TAIGÜTHUM 26:30 - Cho Bible Common Language 2016

³⁰ M’htung khan ung nami khawihnah nak ah hmun gui cu kei naw ka m’di khai, ang ui sonkiang gui cu ka gäi khai, sik ciah nami pumsa gui cu kyu ne ng’yän ciah nami ka, a gup gui ah khan ah ka yuk ghawt khai, kä ni aih ciah a kyong ah,

TAIGÜTHUM 26:30 Referans Kwoze

2 GHANGPUGHANG GUI 23:20

Ani naw khongyo taigü gui avan cu ami bii bi nak ah sonkiang ung ngawn gui ci, ani naw chang ah guh gui cu sonkiang päng ung m’khih ci. Cun kawn ah Jerusalem ah hteit ba ci.

ISAIAH 27:9

Khoshe ah lung sonkiang gui cu khak khai ah güüt ne, khanpughinu Asherah ah m’hnüt nak kä ung, tui ng’ui sonkiang kä ah om ba kawn ung, Israel gui ah katnak cu m’geinsei nak om khai nei.

EZEKIEL 6:13

Gook gui cu agup gui ah ng’lung, sonkiang gui ah ng’veing ung ng’zaih khai gui, khomhtung hlüng pang, m’htung lai päng, m’kim ciah sing ghing ka päng, he sing ng’ghaw gui ah ka pang, agup gui am m’khih ne ami khawihnah nak ah hmun pän gung ng’zaih ci. Cung kawn ah chang nü naw kei cu Bawipa ah na hmat khai.

JEREMIAH 14:19

Bawipa, Judah cu akbe ah na hnungtuk püi ne ma? Zion chang gui cu na thüi na gui ne ma? Keimi kä kami gai ba hlawt khai ah a i ah kyasei akshe ah na na nat sak gui ang? Keimi naw dimdeeih nak kami shui ci, cun ung phi akni kä kya lawk ci; Keimi naw gai gawng vai kami ngaih u ci, cun ung phi kyih vai düt gawk lawk ci.

SAM 89:38

Cun ung phi nang cu na ghü ah ghangpughang ah khan ah na m’lungshe ci, ani cu hnu nah ne na ng’tuk püi ci nei.

2 SHONTÄP NAK 31:1

Pawi ang pyi kawn ah Israel chang gui ami van cu Judah kho mang gaw päng ung hteit ne, lungktung gui shui u ne Asherah khanpughinu ah a gup gui m’shet u ne, sonkiang gui la khogam khawihnah nak ah hmun gui cu m’di ci gui. Ngami naw pawih ba ciah Judah la Benjamin, Ephraim la Manasseh khopäng gui ung phi acun ah bik ci gui; cun kawn ah ami van hteit ba ci gui.

2 SHONTÄP NAK 23:17

Ngami ami van cu Baala Taigüim ah hteit u neta phye ne gäi ci gui. Ngami naw sonkiang gui la a gup gui cu shudeng u ne Baala taigü Mattan cu, sonkiang ah ma ah ngawn ci gui.

2 GHANGPUGHANG GUI 23:16

Cun kawn ah Josiah naw khogui khan ah ng’phuh hmun gui cu teng ne hmu neta guh gui cu la ne, sonkiang ah khan ah m’khih ci. Ani naw cu cha ah sonkiang cu m’shet ci, cun cu pawi ami bi sang ung Ghangpughang Jeroboam cu sonkiang pei ah ang düih yah ung prophet naw a pyen ah mäih bä ah kyak ci. Ghangpughang Josiah naw shui ne teng neta, cun ah ng’cäk ciah prophet ah ng’phuh hmun cu hmuk ci.

2 GHANGPUGHANG GUI 23:8

Judah khaw ung mang gaw gui ungka taigü gui cu ani naw Jerusalem ah hteh püi gui ne, khopäng avan ung ngami naw khawihnah nak ami douthak nak ah sonkiang gui cu shetsham sak ci. Mang gaw uktu Joshua naw m’kawt pei ung a cawh ah me-m’cha gui vawih peh nak ah sonkiang phi ani naw gäi ci, cun cu mang gaw ung luh nak ah m’kawt nuktung ah ak-eng täng ah om ci.

1 GHANGPUGHANG GUI 13:2

Bawipa ah thumkhän ah mäih ah Prophet naw sonkiang ng’shäu ci, “O sonkiang, sonkiang, shin cu Bawipa ah ng’thu pyen nei: Josiah ang ming ami sui vai ah ak hmaw cu David ah kyong khui ung ng’tüi lawk khai nei. Khogam ah sonkiang khan ung ng’bik ci gui ah taigü gui cu nang ah khan ah ani naw ngawn gui khai, ani naw chang ah guh gui cu nang ah khan ah m’khih khai.”

TAIGÜTHUM 26:15

Nangmi naw kei ah ka thukhän la ka thumkhän gui maa na u ne, nangmi awn thukhän ka bi nami m’shet ah a kyak ung,

TAIGÜTHUM 26:11

Kei cu theing ciah Phung kyong ung nami ng’lung ah ka om khai, kei cu nangmi ungka a hei ah kä ka hteit phung khai.

TAIGÜTHUM 20:23

Acu ah om ciah chang gui ah ami thung man cu kä nami thei en tu vai. Kei naw cun ah khogam khawihnah ci gui cu ka k’täm gui khai. Cun ah kyasei cun ah khaw ung nangmi nami lut hning ci. Avan akshe ah ami om ih nak awn kei ah khan ah shemshai khai ah bilo ci gui.

ATÜNNAK 19:13

Shin ah hmun avan cu kami m’di lawk khai nei. Bawipa naw, shin ah hmun ung chang gui ah shetkat kyah m’lau aih cu ng’ya neta, Sodom gawnu cu m’di vai ah ana tüih law gui nei” cine pyen ci gui.

THULÄÄN NAK 32:19

“Cun cu Bawipa naw hmu neta, ani cu m’lungshe ci, A htapa gui la a hta hnumi gui cu hnungtuk püi gui ci.

1 GHANGPUGHANG GUI 13:32

Bethela ung sonkiang hnungtuk ne Bawipa ah thumkhän ung ani ah pyen ah ng’thu gui, la Samaria gawnu gui ung khawihnah nak ah hmun avan hnungtuk püi nak cu akcang ah bä lawk khai nei.”

SAM 106:40

Cun ah kyasei Bawipa cu ak chang gui ah khan ah m’lungshe ne, m’shemshai na gui ci.

EZEKIEL 43:7

“Hnicim chang, shin cu kei ah mangkiang nei. Kei cu shin ung Israel chang gui ah ng’lung ah ka om khai, angtäi sei ka uk gui khai. Israel chang gui, käcung ami ghangpughang gui naw a hei khanpughi gui ami khawihnah nak la shin ah hmun ung ami ghangpughang gui ah gook gui ami phuh nak awn, kei ah theingcim ciah ming cu ka thui aa ba sak khai gui.

AMOS 6:8

Uk ne m’gäi ciah Bawipa ah bä ciah ang cäi nak cu: “Israel gui chang ah ami ng’shei cu kei naw ka thüi nak ci, ami ng’päi im gui cu kei naw ka päipih ci. Kei naw ami mang gaw la akyong ah om ci nü cu ga am ka ap khai” cik ci.

AMOS 7:9

Isaak ah hta ng’shon gui ah khawihnah nak ah hmun cu m’di vai nei. Israel gui ah theingciim ciah hmun gui cu ng’gäi ne di yawp khai nei. Kei naw ghangpughang Jeroboam ah ng’shon cu ka ng’pyi sak khai nei” cik ci.

JEREMIAH 16:18

Ami katnak la ami cheishoh nak ah phäh ah kei naw a goi ah ka pe gui khai, a i ah kyasei ci ung ngami naw ka chaw cu agup gui awn lelawi sak ci gui, cun gui cu gook ah mäih ah ami ghin nak kä om ci, cun gui cu ngami naw kä hman ciah ami khanpughi gui awn be sak ci gui.”

EZEKIEL 16:39

Kei naw ngami ah huham kiyong ah ka ning tha khai, ngami naw pletbeng nak vai la agup khawihnah nak vai ah name ng’nüt nak ah hmun cu phyek khai gui. Ngami naw na sui sak gui la pyü lung gui u k’set yawp u ne, nak plui ah ning nawng khai gui.

HOSEA 10:2

Amlung kyong kä düng cisah chang gui cu, atuhbäi ami kat nak ah phäh ah yaica ci gui. Khanpughi naw ami sonkyang gui m’shet pe gui ne, theingcim ciah ami lungtung gui m’di pe gui khai.