TAIGÜTHUM 26:31 - Cho Bible Common Language 2016

³¹ Nami mang gaw gui cu di nak ung ka ng’hlah sak khai, nami khawihnah nak ah hmun gui cu ka m’di khai, nami khawihnah nak gui cu kä dou ne ka mak khai.

TAIGÜTHUM 26:31 Referans Kwoze

NEHEMIAH 2:3

Ka m’shan cu, “Ka bawimang aw, khaw ng’län ung ghing ä! Kei naw ka hmai kä m’kyum ne a i hawkcha ka on hlawt khai aw? Ka pupa gui ah ng’phuh nak ah mang gaw cu she ne di ci, m’kawt gui phi mei naw ui ne m’di ci nei.

HEBRU 10:26

Mikmi cu düng nak mi hmat kawn ah a guih ah mi cheishoh ba ah a kiak ung katnak küikyan nak vai a i kä om ba khai nei.

EZEKIEL 9:6

Aghipa, chang nong, hnumi nong, nunu gui, hta hmaw gui, ngawn gui vä. Cun ung phi am calai ung m’hnüt nak om cicu kä name tawn en vai. Shin ah kei ah Taigüim pei ung name tün vai.” Cun ah kyasei ngami haw Taigüim pei ah ng’düi ciah ang vai gui ung tün ci gui.

NG’ÄI KYAH 2:7

Bawipa naw a sonkiang cu hnungtuk ne theingcim ciah Taigüim cu ng’gau sak ci. Acun ah paang gui cu ga gui naw ami gäi vai ah ani naw bi sak gui ci. Ayanä mikmi naw yei ne mi khawihnah nak man ung ngami cu näng nak awn m’lau ci gui.

NG’ÄI KYAH 1:10

Aga gui naw ani ah am küm khawh avan cu gut ci gui. Ngami cu taigü im mät ung lut u sei ani naw hmu gui ci. Cun cu chang khui hei gui kä ami hteh vai ah Bawipa naw a hüng nak ah kyak ci.

JEREMIAH 4:7

Ang thuh nak ah hmun ung ka lut lawk ciah phong kawng ah mäih ah, pakhui gui m’di khai cu lut lawk ci nei. Judah mang gaw gui cu dishum sei nawng vai nei, acun ung a u phi kä om ba khai nei.

LAMKTU 6:14

Nazaret chang Jesuh naw k’taigüim cu gäi netah, Moses ah peit ah thungyo phi m’shet ciah thu pyein sei kami ng’yak ci nei” ci ne pyän ci gui.

LUKA 21:24

Chang amshah cu chim awn sik khai gui, amshah cu pha ne, khlei htein nah ne, a kho päng ung hteh püi khai gui. Chang khui hei gui naw ami uknak kä ang pyi pha ah chuih Jerusalem cu ami kho awn kai nak khai gui.

MIKHAH 3:12

Cun ah nangmi ah om ah, Zion cu lai ah mäih ah thawn khai gui, Jerusalem ci di nak ah m’dek ng’plum ah kyak khai. Taigüim m’htung cu bung ah ng’lat khai.

EZEKIEL 24:21

nangmi Israel gui am shin ah ng’thu ning m’thein gui vai ah kyak ci. Nangmi cu Taigüim ah khän htek nak awn nami khäh ghah ci. Nangmi naw acun nami teng hlük ci, acu ah nami hteit hlük ci, cung phi Bawipa naw cun cu lelawi law sak khai nei. Jerusalem ung k’pawih ba shüt ciah nami kyong chang ung ak hmaw ba gui cu ng’tuk nak ung ngawn gui khai gui nei.

EZEKIEL 21:15

Acun aw ka chang gui cu ami k’tha maih sak gui ne, kyuk ng’tät sak gui ci. Kei naw ami mang gaw lailäp ne pyü ne, ngawn nak ge vai ah kyak ci awn ka m’kyih m’kyawk khai.

EZEKIEL 21:7

A i ah kyasei na ng’hlaw ei ah ami ning shi law ah a kyak ung, ng’thu gawk law sei nei, cine na m’thei gui vai. Cun a gawk law ung, ngami ah m’lung cu kyih nak awn be khai, ami kut gui cu gung ne ng’bat khai, ami hnawk tha cu kya yawp khai, ami m’khuuk gui cu ng’tum khai. Akhin cu gawk law ci nei, cun cu a shin ung nei.” Uktu Bawipa naw a pyen nei.

EZEKIEL 6:6

Israel mang gaw gui avan cu m’di khai gui, cun ah kyasei ami mangkiang gui la a gup gui avan cu akhui ah ng’piäh khai, ami angui-sonkiang gui cu geep yawp ne, ngami naw ami pyan gui phung cu kä om ba khai.

NG’ÄI KYAH 1:1

A i ah kyasei Jerusalem a mät a omdam ang? A cau chang gui be ne om man te ci nei. Khaw ah ka ung ami m’tamkhah man, Ani cu tuhbäi hmei nu ah mäih ah kyak ci. Mang gaw gui ung chang bä pikbäih man gui cu, changshäm ah kyak ci gui nei.

JEREMIAH 52:13

Ani naw Taigüim, mang im la Jerusalem ung küikyang ciah chang gui avan ah im gui cu m’khih yawp ci;

JEREMIAH 26:9

A i ah kyasei nang naw, shin ah Taigüim cu Shilon ah mäih ah kyak khai, shin ah mang gaw cu m’di vai, cun ung a u phi kä om ba khai, na ci ang? ci u neta, chang hli naw kei cu na koi ci gui.

JEREMIAH 26:6

Nangmi naw k’täi ne kä nami ngaih ah a kyak ung kei naw shin ah Taigüim ah khan ah Shilon ung ka bi ah mäih ah ka bik khai, m’dek khan ung om ciah changpakhui avan naw shin ah mang gaw ah ming cu plah tam nak ah mang khai gui.”

JEREMIAH 22:5

Cun ung phi nangmi naw ka thumkhän cu kä nami läk ah a kyak ung, kei ka ng’taam ci nei, shin ah mang im cu ng’kia ne di khai nei. Kei Bawipa naw ka pyen nei.

JEREMIAH 9:11

Bawipa naw pyen ci, “kei naw Jerusalem cu, im ng’phrek ciah ng’awt ng’bum, sa ui gui ah om nak ah hmun ah ka pyang khai; Judah mang gaw gui cu chang ah kä om nak bung ah kyak khai gui.”

ISAIAH 66:3

“Chang gui naw ami mät m’hni ah bi bik ci gui. Cun cu, seipat ngawn ne ami khawihnah cu chang ngawn ne ami khawihnah ah’n täng ci; htome hta awn ami khawihnah cu ui ah gawn ami douthak awn täng ci; tui ng’ui ami douthak cu, agup ah ami taigü awn täng ci. Ngami cu shemshai ciah khawihnah nak ung lün lawi ci gui.

ISAIAH 1:7

Nami khawpäng cu m’dimshum u ne, nami mang gaw gui cu m’dek ah khüt khai ah m’khih ci gui nei. Nami hmuh ge aha akhaw hei Chang gui naw nami khaw la u ne, avan hteh püi ne m’di ci gui nei.

NEHEMIAH 2:17

Cun ung phi tuhbäi kei naw ka pyen nak gui cu, “Teng vä, Jerusalem cu ng’phye ne, m’kawt gui cu di sei, mikmi khüikha ne mi om ci nei! Mikmi naw mang gaw k’paang cu co ba ne, mi thui hmai nak cu mi ng’pyi sak khai nei.”

2 SHONTÄP NAK 36:19

Ani naw Taigüim, mang gaw la mang im gui avan, khawhcham gui avan mei awn m’khih ne mang pang phi phyek ci.

ATÜNNAK 8:21

Bawipa naw ng’ui ciah khawihnah nak cu dou neta “Cun kawn ah chang gui ah hmawk ah khomdek cu kä ka plah taam ba khai, chang gui cu ami hmaw sang ge ung ami m’lung ngaih shekhak ciah ka hmat ci. Tuhbäi ka bi ah mäih ah cun kawn ah a hnun ghing gui cu kä ka m’di ba gui khai.

2 GHANGPUGHANG GUI 22:19

Nang cu ng’yuu ba ne, kei ah ma ah na m’lung na ng’neim sak ci, kei naw Jerusalem la a chang gui, ka m’kyuk gui khai, cicu ng’ya neta na sui k’teek ne, na kyap ci. Kei naw cun cu kyihkyawk vai ah ka bik khai, shin ah hmun ah aming cu chang gui naw plah tam nak ah mang khai gui. Cun ung phi nangmi ah taigü cu kei naw ka ng’yak ci,

ISAIAH 6:11

Kei naw, “Bawipa shin ah mäih cu ai güt lüng khai ang?” cine ka ng’shik ci. Ani naw, “Shin gui cu mang gaw gui di ne a maih güt-im gui a u kä a om ba güt-khaw ung chang kä a om ba güt ah kyak khai.

ISAIAH 63:18

Keimi, nang ah thingcim ciah chang gui cu, a shäng hta ung kami ga gui naw na k’täm gui ci gui nei: Nang ah pum lm phi ngami naw kai nak ci gui nei —

JEREMIAH 44:2

M’güi ciah Bawipa, Israel khanpughi naw pyen ci, “Jerusalem la Judah khaw ahei mang gaw gui avan ah khan ah kei naw dishum nak ka law püi cu nangmi nami mät naw nami hmuk ci nei. Tuh güt cun gui cu di ci, a cun ung a u phi kä om ci,

JEREMIAH 44:6

Cun ah kyasei kei naw ka m’lungshe nak la ka nget ngawng nak cu Judah gaw nu gui la Jerusalemlam gui ah khan ah yuk shawi ne, meiawn ka m’khih khai. Cun gui cu dishum u ne, tuh ngawi hmuh ah mäih ah teng dam vai ah kyak ci gui.

DANIEL 2:46

Cun kawn ah ghangpughang Nebukhadnezzar cu m’dek ung ng’boop neta khawihnah nak la douthak nak cu Daniela am ami pek vai ah thu k’bäi ci.

AMOS 7:9

Isaak ah hta ng’shon gui ah khawihnah nak ah hmun cu m’di vai nei. Israel gui ah theingciim ciah hmun gui cu ng’gäi ne di yawp khai nei. Kei naw ghangpughang Jeroboam ah ng’shon cu ka ng’pyi sak khai nei” cik ci.

ZEPHANIAH 3:6

Bawipa naw, “Chang pakhui gui avan ka k’täm cui ci, ami mang gaw gui phi ka m’di ci. Ami pang gui la tänghän gui phi sheka yawp ci. Mi mang gaw gui cu ng’gau ci, ami lam gui cu ghawng ci, a u kä om ci.

NEHEMIAH 1:3

Ghing ne k’pawih ba ne ng’dükhaw ah law ba ci gui cu ang htei ah khüikhaa u ne, ami pei ng’leng ah om ciah khuihei chang gui naw yawkshe na gui ci gui, cine na m’thein ci gui. Ngami naw ami na m’thein ba cu, Jerusalem mang pang gui cu tuhbäi shekha lä ci nei, m’kawt gui phi mei naw a uih kawn ah a u naw kä a pyan ba nei.

ISAIAH 64:9

Cun ah kyasei keimi ah khan ah kä m’lungshe aih en ä, keimi na hnungtuk püi gui ne kami katnak ngawi yä kä k’pang en ä. Keimi na na chang gui nei, keimi na m’gein gui ä.

JEREMIAH 4:26

Anglei nik ciah khaw cu khaw ng’gau ah kyak ci; Bawipa ah nui aih ciah amlungshe nak awn acun ung mang gaw gui cu di yawp ci.

JEREMIAH 4:27

(Bawipa naw pyen ci, khomdek khan avan cu loung khonggau ah kyak khai, cun ung phi ani naw avan kä m’di yawp hnga khai.)

NG’ÄI KYAH 2:6

Ani mi khawihnah nak ah Taigüim cu ng’phyit khai ah ani naw m’di ci. Ani naw theingcim ciah hnüüp gui la pum nak hnüüp gui cu ng’pyi sak ci. Ghangpughang la taigü naw atäng ah ani ah k’tut nak ah m’lungshe nak cu khan ci gui.

EZEKIEL 12:20

Tuhbäi Chang gui naw be ne ami om nak ah mang gaw gui cu di khai gui, khopäng cu ng’kiang de ah kyak khai. Cun ung ngami naw kei cu Bawipa ah nah mat khai gui.”