“Kei kä nami na nawng vai, a gup kä nami khawihnah vai, m’sii cu Khanpughi ah a gup ah pyang ne kä nami khawihnah vai, kei cu Bawipa nami na Khanpughi nei.
“Khanpughi ah plah taam nak cu lung, sing, käcung m’sii awn a gup pyang ne, adüm ah khawihnah ciah chang päng ah khan ah gawk sä. Bawipa naw a gup khawihnah ci cu thüi nak ci nei. “Chang avan naw ami m’shan vai cu ‘Amen.’
Ami khanpughi gui ah ma ah kä na kawp vai, kä na khawihnah vai, ami yum nak ah mäih ah kä nami bi en tu vai. Ami khanpughi gui m’di gui ne, theing ciah ami lungktou gup gui phi nami m’shet vai.
Cun ung phi chang shekha gui, ng’plukheih ci gui, pletbeng ci gui, chang ngawn ci gui, a gup khawihnah ci gui, hleeihlak cheishoh ci gui cu ami van Manggaw ah ak’pung ah om khai gui.
Cun ah mikmi cu Khanpughi ah hta gui ah mi kyak ci kya sei, Khanpughi cu chang gui naw ami ngaih-tüh ah ami hmuhhmat nak awn ami pyantham ah ghui gup, ngui gup, lung gup, gui ah mäih lawk ci ciah kä nami hmat ten vai nei.
Cun ah hnüüp a gawk law ung ghui la ngui ann ami pyan ah a gup gui cu ngami naw ghawt khai gui, k’bui gui la palak gui ah ng’lung ah nawng gui khai gui.
Israel chang tumat cu angtäi sei changshäm ah kä kya hlawt khai, a i ah kyasei ci ung Israel chang gui cu Khanpughi ah changshäm ah kyak ci gui. Ani naw Egypt khaw ah ka law püi ba gui ci. Ani cu Bawipa ngami ah Khanpughi.
Dan ung chang gui naw khawihnah vai ah a gup pyang ci gui, Moses ah tu, Kershom ah hta, Jonathan cu Dan pakhui ung taigü ah kya ne bik ci, ani ah hta ng’shon gui naw, ngami pha ne ami hteh püi gui güt ung taigü ah kia ne bi bik ci gui.
A chang gui ami kai law sang ung Bawipa naw ak täm gui ah chang gui ah thungyo cu ngami naw läk ci gui, Israel ghangpughang gui naw ami pyan ah thungyo gui cu dou ci gui.