TAIGÜTHUM 26:26 - Cho Bible Common Language 2016

²⁶ Kei naw nami ei awk vai cu ka ning tukpit pe gui khai, cun ah kyasei hnumi gha naw ngami ung om ciah m’htut avan ami ng’shai nak vai ah meibum tumat bäng hlü khai gui. Ngami naw nän ne tei khai gui, cun avan nami ei yawp kawn ah phi nangmi cu nami cawi ba lä khai.

TAIGÜTHUM 26:26 Referans Kwoze

MIKHAH 6:14

Nami ei ung phi kä nami phü khai, akcang ah nami cawi lä khai. Nami khawh nami m’kawn khai, cun ung phi kä nami phiawn püi khai. Nami phiawn püi ung phi ng’tuk nak ung kei naw ka m’di khai.

ISAIAH 3:1

Tuhbäi ung Bawipa, M’gäi ciah Bawipa naw, Jerusalem la Judah ungka naw ak thuuk ah chang päng la avan päng, acun ah ng’lei khan ah om ci phung hteh püi gui khai. Ami tui la ami ei phi lak pe gui khai.

EZEKIEL 5:16

Kei naw name ei vai cu ning khai pe gui ne ka ning cawi sak gui khai. Nangmi naw m’la k’ghat awn kap ning ne m’diah ah mäih ah ei cawi ne natnak cu name gah khai.

SAM 105:16

Bawipa naw ami kho ung kho zaw sak ci, ami ei avan maih sak ci.

HAKKAI 1:6

Nangmi cu akda geit u ne phi api hta nami khäm ci. Nami ei vai om sei phi kä nami phü ci, nami awk vai om sei phi kä nami ng’büh ci. Nami sui vai om sei phi oh khai ah kä nami sui ci. Bii bik ci naw ang cheng awn a hnun a m’ghin nak vai ah kä ng’büh ci.

EZEKIEL 14:13

ani naw pyen ci, “Hnicim Chang, khopäng tumat cu katnak bi ne, kei ung kä abekhüt ah a kyak ung, kei naw ka kut shäng ne, ani ah ei awk vai gui cu ka m’di khai. Kei naw m’gaang tüi law ne Chang gui la seime gui cu ka ngawn khai.

EZEKIEL 4:16

Ani naw m’khah ba ne, “Hnicim Chang aw, kei naw Jerusalem ung ei vai ka khai khai. Awm ung Chang gui cu geinvai ng’ ä ai u ne ami ei vai law ami awk vai cu nän hta ne ei awk khai gui.

ISAIAH 9:20

Khaw avan ung chang gui naw ami hmuh hning ah ei apihta cu ng’gut ne ei khai gui cun ung phi kä phü khai gui. Ami mät ah hta gui hngaw ei khai gui.

HOSEA 4:10

Nangmi naw khawihnah nak ung nami chaw cu nami ei khai, cun ung phi nami cawi lä khai. Nangmi naw ng’shonbang nak ah khanpughi gui nami khawihnah khai, Cun ung phi kä nami hta nau khai. A i ah kyasei ci ung nangmi naw kei na ng’hlah ta u ne, ahei khanpughi gui nami läk ci.”

EZEKIEL 4:10

Nang naw hnüüp ät ung m’htut 230 kram na ei vai, cun cu angawi ung güt ah phäh ah kyak ci.

JEREMIAH 14:12

Ngami ei ami hlawi ung phi kei naw ka m’htei gui vai ah ngami naw ami k’thäh cu kä ka ngai khai; ngami naw m’khih ne douthak nak la htang-douthak nak ami na douthak law ung phi kei naw kä ka yei na gui khai. Cun nak vaisü ung ng’tuk nak, ei cawi nak la gawpai nak awn kei naw ka ngawn gui kei.

TAIGÜTHUM 26:27

Shin gui avan a kyak kawn ung phi kei nami na maa lä ung, kei na läk vai ah nami maa lä ung,

2 GHANGPUGHANG GUI 6:25

Cun ah kya ne mang gaw kyong ah ei vai maih ne khak aih sei laa ah lu tumat ngui cheitkip, ng’yungsu akhawk ngui phe hma ah kyak ci.

ISAIAH 5:10

Lo cing hma ung tho ciah sapyit cu um ung ak cheit bäng ah a tui gah vai. Htang tang gha shaw geit ci naw phi htang a tang bäng ah m’sep khai” cik ci.

EZEKIEL 4:17

Ngami ung m’htut la tui kä om ba khai; ngami cu ngaih u kaa kyak khai gui, ami katnak ah phäh ah pim khai gui” cik ci.

ISAIAH 9:19

A i ah kyasei ci ung m’gäi ciah Bawipa cu m’lungshe ci, ami ah m’kyuk nak naw khaw avan cu mei ah mäih ah ui ci, Chang avan m’di ci, cun cu a chang ami ah phäh ah kyak ci.