TAIGÜTHUM 25:5 - Cho Bible Common Language 2016

⁵ A u ah kä phu ah amät pyou ciah htang phung cu kä nami khäm vai. Kä nami kyan nak ung m’theih ciah ak theih gui phi kä nami k’bih vai; cun cu mi khaw akbe ah m’düm nak ah kum ah kyak ci.

TAIGÜTHUM 25:5 Referans Kwoze

ISAIAH 37:30

Cun kawn ah Isaiah naw ghangpughang Hezekiah am, “Shin cu kya lawk khai ah a mawng m’hnüt nak ah kyak ci nei. Tuhshikum la hnengkum nangmi naw m’ghawhtang bäng nami ei khai nei. Cun ung phi lawba ciah khokum ung nangmi naw ktang phu ne nami khäm khai nei, sapyit gui geit ne, am theih nami ei khai nei.

2 GHANGPUGHANG GUI 19:29

Cun kawn ah Isaiah naw ghangpughang Hezekiah a pyen nak cu, “Shin cu a i ah kya lawk khai cicu m’hnüt nak ah kyak ci. Tuhshikum la hneng kum nang naw k’pya htang bäng na ei khai, cun ung phi cun kawn ah khawkum gui ung nang naw nami püm htang geit u ne nami khäm ba khai, sapyit geit u ne ak theih nami ei khai.

TAIGÜTHUM 25:4

Cun ung phi a kum chih nak ah khaw kum ät cu, khaw m’düm nak ah kum ah kyak ci, Bawipa am ap nak ah khaw kum ah kyak ci. Cun ah kum ung nami lo ung m’shi kä nami phu vai, sapyit lo phi kä nami kyan vai.

TAIGÜTHUM 25:6

Cun ah khaw kum ah kyong ung khaw cu kä nami chuk vawk pang ung phi, acun naw nangmi ah phäh la nami changshäm gui, nami ghüh gui, nang mi ah om tuk ciah khaw hei chang gui,

TAIGÜTHUM 25:11

Lolai ung kä nami phu shaw ah amät pyou ciah htang phi kä nami khäm vai, kä nami kyan nak ah sapyit lo ung am theih phi kä nami k’bih vai.