awn ka plah tam nak awn ka m’kyuk gui khai nei.

EZRA 9:7

Cau kami pupa gui ung tün ne tuhbäi ung khüt khai ah keimi na na chang gui cu, aknui ah kami kak ci nei, Kami kat ah hmawk ah keimi, kami ghangpughang gui la kami taigü gui, khaw hei ghangpughang gui ah kut ung, kami gawk ci nei. Ami na ngawn shep gui, ami na guttep gui, la pha ne ami na hteh püi gui ah kyak ci nei.