TAIGÜTHUM 26:20 - Cho Bible Common Language 2016

²⁰ K’tha na ne nami bi gui avan naw kä akni ah ning ci ba gui khai, a i ah kyasei ci ung nami khonglei naw geit kä m’thawk ba khai, sing ghing gui kä m’theih ba khai gui.

TAIGÜTHUM 26:20 Referans Kwoze

ISAIAH 49:4

Kei naw ka pyen ci, “Kei naw ka bik ci, cun ung phi cun cu a kholä ah kyak ci nei! Kei naw ka thagui ka mang ci, cun ung phi ei mang vai a i kä om ci.” Cun ung phi ka mawng ma na shungvong khai ah Bawipa ung ka ng’ap ci nei; kei naw ka bilawh ah phäh ah ani naw na m’cümhnak khai nei.

SAM 127:1

Khanpughi naw im kä a cawh ung, Im co ciah bi cu a kholä ah kyak ci; Khanpughi naw gaw kä a ngäng ung, Gaw ngäng ciah ngäng cu a kholä ah kyak ci.

THULÄÄN NAK 11:17

Cun ah nami bi ung Bawipa naw ning m’lungshe na gui khai. Ani naw khaw k’pang ei ba sei, nami m’dek cu chawng ne geit kaw nak vai hu aih khai. Cun ung ani ah ning pek gui cu nik ciah khaw ah a kyak ung phi nangmi cu shin ung nami si ga khai.

HABAKKUK 2:13

Nami nang gui ah pakhui gui cu, ami thagui akholä ah kia ne, ami cawh kyan avan cu mei m’lei ah kya yawp ci. Cun cu m’gäi ciah Bawipa ah bi ah kyak ci.

TAIGÜTHUM 26:4

kei naw amät ah khin ung khaw ka aa sak khai, cun ung khonglei ung geit m’thawk khai, sing ghing gui cu m’theih khai gui.

KALATIAN 4:11

Nangmi ah hmawk ah ka ng’ä ci nei! Nangmi ah hmawk ah ka bi gui shi a kholä düt ah kä kyai lawk khai aw?

1 KORIN 3:6

Kei naw m’shi ka geit ci, Apollos naw tui shawi ci, cun ung phi ng’lih pyo sak cicu Khanpughi ah kyak ci.

HAKKAI 2:16

Hmin ciah htang phia goi nami law nak man ung a phia bäng law ba ci. Sapyit tui k’am ung a phya nami law nak man ungka, k’am phlikip bäng law ba ci.

ISAIAH 17:11

Cun ung phi cun gui cu na geit nak ah kho ngawi hta ung lih pro ne vuipai ne a kyak ung phi, khäm vai ah kä kyak khai nei. Khüikha nak la m’tui ung kä khan ciah natnak bang om khai nei.

SAM 107:34

A cun ung om ciah chang gui ah shetkat ah phäh ah ani naw ang lei ni cu m’sii m’dek ah kyak sak ci.

JOB 31:40

kei ah lo lai ung püm la htang ah a thawh nak vaisü ung m’gho la ng’hling gui bang tho sä. Joba ah ng’thu shin ung ng’pyi ci nei.

THULÄÄN NAK 28:42

Nami sing ghing gui la nami geit gui avan cu m’kyiit yoop gui naw ei yawp khai gui.

THULÄÄN NAK 28:18

Bawipa naw hta nau api, geit kaw ak ghawi, sei la htome api ci ning pe gui ne ning plah taam gui khai.

THULÄÄN NAK 32:22

Kei ah kam lungshe nak cu mei ah mäih ah däi ne, m’dek khan ung a päng ui khai. Cun cu m’dek ah ka ung yu gawk khai. Khomhtung gui ah ang nawi cu m’hleim yawp khai.

ISAIAH 17:10

Israel, nang ning guang ne, lung k’pou nu ah mäih ah kya ne ning shungvong ciah khanpughi cu na m’hnih ci nei. Cun nak vaisü ung a khohei chang gui ah khanpughi khawihnah nak vai ah sing ghing theing na geit ci nei.

JEREMIAH 12:13

Ka chang gui naw htang phu ci gui, cun ung phi ng’hling khäm ba ci gui; ngami naw k’tha na ne bik ci gui, cun ung phi a i ah kä gah ci gui. Kei ah nui ciah ka m’lungshe ah phäh ah ami püm htang gui cu shum ci nei.”

ATÜNNAK 4:12

Tuhbäi ung tün ne k’tha na ne na geit ung phi kä ng’taang hlawt khai, khomdek khan ah na im kä om sei ng’plon shüi shüi ne na om khai nei” cine pyen nak ci.

1 GHANGPUGHANG GUI 18:2

Elijah cu hteit ci. Cun sang ung Samaria ung kho a käu cu akshe pikbäih ah kyak ci,

HOSEA 2:11

Ani ah pawi gui avan ka ng’pyi sak khai — akum tä pawi gui, ak cha tä pawi gui la kyin nak pawi gui — yum nak täng ah ng’hmuh nak gui, avan ka ng’pyi sak khai.