TAIGÜTHUM 25:50 - Cho Bible Common Language 2016

⁵⁰ Ani naw amät hleih ciah chang cu am cäi vai, amät naw amät a yoih nak ungka naw M’thawh Banak ah hngeng Kum ung khüt sei, khaw kum cu ngani naw khei ni neta, ani ah lawt nak vai ah a phu cu, chang ghüh ah ng’cheng awn m’täng ne ani k’bäi vai.

TAIGÜTHUM 25:50 Referans Kwoze

ISAIAH 21:16

Cun kawn ah Bawipa naw ana pyen nak cu, “Khokum ät cang ah akyong ung kedara pakhui ah dämduh nak cu ng’pyi khai nei.

ISAIAH 16:14

Tuhbäi Bawipa naw pyen ci, “Kum thum ah akyong ung Moab ah büh-mang nak gui cu maih khai nei. A ni ah ak chang akda ungka, apihta bäng k’pawih ba khai, cun gui cu ami k’tha ken khai.

JOB 14:6

Ani cu kä teng pang ne amät nawng shut ä. A k’thagui na sei bine a yeikyai ung a cun ah om sä.

THULÄÄN NAK 15:18

Na changshäm nam hlawt ung khak ciah kä na ngaih vai. Ani naw kum chuk ung na bi bi ne, ghüh ah changshäm bi ah ta a goi ah bii bi pyi ci nei. Acun ah bi vai cun ung Bawipa na Khanpughi naw na bi avan ung hriham ning pek khai.

TAIGÜTHUM 25:53

Ani cu a kum tä sei chang ghüh ah mäih ah ghüh ah kyak ci. Ani cu a bawi naw ak ghat ah kä a om püi vai.

TAIGÜTHUM 25:40

Ani cu chang ghüh ah mäih ah na pei ung om ne, M’thawh Banak ah hngeng Kum güt ung na khut bik khai.

TAIGÜTHUM 25:28

Cun ung phi ani ung khaw thon nak ba vai kä a om ah a kyak ung, cun ah khaw cu m’thawh ba nak ah a hngeng kum ung khüt sei, khaw thong ciah chang ah kut ung om sä. Acun ah kum ung cun ah khaw cu kaa na htük ciam pek ba vai ah kyak khai nei.

TAIGÜTHUM 25:49

a pahta, ng’nam phäi nau, käcung amätyah ng’een naw hleih ba hning ci; käcung amät ang bi hning ah a kyak ung, amät ah ng’päi ye nak vai amät naw hleih ba hning ci.

TAIGÜTHUM 25:51

Ng’pyi pyi ciah khaw kum gui cu khei neta, hleih tuk ciah hleih nak ah a phu m’shah cu, ani naw m’thung ba khai.