TAIGÜTHUM 25:43 - Cho Bible Common Language 2016

⁴³ Ak ghat ah kä nami om püi gui vai, nami Khanpughi cu nami kyih aa vai.

TAIGÜTHUM 25:43 Referans Kwoze

KOLOSE 4:1

Bawi gui aw, nami changshäm gui cu nami täkphan nak ung hmai kiang nak la düng nak om sä. Nami mät phi khankho ah nami Bawi a om cu nami shüm ba vai nei.

TAIGÜTHUM 25:46

Nangmi naw ngami cu nami hta gui naw ami kaa nak vai ah nami nawng shüt hning ci. Ngami naw ami ghin ah chuih nami hta gui ah bii bik khai gui. Cun ung phi nangmi naw nami Israel chang paw cu ak ghat ah kä nami om püi gui vai.

TAIGÜTHUM 25:17

Na Israel chang paw cu kä nami thuvi nak vai, Bawipa nami Khanpughi cu kyih aa ne nami läk vai.

EPHESIAN 6:9

Bawi mang gui, nangmi naw phi nami changshäm cu acun ah mäih ah nami om püi vai nei. Nami m’kyihkyawk nak gui cu nami m’düm vai nei. Nangmi la nami changshäm gui cu, khankho ah Bawipa tumat bäng naw ning khäm gui ne, yodäm pyammang käm hnga ne a täng ah m’khoi chaa nak bik ci cicu nami shüm vai nei.

EZEKIEL 34:4

Nangmi naw aktha ken ci kä nami m’htei ci, gaw ci kä nami gai sak ci, leim ci kä nami hlawp ci, lam hma ci gui kä nami law püi ba ci, maih ci gui kä nami shui ba ci. Cun nak vaisü ung nangmi naw akshe ah nami om püi gui ci.

TAIGÜTHUM 25:53

Ani cu a kum tä sei chang ghüh ah mäih ah ghüh ah kyak ci. Ani cu a bawi naw ak ghat ah kä a om püi vai.

MALAKHI 3:5

Hlüngtai ciah Khanpughi naw, “Ka ning ng’thumcha gui khai ah nami lung ah ka ng’dang lawk khai. Cun ah chang gui cu kei naw cet ne ang ghit ah ka hnungtuk püi gui khai, ng’pluh ci gui, chang ah chu ih püi ci gui, hleei pyen ne ng’gun ci gui, bii bik ciah ng’cheng mang pek ci gui. Hmeinu hmeihta shedam nak ci gui — kei kä na kyih aa ci phung avan ah kyak ci.

ISAIAH 58:3

Chang gui naw ng’shih ci gui, “Bawipa naw a i ah kä ana sui gui ung, a i vai mikmi ei mi hlawi vai ang? Ani naw a i ah ka ana ngaih gui ung a i vai ei kä ei ne mi hteh vai ang? Bawipa naw ngami pyen na gui ci, “akcang cu, nangmi ei nami hlawi sang ung nami mät ah ng’yak hlü shui u ne, nami chang gui nami shedam na gui ci.

ISAIAH 47:6

Kei cu ka chang gui ah khan ah ka m’lungshe te ci; ka mät ah kä chang gui ah mäih ah ka om püi gui te ci; Nang ah huham ah ka ah ka tha gui te ci, Cun ung phi nang naw kä na chimgein gui ci, aghipa gui phi akghatah na om püi gui ci.

THULÄÄN NAK 25:18

Ngami cu Khanpughi kä kyih aa ci gui. Cun ah kya ne nangmi bawngbai ne nami thagui a maih yah ung nami hnu täng ah ning tu gui ci gui, nami ng’leng yung ah püipyang ci gui avan ngawn ci gui.

PHYAWN NAK 5:14

Changshäm k’tut ciah Egypt chang gui naw, ami khawngmang sak gui ah Israel ng’vai gui cu that gui u ne, “A i ah kyasei nami chang gui naw yan nä ami bi chü ah uk kä ami bi ba ang? cik ci gui.

PHYAWN NAK 3:9

Ka chang gui ah kyah cu akcang ah ka ng’yak ci, Egypt chang gui naw a i hlawk ah ami shedam nak gui phi ka hmuk ci.

PHYAWN NAK 3:7

Cun kawn ah Bawipa naw, “Egypt khaw ah kaa chang gui a i hlawk ah ami shedam nak gui cu ka hmuk ci nei. Khleihtein shäm ci gui ah kut ungka gun gui vai ah ami kyah m’lau cu ka ng’yak ci nei, ngami ah geinvai avan ka hmuk ci nei.

PHYAWN NAK 2:23

Khokum api sho hta khäta, Egypt ghangpughang cu sik ci. Cun ung phi Israel chang gui cu ami khleihtein ah kya ne geinvai lä u ne, m’gein gui vai ah kyap m’lau lä ci gui. Ngami ah kyah cu Khanpughi ah gawk ci.

PHYAWN NAK 1:17

Sayama gui cu Khanpughi kyih aa ci gui ah kya ne, ghangpughang ah ng’thu cu kä ngai ci gui, pami hta gui cu ghin sak ci gui.

ATÜNNAK 42:18

A hnüüp thum hnüüp ung Joseph naw khü gui neta, “Kei cu Khanpughi kyih aa ciah chang ah ka kyak ci, cun ah kyasei nangmi cu a mawng tumat awn ka ning phyawn gui khai.

TAIGÜTHUM 25:42

Israel chang gui cu Bawipa ah changshäm ah kyak ci gui, ani naw Egypt khaw ah ka law püi ba gui ci; ngami cu changshäm ah kyak khai ah kä yoih gui vai.

TAIGÜTHUM 25:44

Changshäm nami ng’yak hlü ah a kyak ung, nami pei ng’leng pakhui gui ungka nami hleih vai.

2 SHONTÄP NAK 28:10

Tuhbäi nangmi naw Jerusalem la Judah ung pami hnumi gui cu changshäm ah nami pyang gui ci. Nangmi naw phi Bawipa nami Khanpughi hnungtuk pui ne katnak nami bi cu kä nami hmat ne ma?

JOB 31:13

Ka hangshäm tumat mat naw kei cu ng’thu m’da ne ana hnungtuk ah a kyak ung, Kei naw ngai ne akni ah ka om püi khai nei.

JOB 31:14

Cun ah kä ka bi ung kei naw a i hawkcha ah Khanpughi ka hmu thei khai aw? Khanpughi naw am khoicha khai ah a law ung a i ka pyen khai aw?