TAIGÜTHUM 26:15 - Cho Bible Common Language 2016

¹⁵ Nangmi naw kei ah ka thukhän la ka thumkhän gui maa na u ne, nangmi awn thukhän ka bi nami m’shet ah a kyak ung,

TAIGÜTHUM 26:15 Referans Kwoze

2 GHANGPUGHANG GUI 17:15

Ani ah m’shüm thein gui läk vai ah ngami mak ci gui, ani naw ami pupa gui ung abi ah thukhän gui cu ngami naw kä k’pang ci gui, ani ah ng’thukbäi gui phi a i ah kä ngai ci gui. Ngami naw akholä ah kyak ciah a gup gui cu khawihnah u ne, ami mät phi akholä ah kya lawk ci gui, ngami naw ami peileng pakhui gui ah thungyo cu läk ci gui, kä thei gui vai ciah Bawipa ah thumkhän cu kä ngai ci gui.

THULÄÄN NAK 31:16

Bawipa naw Moses am, “Tuhbäi nang na sik khai, nang na sih kawn ah chang gui cu kei ung kä bekhüt law ba khai gui, ngami awn ka bi ah thumkhän cu ngami naw m’shet khai gui. Ngami naw kei cu na nawng u ne, ngami naw ami luh nak vai ah khan ung khawgai khanpughi gui cu khawihnah khai gui.

EZEKIEL 16:59

Uktu Bawipa naw pyen ci, “Nang awn na khin khai ah ka ning om püi khai, a i ah kyasei ci ung nang naw na shai tak a i ah kä sui ne thukh cu na m’shet ci.

JEREMIAH 11:10

Ngami cu kei naw ka pyen maa nak ciah ami pupa gui ah katnak ung hteit ba ci gui; ngami naw ahei khanpughi gui cu khawihnah ci gui. Israel la Judah ami van naw ami pupa gui am kei naw ka peit ah thukhän cu m’shet ci gui nei.

ISAIAH 24:5

Chang gui naw khanpughi ah thukhän gui m’shet nak la ng’täi khai ah a pyan ah angthukhän m’kat nak awn khomdek cu lelawi sak ci gui.

KHEI NAK 15:31

A i ah kyasei ci ung ani naw Bawipa ang thu pyen cu hnungtuk püi ne ani ah thukhän tumat cu bü ne gäi ciah a kyak ah phäh ah kyak ci. Ani cu amät ah sih nak vai amät naw bik ciah kyak ci.

HEBRU 8:9

Cun cu ami pupa gui Egypt kho ah kaa ami kut ung pang gui ne, Kak plawk ba gui sang ung, ka peit gui ah thukhän awn kä täng ba khai nei. Cun ung ka peit gui ah thukhän cu m’shet u sei, Ngahmi cu kei naw ka nawng gui ci,” ci ne Bawipa naw pyein ci.

1 THESSALONIAN 4:8

Shin ah m’theithang nak hnu ng’tuk püi ciah chang cu, chang hnu ng’tuk püi ciah kä kyak ci, Mumcha Theing na pe gui ciah Khanpughi cu hnu ng’tuk püi ciah kyak ci.

ROMAN 8:7

Hnicim chang ah ng’yak hlü bäng ngaih-tüh ciah chang cu Khanpughi ah gaa ah kyak ci, ani naw Khanpughi ah thukhän kä läk hlawt ci, akcang ah kä läk hlawt ci.

LAMKTU 13:41

A i, i ah kä tä ciah chang gui, teng shüm vä! Tuk ngawi kei naw ka bi lawh gui vai cu, Chang naw tän ne a ning m’thein tu gui ung phi, Kä nami yum ah täng khai, Cun ah kyasei nang mi cu cäicat ne si vä” ciah om cicu nami khan ah kä gawk law hlawt khai ah nami geing nak vai nei” cine m’thein gui ci.

JEREMIAH 31:32

Cun cu kei naw ngami Egypt ah kut ungka ka luh law püi ba gui yah ung ami pupa gui awn ka bi ah thukhäu phyim ah mäih ah kä kyak ci. Kei cu ngami ah cei ah mäih ah kya ngä sei phi, ngami naw cun ah thukhäm cu kä k’pang ci gui.

JEREMIAH 6:19

Khomdek aw ngai ä! Ngami ah bilawh avan m’kyuk nak vai ah shin ah chang gui ah khan ah kei naw dishum nak ka law püi ci nei, a i ah kyasei ci ung ngami naw kei ah m’thei thang cu hnungtuk u ne, kei ah ng’thu kä ami ngaih ah phäh ah kyak ci.

NG'THU K'THUUK~ 5:12

Cun ung nang naw “A i ah kyasei kei kä ka theithang ang? A i ah kyasei chang ah na m’düng nak kä ka dou ang?

NG'THU K'THUUK~ 1:30

Ka ning m’shung hlawi gui kä nami yum ci.

NG'THU K'THUUK~ 1:7

Bawipa kyih aa nak cu hmuhmat nak ah a phung ah kyak ci, gu-ang ciah chang naw cüivai nak cu a i ah kä ngai ne, kä m’thei thang hlük ci.

SAM 50:17

Ka ning m’cäi phi kä na ng’yak ci, ka thu phi na hnu nak ci.

2 SHONTÄP NAK 36:16

Cun ung phi ngami naw Khanpughi ah ng’shächang gui cu päipih u ne, ang thu cu a i ah kä ngai u ne, a prophet gui cu gaih tuk ci gui, ak hnu ah Bawipa ah m’lungshe nak ak chang gui hnungtuk püi cicu dämduh aih sei, phyawn nak kä om ba ci.

TAIGÜTHUM 26:43

Ak htük ung, a i ah a kyak ung phi, khonglei naw a chang gui cu heng gui khai, cun ah kyasei ani cu akbe ah ng’düm khai. Cun kawn ah ngami naw ka thukhän gui la ka thumkhän gui ami hnungtuk püi ah phäh ah ng’gei nak akbe pek khai gui.

PHYAWN NAK 24:7

Cun kawn ah ani naw thukhän ca-uk cu lak ci, cun ung Bawipa ah thumkhän ami guk ah kyak ci. Ani naw cun cu chang gui ah ma ah m’lau ne phat ci. Chang gui naw, “Mikmi naw Bawipa cu mi ngai khai, ang thumkhän phung cu mi bik khai” cik ci gui.

PHYAWN NAK 19:5

Tuhbäi kei na ngai ne, ka thukhän nami k’pan ah a kyak ung nangmi cu kei ah chang ah nami kyak khai. Khomdek avan cu kei ah kaa ah kyak ci. Cun ah kyasei nangmi cu kei ah chang gui ah nami kyak khai.

ATÜNNAK 17:14

Vun-ah nak kä bik ciah pami cu kei ah chang ah kä kyak khai, ani cu kei ah thukhän m’shet ciah kyak ci nei” cine pyen ci.

TAIGÜTHUM 26:9

Kei naw hrilham ning pe gui ne nami hta akda ka ning pe gui khai; nangmi awn ka bi ah thukhän, kei täng ung ka cu, kei naw ka k’pang khai.

TAIGÜTHUM 26:11

Kei cu theing ciah Phung kyong ung nami ng’lung ah ka om khai, kei cu nangmi ungka a hei ah kä ka hteit phung khai.

1 SAMUEL 12:15

Cun ung phi Bawipa ah thu kä ngai ne, a thumkhän kä nami läk ah a kyak ung, ani naw nangmi la nami ghangpughang cu ning hnu ng’tuk püi gui khai.

MALAKHI 2:2

Nami bilawh nak phung ung kei cu nami na kyih aa vai. Kei ah ka ng’thu cu kä nami ngaih ah a kyak ung, nami khan ah plah tam nak ka law püi khai. Nami ng’dühshon nak vai ah nami gah ah khan ah phi plah tam nak ka chah khai. Nangmi naw ka thumkhän cu a i ah kä nami sui ci kyasei, nami gah gui ah khan ah plah tam nak cu ka chah pyi ci nei.