TAIGÜTHUM 26:16 - Cho Bible Common Language 2016

¹⁶ kei naw ka ning m’kyuk gui khai. Kei naw nami khan ah leigai ka law püi khai. Kä m’htei hlawt vai ah katnak, gawpai nak gui; a cun gui naw nami mik m’dauh sak khai, nami ghin nak kholä sak khai. Nangmi naw m’shi nami geit khai, cun ung phi cun naw kä ning ni sak gui khai, a i ah kyasei ci ung nami ga gui naw ning näng gui u ne, nami geit phi ei yawp khai gui.

TAIGÜTHUM 26:16 Referans Kwoze

JOB 31:8

Ka püm htang gui cu avan di yawp sä, Kei naw ka ei vai ka geit gui cu a hei naw ei sä.

1 SAMUEL 2:33

Cun ung phi na hta ng’shon tumat ghing khai ah ka k’pang khai, ani naw taigüpa ah kya ne, ka bi bik khai. Cun ung phi ani cu amik m’dauh khai, ang ngaih nak avan maih khai, a hei na hta ng’shon gui ami van cu leigai sih nak ung si yawp khai gui.

MIKHAH 6:15

Htang nami phu khai, cun ung phi kä nami khäm ba khai. Olive situi nami neen khai, kä nami mang khai. Sapyit tui nami piang khai, kä nami awk khai.

EZEKIEL 33:10

Bawipa naw na ng’thu püi ci, Ani naw pyen ci,” Hnicim chang, Israel gui am a i ami pyen ah pyen nak ba gui vai cu, ‘Keimi cu kami katnak gui la cheishoh nak kami bi gui awn kami phuih gih ci nei. Keimi cu kami k’tha maih ci nei. A i hawkcha kami ghing khai ang?

JEREMIAH 5:17

Ngami naw nami om ng’awi, nami buh ci ei khai gui; nami htapami gui hta hnumi gui cu ngawn khai gui. Ngami naw nami sei mak, htome mak gui cu ngawn ne ei khai gui, nami sapyit gui la thei gui cu m’di khai gui. Nangmi naw nami ngaih gep ah mang gaw khäng gui cu ami gakap gui naw m’di khai gui.

SAM 78:33

Cun ah kyasei ami kho hnüüp cu ng’ghi ah mäih ah ng’pyi sak gui ne, ami ghin nak cu nat nak awn khüm gui ci.

THULÄÄN NAK 28:51

Ngami naw nami vuhchah gui, nami geitkaw gui avan ei khai gui. Nangmi cu ei ah cawi ne nami sik khai. Ngami naw htang, sapyit, oliv-situi, vuhchah gui, htome gui a i phi kä ning nawng pe gui khai gui. Nangmi cu nami sik khai.

HEBRU 10:31

Ghin ciah Khanpughi ah kut khui ung kyumkiak cu kyihkyawk aih vai ah kyak ci nei.

ZEKHARIAH 14:12

Bawipa naw Jerusalem ng’tuk püi ciah pakhui avan ah khan ah kyih vai ah leigai chah lawk khai. Ghing ne ami om yah ung ami sa cu thuk khai; ami mik la ami m’lei phi thu yawp khai.

HAKKAI 1:6

Nangmi cu akda geit u ne phi api hta nami khäm ci. Nami ei vai om sei phi kä nami phü ci, nami awk vai om sei phi kä nami ng’büh ci. Nami sui vai om sei phi oh khai ah kä nami sui ci. Bii bik ci naw ang cheng awn a hnun a m’ghin nak vai ah kä ng’büh ci.

JEREMIAH 20:4

Bawipa a mät naw a pyen cu, “Kei naw nang cu na mät la na teih püi gui ung m’ghämce ciah ka ning pyan khai, ngami cu ami ga gui naw ami khimsem awn ngawn gui u sei nami hmu gui khai. Kei naw Judah chang gui avan cu Babilonia ghangpughang ah huham ka ung ka tha law gui khai; ani naw amshah cu pha ne akhaw ah hteh püi gui ne, amshah cu sih nak pe gui ci.

JEREMIAH 15:8

Tuinu ah kem ah laigin ah ta nami khaw ung hmei nu cu da law pi khai. Kei naw nami chang nong gui cu ami hnüüp lung ung ngawn gui ne, ami nu gui cu ka yaica sak gui khai. Kei naw ngami cu ang ghit ah kyihkyawk sak gui ne ka cäicat sak gui khai.

JEREMIAH 12:13

Ka chang gui naw htang phu ci gui, cun ung phi ng’hling khäm ba ci gui; ngami naw k’tha na ne bik ci gui, cun ung phi a i ah kä gah ci gui. Kei ah nui ciah ka m’lungshe ah phäh ah ami püm htang gui cu shum ci nei.”

ISAIAH 10:4

Nangmi cu ng’tuk nak ung ning ngawn gui khai gui, käcung thawngkyum ah pha ne ning kaih gui khai gui. Cun ung phi Bawipa m’lungshe nak cu kä ng’pyi khai, ani naw a kut cu m’kyuk nak vai ah shäng lä khai.

ISAIAH 7:2

Siria gakap gui cu Israel khawpäng ung gawk law pyi ci gui nei, ciah ng’thu cu Judah ghangpughang ung gawk law khäta, ani la a chang gui ami van cu ang htei ah kyi u ne ta, khaw akhi ung sing ghing a hnün ah mäih ah ng’hlet ci gui.

SAM 109:6

Ka ga cu thu m’chak khai ah m’gak ci cu ghü ä, ani cu amät ah ga awn di sak ä.

SAM 73:19

Ngami cu ang ghit ah di ci gui; ang khä ah ng’pyi ci gui nei.

JOB 20:25

M’la naw ani ah pumsa cu k’täih sei, m’la am dawn gung asi ng’soi khai nei. Ak tükyai ah kyi kyawk khai nei.

JOB 18:11

Kyihkyawk vai naw avan ung koi ne ngäng ci. Am khan nak päng ung a cun naw läk ci.

SUKI GUI 6:11

Cun kawn ah Bawipa ah khanchang cu Ophrah gawhta ah law neta, Abiezer pahta ung ka, Joash ah akhäm, m’dung ghing ka ah ngok ci. Ani ah hta kideon cu sapyit hung ung adüm ah htang m’häi ne om ci, cun ah kiasei Midianit gui naw kä hmuk ci gui.

THULÄÄN NAK 32:25

Lam ng’kiung ung ng’tuk nak naw sih nak law püi khai, Kyih vai gui naw im kyong ung shudeng gui khai. Pami nong, hnumi nong gui sik khai gui, m’düm gui khai. Hmaw hta gui la a ghi ng’vai ci gui phi sik khai.

PHYAWN NAK 15:26

Ani naw, “Hman ciah ka ng’thu ah mäih ah bi nak la ka ng’thumkhän k’pan nak awn akbe ah nami na läk ah a kyak ung Egypt gui ah khan ah ka yuk chah law ah leigai ah mäih, api awn phi kä ka ning m’kyuk gui khai. Kei cu nangmi ning gai sak gui ciah Bawipa ah ka kyak ci” cik ci.

1 GHANGPUGHANG GUI 8:37

Kho ng’lei ung ei kho ayaw ung phi kia, leigai acun yah ung phi kia, geitkaw gui cu khawkhi ng’ling naw a plawh ung, Khanpeh naw a ei ung, käcung na chang gui cu ami ga gui naw atuk law gui ung, käcung ami ng’lung ah gawnak nat nak a om law ung,

NG'THU K'THUUK~ 3:33

Bawipa naw changshe gui ah im cu plah taam ci. Cun ung phi düng ciah chang gui ah im cu hrilham pe gui ci.

ISAIAH 62:8

Bawipa naw küi kyang ciah shaitak cu bik ci, A mätah huham awn ani naw m’khüp ne bik khai: “Nami pümhtang gui cu na mi ga gui ah ei ah kä kya ba khai, Nami sapyit tui gui cu a khohei chang gui naw kä aw ba khai gui.

JEREMIAH 15:3

Kei, Bawipa naw ka k’bäi ci, kyih vai ah mawng phli cu ngami ah khan ah kya lawk khai: ngami cu ng’tuk nak ung ngawn gui khai gui; ami pumsa gui cu ui gui naw ng’gut gui khai gui, kha gui naw ei khai gui, k’pawih ba ci gui cu khisa gui naw k’tüi ne ei khai gui.

EZEKIEL 24:23

Nangmi cu nami lu kä pawng ne, phahnak kä ng’cum ne kä nami hteit khai, kä nami thüi khai, kä nami kyap khai. Nangmi cu nami katnak ah phäh ah kyung u ne, tumat ah ma ah tumat nami ng’hlo ng’ei khai.

MALAKHI 2:3

Nami hta gui cu ka m’kyuk gui khai, Nami ghu tha nak ah seime ah ek awn nami hmai ka ning pet gui khai — nangmi cu ek ng’pum ah khan ah ning ghawh gui vai.

AMOS 5:11

Nangmi naw dukhaih ci gui nami yawshe na gui ci, ami geit phi nami guh pe gui ci. Cun ah kyasei nangmi cu lung awn nami cawh ah im akni ung kä nami om khai. Nami geit ah sapyit akni ungka a tui phi kä nami awk khai.