TAIGÜTHUM 26:25 - Cho Bible Common Language 2016

²⁵ Mi thukhän nami m’shet ah phäh ah ning m’kyuk gui khai ah ng’tuk nak kei naw ka law püi khai, nangmi cu nami mang gaw kyong ah phyawng ne nami ng’bum ba ah a kyak ung, kei naw nami ng’lung ah kä m’htei hlawt vai ah natnak ka tüi lawk khai. Nami ga gui ah ma ah nami kut nami chah khai ah ning k’ceet gui khai gui.

TAIGÜTHUM 26:25 Referans Kwoze

KHEI NAK 14:12

Kei naw leigai chah ne ka m’di gui khai nei. Cun ung phi kei naw nangmi cu ngami ah ta huham mah pi ne ng’shwng kau pi ciah pakhui ah pa ah ka ning pyang gui khai nei!” cik ci.

EZEKIEL 5:17

Kei naw ei cawi nak la name htanau ngawn khai ah khisa k’zäng gui cu ka tüi lawk khai, cun kawn ah gawpyan nak, cawi m’sa nak la ning ngawn gui khai ah ng’tuk nak cu ka tüi lawk khai. Kei, Bawipa naw ka pyen nei.”

EZEKIEL 33:2

ani naw pyen ci, “Hnicim chang kei naw shin ah khaw ung ng’tuk nak ka law püi ung a i ah kya lawk khai, cicu na chang gui am m’thein gui ä. Cun ah khaw ung chang gui naw ami mät ungka tumat cu gawkngäng ghü ci gui nei.

EZEKIEL 29:8

Tuhbäi, kei uktu Bawipa naw ka ning m’thein gui cu, kei naw nangmi khim awn ning tu gui khai ah ga gui cu ka thäh gui khai, ngami naw na chang ah kä om nak a ghawn khai gui.

EZEKIEL 20:37

Kei naw nangmi cu akhtek ah ning pang gui ne, ka thukhän nami läk vai ah ka ning bi gui khai.

EZEKIEL 14:17

“Kä cun ung, kei naw cun ah khopäng ah khan ah ng’tuk nak ka law püi khai, Chang gui la seime gui nawt heng gui khai ah m’di nak ah likhin ka tüi lawk khai,

EZEKIEL 6:3

Israel khomhtung gui naw Bawipa ah ng’thu ami ng’yak vai ah m’thein gui ä — Kei, uktu Bawipa naw, khomhtung gui, kho gui gui, lawng hmawi gui la khongnawi gui am ka m’thein gui cu ami ng’yak vai nei: Chang gui naw agup ami khawihah nak ah hmun gui m’di khai ah kei naw khimsem ka tüi lawk khai nei.

JEREMIAH 24:10

Kei naw ngami la ami pupa gui am ka pek ah shin ah khaw ung chang tumat phi kä a om ba güt ung ng’tuk nak, ei cawi nak la leigai cu ami khan ah ka law püi khai.”

THULÄÄN NAK 32:25

Lam ng’kiung ung ng’tuk nak naw sih nak law püi khai, Kyih vai gui naw im kyong ung shudeng gui khai. Pami nong, hnumi nong gui sik khai gui, m’düm gui khai. Hmaw hta gui la a ghi ng’vai ci gui phi sik khai.

THULÄÄN NAK 28:21

Nangmi naw nami khäm law vai ah khaw ung nangmi a u kä ak pawih ba güt gaw nak natnak tumat kawn ah tumat tüi lawk khai.

LUKA 21:11

A kho päng ung ak nuipai ah shihpi ah thüng nak, ei awk ah maih nak, gawpyam ah ng’peeih nak gawk lawk khai. Kyihkyawk cäicat gui vai khankho ah dang lawk khai.

AMOS 4:10

“Kei naw leigai tumat cu Egypt gui ah khan ah ka chah ah mäih ah ka yuk chah ci. Kei naw nami chang nong gui ng’tuk nak ung ngawn gui ne, nami ng’se gui cu ka k’täm ci. Nami hmun ung sik ciah ak thu gui awn nami hna cu ka be sak ci. Cun güt ung nangmi kei ah kä nami law ba ci.

NG’ÄI KYAH 2:21

Chang nong gui la aghipa gui cu atäng ah lam ung si ne ng’yän ci gui. Pami hnumi chang nong gui cu ga gui ah khimsem gui naw ngawn gui ci gui nei. Na m’lungshe nak ah kho hhnüüp ung chimgein nak kä om ciah nang naw na ngawn sheh gui ci nei.

JEREMIAH 9:16

Kei naw ngami cu ami pupa gui la ami mät naw kä ami ng’yak man ah changpakhui gui ah ng’lung ah ka püi sak gui khai. Cun kawn ah kei naw akbe ah kä ka m’di pha gui ah chuih, ngami hnungtuk püi gui ne gakap gui ka tüi gui khai.”

SAM 94:1

Bawipa, nang cu m’kyuk ciah Khanpughi ah na kyak ci; na m’lungshe nak cu ng’leet law sak ä!

2 SAMUEL 24:15

Cun ah kyasei Bawipa naw Israel gui ah khan ah leigai yuk chah ci, cun cu a khaw ngawi tün ne, ani naw a ghü nak ah akhin ung khüt ci. Ami khaw Israel chang phia phia chih sik ci gui.

THULÄÄN NAK 32:41

kei naw tuilet ciah ka khim kak tah khai, taga ciah bilawh cu hmuh vai. Kei naw ka ga gui ah khan ah phu ka tuk khai. Na thüi nak ci gui cu kam kyuk khai.

THULÄÄN NAK 32:35

Bawipa naw phu tu ne ngami cu m’kyuk gui khai, Ngami ami yung kyak nak ah khin gawk lawk khai. Ami ng’yiin nak vai ah hnüüp cu ng’et lawk ci.

KHEI NAK 16:49

Cun ung sik ciah chang avan khei ung 14,700 lawk ci. Korah ah hnungtuk nak ung sik ciah chang gui kä khei tu ah kyak ci.

TAIGÜTHUM 26:6

“Nami khaw ung kei naw dimdeeih nak ka ning pe gui khai, nangmi cu a i phi kä kyihkyawk ne nami ip khai. Cun ah khaw ung khisa ah ga ung ka ning phyawn gui khai, cun ah khaw ung ng’tuk nak kä om ba khai.

KHEI NAK 31:3

Cun ah kyasei Moses naw chang gui am, “Ng’tuk bi vai ah pawng ge vä, cun ung nangmi naw Midian gui cu tu u ne, Bawipa ah khan ah ami bi ah hmawk ah nami m’kyuk gui vai.

SUKI GUI 15:11

Cun kawn ah Judah chang gui phia thum kip cu Etam lungsheng khui ung hteit u neta, Samson am, “Philistin gui cu keimi ah uktu ah ami kyak cu kä na hmat ci ma? Keimi ah khan ah nang naw a i ang na bi? cik ci gui. Ani naw, “Ngami naw kei ah khan ah ami bi ah mäih ah ami khan ah ka bi tu ba nei” cik ci.

1 GHANGPUGHANG GUI 8:33

“Na chang Israel gui ami ga gui naw ami hnim gui cu, katnak bi ne ami ning hnungtuk püi ah phäh ah kyak ci, cun kawn ah nang ah ng’hlat law ba ne, shin ah Taigüim ung law ba u ne, nam geinsei gui vai ah m’lung neim ne ami taigü law ung,

1 GHANGPUGHANG GUI 8:37

Kho ng’lei ung ei kho ayaw ung phi kia, leigai acun yah ung phi kia, geitkaw gui cu khawkhi ng’ling naw a plawh ung, Khanpeh naw a ei ung, käcung na chang gui cu ami ga gui naw atuk law gui ung, käcung ami ng’lung ah gawnak nat nak a om law ung,

JEREMIAH 50:28

(Babilonia ah ka laut ne dawng lawk ci gui cu Jerusalem ah lawk ci gui, ngami naw a Taihü im ung Babilonia gui naw ami biahkhau ah Bawipa kami khanpughi naw a i cha ah phu a tuk cu pyen lawk ci gui nei.)

JEREMIAH 51:11

Bawipa naw Media ghangpughang gui cu thawh let sak gui ci, a i ah kyasei ci ung ani naw Babilonia cu m’di vai ah angbü ah phäh ah kyak ci. Cun cu ani naw a Taigüim ami m’di ah phäh phu atuk ah kyak ci. Ng’tuk ciah bawi gui naw Thum’khän u ne, “Nami m’la gui k’tah vä! Nami shawi gui m’hnüt ge vä!

PHYAWN NAK 5:3

Moses la Aaron naw, “Hebru gui ah Khanpughi naw keimi ung amät cu m’than lawk ci. Khaw hnüüp thum na m’hlawt gui ä, keimi bungpuk ah hteit ne Bawipa kami Khanpughi cu khawihnah nak kami pek khai nei. Cun ah kä kami bi ung ani naw, gawpyam nak la ng’tuk nak awn na ngawn gui khai nei” cik ci goi.

2 GHANGPUGHANG GUI 17:3

Assiria uktubawi Shalamanese naw ani cu ng’tuk püi ci, Shalamanese cu shung neta akum tä sei ani am k’phlam pek ci.

2 SHONTÄP NAK 24:24

Sirian gakap gui cu api ah kyak ci gui, cun ung Bawipa naw Judean gakap akda cu näng sak gui ci, a i ah kyasei ci ung chang gui naw ami pupa gui ah Khanpughi Bawipa cu ami nawng ah phäh ah kyak ci. A shicha ah ghangpughang Joash cu am kyuk ah kyak ci.

ISAIAH 1:20

Cun ung phi kei nami na lan ah akyak ung, nami khawmü sei nami sik khai. Kei, Bawipa naw ka pyen nei.”

ISAIAH 65:12

Shin cu nangmi ah ma hmat nak ah kyak ci, nangmi cu ng’sai ung nami sik khai, a i ah kyasei ci ung kei naw ka ning khü gui ung kä nami na m’shang ci, kei naw thu ka pyen ung kä nami ngai ci. Kei kä na ngai ne akshe bi vai u nami ghü ci.

JEREMIAH 19:7

Acun ah hmun ung Judah chang gui la Jerusalem chang gui ah pawng püi avan cu kei naw ka plawh khai, kei naw ngami cu ami ga gui am ngawn sak gui ne ng’tuk nak ung ka ngawn sak gui khai. Ami pumsa gui cu kha gui la khisa gui naw ami ei vai ah ka pe gui khai.

HOSEA 11:6

Ng’tuk nak naw ami mang gaw gui cu pheet gui khai. Mang gaw m’kawt gui ng’gäi ci gui, ka chang gui cu acun naw m’di gui khai. A i ah sei ci ung ami mät naw nipi khai amki ngaih ah ami bi ah phäh ah kyak ci.

HABAKKUK 3:5

Ani naw natnak cu tüi law ma ci, sik nak naw a läk law vai ah ng’thumkhän ci.