TAIGÜTHUM 26:28 - Cho Bible Common Language 2016

²⁸ kei naw m’lungshe nak awn nangmi ah khan ah ng’hlat law ne, ayan ä kaa ah tah, ak chih ah ka pi khai ah ka ning m’kyuk gui khai.

TAIGÜTHUM 26:28 Referans Kwoze

ISAIAH 59:18

Ani naw aga gui cu a shou nak ah khaw ah amiom ung phi ami bi ah ciah m’kyuk gui khai.

EZEKIEL 8:18

Ngami naw kei ah m’lungshe nak akbe ah gah khai gui. Kei naw ngami kä ka k’phiawn gui khai, chimgein nak kä ka m’dang gui khai. Ngami cu ami m’lau hning ah m’lau u ne kei ah taigü khai gui, cun ung phi kei naw kä ka ngai gui khai.

EZEKIEL 5:15

“Kei naw m’lungshe nei, m’lung sou sei, ka ning m’kyuk gui ung, name vein gung changpakhui gui ami van cu kyik khai gui nei. Ngami naw shemshai ne ning teng u ne, ning zü isha khai gui.

EZEKIEL 5:13

Kei ah ka m’lung kä a gei ba pha ah chuih nang mi naw kei ah m’lungshe nak avan cu ak nmi ah name khan khai. Shin gui a kyak law ung, kä name bekhüt ah phäh ah, kei uktu Bawipa naw ka ning m’lungshe nak gui cu name hmu lawk khai nei.

JEREMIAH 21:5

Kei naw ka m’gäi nak, ka m’lungshe nak, ka nget nak, ka m’lungso nak avan awn nang cu ka ning tuk khai nei.

ISAIAH 66:15

Bawipa cu mei awn lawk khai. Ani cu am lungshe nak gui m’kyuk gui khai ah kuiphak ng’vai ung ng’cum ne lawk khai nei.

ISAIAH 63:3

Bawipa naw m’shang ci, “Kei naw chang pakhui gui cu sapyit neen ah mäih ah ka neen gui ci, a u naw law ne kä na bawn tuk ci. Kei naw m’lungshe ne neen gui ngä sei, ami si cu ka sui avan ung kawp ci.

NAHUM 1:6

Ani am lungshe ung a u ghing ba hning khai aw? Kyih shek ciah am lungshe nak ung a u om hning khai aw? Ani naw mei ah tawt ciah am lungshe nak am hluh Law ung kheng lung cu thüng ne ama ah m’vut ah kyak khai gui nei.

NAHUM 1:2

Bawipa Khanpughi naw ani ng’längna püi cicu kä M’düm ci. Ani naw ani hnungtuk püi ci cu m’kyuk ci. A m’lungshe nak awn thung ba gui ci.

ISAIAH 27:4

Kei cu sapyit lo ah phäh ah kä ka m’lungshe ba ci nei. Hnu ng’tuk püi vai ah hling ghing, hling shun gui bäng om ci nei, kei naw cun gui cu ka m’khih gui yawp khai nei.

TAIGÜTHUM 26:24

Kei cu nangmi ah khan ah ng’hlat law ba ne, ayan ka ah tah ak chih ah nui tuba khai ah ka ning m’kyuk gui khai.

TAIGÜTHUM 26:27

Shin gui avan a kyak kawn ung phi kei nami na maa lä ung, kei na läk vai ah nami maa lä ung,

TAIGÜTHUM 26:41

Ngami hnungtuk püi gui ne ami ga gui ah khaw ah omktu ah ka tüih gui vai ah na kyak sak ci gui. Ak hnu ah nami htangshon gui cu m’lung neim u ne, ami katnak la ami hnungtuk püi nak ah phäh ah ng’gei nak pe u ne ami kyak ung,

SAM 79:12

Bawipa, changpakhui gui naw nang ung ng’lih khai ah ami ning shedam nak cu ak chih vei ah thung ba gui ä.

JEREMIAH 7:20

Cun ah kyasei kei uk ciah Bawipa naw shin ah Taigüim ah khan ah nui ciah ka m’lungshe nak cu ka yuk lawn khai nei. Kei naw chang gui la khisa gui ah khan ah atäng ah ka yuk lawn khai, sing ghing gui la geit kaw gui ah khan ah phi ka lawn khai. Kei ah ka m’lungshe nak cu a u naw kä a m’sih hlawt ah mei ah mäih ah kyak ci.

NG’ÄI KYAH 4:11

Bawipa naw akbe ah aktut ah m’lungso nak cu ng’hlat ne k’phian ci. Ani naw Zion ung mei cik sei, acun naw m’dek ung gawk khai ah ui ci.