TAIGÜTHUM 26:14 - Cho Bible Common Language 2016

¹⁴ Bawipa naw, “Kei ah ka thumkhän kä nami läk ah a kyak ung, m’kyuk nak nami gah khai.

TAIGÜTHUM 26:14 Referans Kwoze

NG’ÄI KYAH 2:17

Bawipa naw abi vai ah am kyih nak cu, ak hnu ah bik ci nei. Ani naw acau pui a nak bäi gui pyi ah mäi ah ah chimgein nak kä om sei, ani naw na m’di gui ci nei. Ani naw mi ga gui am näng nak pe gui ci, mik mi ah yung kyak ah phäh ah yeikyai nak pe gui ci.

JEREMIAH 17:27

Cun ung phi ngami naw ka ng’thu ngai u ne, kyin hnüüp cu theingthap ciah hnüüp ah ami k’bäi vai. Ngami naw cun ah hnüüp ung Jerusalem m’kawt gui kan ne a i phuih phi kä ami phuih en vai, ami phuih ah a kyak ung Jerusalem m’kawt gui cu kei naw mei awn ka m’khih khai. Jerusalem mang im gui cu mei naw ui khai, cun ah mei cu a u naw kä m’sih hlawt khai.

TAIGÜTHUM 26:18

“Shin gui avan kya güt sei, nangmi naw kei kä nami na läk ah a kyak ung, kei naw ka ning m’kyuk nak gui cu ak chih ah ka m’däm khai.

HEBRU 12:25

Nangmi cu thu k’aw ng’yak vai noi mak ciah chang ah kä nami kiak vai ah nami geing nak vai nei. Khomdek khan ung khankho thu ngaih yak vai ah mak ciah chang gui cu kä phyawng ci gui nei. Cun ah kiasei mikmi naw Khankho ah kaa ng’thu pyein lawk ci cu, mi hnu nak ah a kyak ung a i ung phi kä mi phyawng hlawt khai nei.

LAMKTU 3:23

Cun ah prophet ah ng’thu kä ngai ci phung cu, Khanpughi ah ak chang ung ka m’chah ne k’pai netah m’di khai.”

MALAKHI 2:2

Nami bilawh nak phung ung kei cu nami na kyih aa vai. Kei ah ka ng’thu cu kä nami ngaih ah a kyak ung, nami khan ah plah tam nak ka law püi khai. Nami ng’dühshon nak vai ah nami gah ah khan ah phi plah tam nak ka chah khai. Nangmi naw ka thumkhän cu a i ah kä nami sui ci kyasei, nami gah gui ah khan ah plah tam nak cu ka chah pyi ci nei.

NG’ÄI KYAH 1:18

“Cun ng phi Bawipa cu taga ci, kei naw kä ka ngaih ah phäh ah kyak ci. Na ngai vä, a khaw päng ung chang gui, kai ah ka m’neh nak cu na teng vä, Kei ah ka chang hnumi pami chang nong gui cu, pha ne ahei ah hteh püi ci gui nei.

JOSHUA 23:15

Ani naw shai atak päng pang ne, nangmi ung bii bik ci, cun ah kyasei ani naw shedam nak päng law püi khai.

SUKI GUI 2:15

Ng’tuk nak ah ami hteh pang ung phiBawipa naw a pyen ah mäih ah hnu ng’tuk püi gui ci. Ngami cu ang htei ah khüikha ci gui.

1 SAMUEL 12:15

Cun ung phi Bawipa ah thu kä ngai ne, a thumkhän kä nami läk ah a kyak ung, ani naw nangmi la nami ghangpughang cu ning hnu ng’tuk püi gui khai.

2 SHONTÄP NAK 7:19

Cun ung phi nang la na chang gui naw ka ning pek gui ah thukhän gui la thumkhän gui cu angtäi sei kä läk u ne, a hei khanpughi gui ami khawihnah ah a kyak ung,

NG'THU K'THUUK~ 3:33

Bawipa naw changshe gui ah im cu plah taam ci. Cun ung phi düng ciah chang gui ah im cu hrilham pe gui ci.

JEREMIAH 11:8

Cun ung phi ngami naw kä ngai ci gui, kä läk ci gui. Cun nak vaisü ung chang nü cu ami m’lung ling ne shekha lä ne om ci gui. Kei naw thukhän ami k’paan vai ah ka ng’thumkhän gui ci, cun ung phi ngami naw mak ci gui. Cun ah kyasei cun ung ami guk ah m’kyuk nak avan cu ngami ah khan ah ka gawk sak ci.”

JEREMIAH 26:4

Bawipa naw chang gui ka pyen nak vai ah na m’thein ci, “Kei, Bawipa naw ka pyen cu, kei naw ka ning pek gui ah m’thei thang nak cu läk u ne, kei cu nami na ngaih vai,

JEREMIAH 28:8

Caupui, ka la nangmi ah khin ah kä a kyak pha ung prophet gui naw ng’thu pyen ne ami ng’cäbang cu, ng’tuknak, ei cawi nak la gawpyam nak gui cu changpakhui akda la huham mak ciah uktu khaw gui al khan ah gawk lawk khai, ciah kyak ci.

JEREMIAH 40:2

Gabawi naw kei cu na khii hnga neta a pyen cu, “Bawipa na khanpughi naw shin ah khaw cu m’dikhai ah m’kyihkyawk ci,

DANIEL 9:13

Moses ah thukhän ung om ciah m’kyuk nak gui avan cu nang naw na na pe gui ci. Cun ung phi tuhbäi güt ung, O Bawipa kami Khanpughi, kami hma nak ungka ng’hlat law ba ne, na düng nak läk ne ning yei nak vai ah kä kami tha nak ci nei.

HOSEA 7:12

Cun ung phi kei naw ng’vai phiaat ne ami heth nak päng ah kha ah mäih ahka pha gui khai.

2 GHANGPUGHANG GUI 22:13

Shin ah ca uk ah am theithang ah mawng cu kei la Judah chang avan ah hmawk ah Bawipa hteit ne ng’shi thäh vä. Bawipa cu mikmi ah khan ah m’lungshe ci nei, a i ah kyasei ci ung shin ah ca uk naw bi vai a pyen gui cu mi pupa gui naw kä ami bi ah phäh ah kyak ci.”

2 SHONTÄP NAK 34:24

Bawipa ah ng’thu cu ami pek vai ah pyen ah gui ci: “Kei naw Jerusalem la a chang gui avan cu, ghangpughang ah ma ah ami phat ah shin ah ca-uk ung ami guk awn ka plah tam nak awn ka m’kyuk gui khai nei.

SAM 81:12

Cun ah kyasei ami ling nak ah hteh sak gui ne, ami ng’yak hlü ka bi sak gui ci.

JEREMIAH 32:23

Cun ung phi ngami shin ah khaw ung law ba u ne, shin ami kaa hak awn ah ngami naw nang ah thumichän kä ngai ci gui, na m’theithang ah mäih ah kä om ci gui; nang naw ami bi vai na pyen cu ngami naw kä bik ci gui. Cun ah kyasei ngami ah khan ah shin ah m’dishum nak avan cu na law püi ah kyak ci.