TAIGÜTHUM 26:17 - Cho Bible Common Language 2016

¹⁷ Kei naw ng’hlat ne ka ning hnungtuk püi gui khai, cun ung ning hnim gui khai gui, nangmi ning thüi na gui ci naw ning uk gui khai, nangmi cu nami kyikyawk aih khai, a u naw kä a ning gawt gui ung phi nami dawng khai.

TAIGÜTHUM 26:17 Referans Kwoze

NG'THU K'THUUK~ 28:1

Chang shekha cu a u naw kä a gawt ung phi amät dawng ci, Cun ung phi düng ciah chang cu phongkawng ah mäih ah m’gäi ci.

TAIGÜTHUM 17:10

Israel chang gui, kä cung ami ng’lung ah om tuk ciah khuihei chang gui naw, si om ciah sa a ei ah a kyak ung Bawipa naw hnu na ne ng’hlah tak khai, ani cu a chang tumat ah kä k’bäi ba khai.

SAM 53:5

Cun ah kyasei, ngami cu kä ami kyih man ah kyih aih khai gui nei, Khanpughi naw ak chang gui ah ami gaa gui ah guh gui cu, püi sak gui khai nei. Khanpughi naw ngami cu shedam na gui sei, Israel gui naw ami van hniim gui khai nei.

THULÄÄN NAK 28:25

“Bawipa naw nami ga gui am nangmi ah khan ah näng nak pe gui khai. Nangmi naw lam tumat ung hteit ne nami tu gui khai, cun ung phi ngami ungka lam avan ung nami dawng khai. Nangmi ah khan ah cun ah a kyak law gui cu, khomdek khan ah chang avan naw hmu u neta cäicat khai gui.

JEREMIAH 19:7

Acun ah hmun ung Judah chang gui la Jerusalem chang gui ah pawng püi avan cu kei naw ka plawh khai, kei naw ngami cu ami ga gui am ngawn sak gui ne ng’tuk nak ung ka ngawn sak gui khai. Ami pumsa gui cu kha gui la khisa gui naw ami ei vai ah ka pe gui khai.

SUKI GUI 2:14

Bawipa naw Israel gui ah khan ah m’lungshe aih neta, ng’tuk’bi gui am tuk sak gui ci. Ani naw ga gui avan cu ami khaw ah huham mah sak gui khäta, Israel gui cu ami mät naw ami mät kä shung vong ba hning ci gui.

NG’ÄI KYAH 1:5

Aga gui naw näng ci gui, ngami naw ani cu ami huham awn k’pang ci gui. Bawipa naw ani cu a katnak gui avan ah phäh ah yaica sak ci. Ami hta nau gui cu khäm gui u ne ahei ah hteh püi gui ci gui.

1 SAMUEL 31:1

Kilboa M’htung ah Israel gui cu Philistin gui naw tu gui ci gui. Israel chang gui akda cu ami ngawn gui, k’pawih ba ci gui la ghangpughang Saul la a hta gui cu dawng ci gui.

1 SAMUEL 4:10

Phlistin gui naw k’tha na ne tu gui u ne Israel gui cu ami shukdep gui, cun ah kyasei ami im ah dawng ba ci gui. Acun ung ngawn sheh nak dämduh ci; Israel gakap phia phia thum ngawn gui ci gui.

ATÜNNAK 4:12

Tuhbäi ung tün ne k’tha na ne na geit ung phi kä ng’taang hlawt khai, khomdek khan ah na im kä om sei ng’plon shüi shüi ne na om khai nei” cine pyen nak ci.

JOSHUA 7:4

Cun ah kyasei Israel chang phya thumkip bäng ng’tuk khai gui ah hteit ci gui. Cun ung phi ngami cu ng’güt ne ana tu tuba gui u sei ng’hlat ba ci gui.

1 GHANGPUGHANG GUI 8:33

“Na chang Israel gui ami ga gui naw ami hnim gui cu, katnak bi ne ami ning hnungtuk püi ah phäh ah kyak ci, cun kawn ah nang ah ng’hlat law ba ne, shin ah Taigüim ung law ba u ne, nam geinsei gui vai ah m’lung neim ne ami taigü law ung,

SAM 44:10

Kami gaa gui dawng taak vai ah na ci gui ci sei, Ngami naw kami ka gui cu la yawp ci gui nei.

JEREMIAH 44:11

“Cun ah kyasei kei, m’gäi ciah Bawipa, Israel dhanpughi naw hnungtuk ne ning hlah ta gui ne Judah avan ka m’di khai.

EZEKIEL 15:7

Ka m’kyuk gui khai. Ngami cu mei tumat phiawn nak ci gui, cung phi tuhbäi mei naw ui gui khai. Kei naw ngami ka m’kyuk law gui ung nangmi naw kei Bawipa ah ka kyak cu name hmat khai nei.

SUKI GUI 3:8

Cun ah kyasei Bawipa naw Israel gui ah khan ah m’lungshe neta Mesopotamia ghangpughang Kushan Rishathaim ah tu ne näng sak ci, ani naw kum cheit ung uk gui ci.

SUKI GUI 3:14

Israel gui cu Eglon gui ah ka ung khawkum gha-lei cheit om ci gui.

SUKI GUI 6:2

Midianit gui cu Israel gui ah mä gaigawng pi ci gui, cun ah kyasei Israel chang gui cu lung khui ung ng’thup ci gui, amshah cu ang geing khogui zung ah ng’thup ci gui.

1 SAMUEL 12:15

Cun ung phi Bawipa ah thu kä ngai ne, a thumkhän kä nami läk ah a kyak ung, ani naw nangmi la nami ghangpughang cu ning hnu ng’tuk püi gui khai.

2 GHANGPUGHANG GUI 13:3

Cun ah kyasei Bawipa cu Israel gui ah khan ah m’lungshe neta, Siria ghangpughang Hazela la a hta Benhadad am Israel cu leng ba ba ne tuk sak ci.

2 GHANGPUGHANG GUI 13:7

Jehoahaz ung ng’se cum ci hmakip, yatha gha, khaw awn ng’tuk ciah gakap phia phia bäng om ba ci, cun kawn ungka gui cu Siria ghangpughang naw m’di gui ne m’vut ah khui ah a ci gui ah kyak ci.

SAM 53:6

Israel gui ah näng nak cu Zion khaw ungka gawk lawk khai nei. Khanpughi naw a bä mang ba sak gui ung, Israel chang gui cu a i hlawk ah yeikyai khai gui aw!

ISAIAH 30:17

Nang gagui gakap tumat nami hmuh ung, nangmi phia khak nami dawng khai nei, nangmi avan nami dawng vai ah ga kap hma cu bä khai nei. M’htung lai ung alantäng bäng pawih khai, cun kawn ah a u gakap phi kä k’pawih khai nei!

ISAIAH 63:10

Cun ung phi ngami naw hnungtuk küknet püi u ne, amumcha Theing cu thüi khai ah cik ci gui. Cun ah kyasei Bawipa cu ami ga ah kya law ne, ani naw ng’tuk püi gus ci.

NG’ÄI KYAH 2:4

Ani naw ga ah mäih ah amla cu mikmi täng ah bü ci. Mikmi naw mi yei nak la mi thamah nak avan cu ani naw ngawn gui ci. Shin ah Jerusalem ung keimi naw mei ah ui ciah m’lungshe nak cu kami khan ci.