TAIGÜTHUM 26:37 - Cho Bible Common Language 2016

³⁷ A u naw kä a ning gawt gui ung phi tumat ah khan ah tumat nami ng’goot khai. Nangmi naw a i ga gui phi kä nami tu tuba hlawt khai.

TAIGÜTHUM 26:37 Referans Kwoze

SUKI GUI 2:14

Bawipa naw Israel gui ah khan ah m’lungshe aih neta, ng’tuk’bi gui am tuk sak gui ci. Ani naw ga gui avan cu ami khaw ah huham mah sak gui khäta, Israel gui cu ami mät naw ami mät kä shung vong ba hning ci gui.

JEREMIAH 37:10

Nangmi naw Babilonian gakap avan nami hnim ah a kyak ung phi leim ci gui bäng om ba ne phung kyong ah ami ng’zän ung phi, cun ah chang gui cu tho law ba u ne shin ah mang gaw cu m’dek ah khüt khai ah m’khih khai gui nei.”

ISAIAH 10:4

Nangmi cu ng’tuk nak ung ning ngawn gui khai gui, käcung thawngkyum ah pha ne ning kaih gui khai gui. Cun ung phi Bawipa m’lungshe nak cu kä ng’pyi khai, ani naw a kut cu m’kyuk nak vai ah shäng lä khai.

SUKI GUI 7:22

Kideon ah a chang gui naw ami phyung puuk ami tum yah ung, Bawipa naw ga gakap gui cu ami mät ah khim awn ami mät ng’tuk sak gui ci. Ngami Zarethan täng ah dawng u ne, Beth Shithhah ah khüt ci gui, Tabbath ah pei Abel meholah ah phi khüt ci gui.

KHEI NAK 14:42

Kä hteit vä, Bawipa cu nangmi awn a täng ah kä om ci, nami ga gui naw ning hnim gui khai gui nei.

TAIGÜTHUM 26:17

Kei naw ng’hlat ne ka ning hnungtuk püi gui khai, cun ung ning hnim gui khai gui, nangmi ning thüi na gui ci naw ning uk gui khai, nangmi cu nami kyikyawk aih khai, a u naw kä a ning gawt gui ung phi nami dawng khai.

JEREMIAH 6:21

Cun ah kyasei shin ah chang gui ah ami ng’vawn nak vai pyang ne ka ng’tän sak gui khai. Ami pa gui la ami hta gui, ami teihpüi gui la ami paw chang gui si yawp khai gui.

JEREMIAH 46:16

Nami gakap gui cu ng’vawn u ne kyu ng’ täng ci gui nei; Tumat la tumat ng’pyen na tuk ci gui, ‘Ang ghit ah! Mi chang gui ah im ah mi hteit khai cun kawn ah ga gui ah khimsem mi phiawn nak khai nei!’

NAHUM 3:3

Ng’se ng’cum ciah gakap gui kai lawk ci gui, Tui ciah khim, pyü ciah k’htei kawt ci. Gook gui a hlüng ahng’pum ci, Chang si gui kä khei tai vai ah ng’yaih ci. Cun gui ah khan ah chang gui naw kai nak ci gui.

1 SAMUEL 4:2

Philistin gui näng ci gui, nuipai ciah ami ng’tuk awn ah ngami naw Israel gui cu shudep gui u ne, chang phia phli kip, ng’tuk nak ung ngawn gui ci gui.