TAIGÜTHUM 25:41 - Cho Bible Common Language 2016

⁴¹ Cun ah khin ung ani la a hta gui cu nang ah kyong ungka naw ami kyong khui ah hteit ba khai gui, ami pupa ah khaw ah hteit ba khai gui.

TAIGÜTHUM 25:41 Referans Kwoze

TAIGÜTHUM 25:28

Cun ung phi ani ung khaw thon nak ba vai kä a om ah a kyak ung, cun ah khaw cu m’thawh ba nak ah a hngeng kum ung khüt sei, khaw thong ciah chang ah kut ung om sä. Acun ah kum ung cun ah khaw cu kaa na htük ciam pek ba vai ah kyak khai nei.

PHYAWN NAK 21:3

Ani changshäm ah a kyak yah ung kä chumah ciah a kyak ung, a luat hnüüp ung a chu kä a hteh püi en vai. Changshäm ah a kyak yah ung chumah ciah a kyak ung a chu cu a hteh püi vai.

TITUS 2:14

Ani naw amät cu mikmi ah hmawk ah pek ci, cun cu shetkat nak phung ung anak phiawn nak gui vai la amät khäm ciah ak chang theing ah mi kya ne, ak ni kyom ah mi hnün thawh nak thei vai ah hmawk ah kyak ci.

ROMAN 6:14

Kat nak cu nami bawimang ah kä kya en sä; nang mi cu thukhän ah kaa ah kä nami om ci, Khanpughi ah m’gein nak ah kaa ah nami om ci nei.

JOHAN 8:32

Nangmi naw düng nak cu nami hmat khai, düng nak naw nangmi cu ning m’hlawt gui khai,” cine pyen na gui ci.

TAIGÜTHUM 25:10

A cu cha ah nangmi naw a kum hmakip nak cu k’bäi u neta, khaw ung om ci gui avan ah ma ah phyawn nak ah mawng cu nami ng’shäu vai. A cun ah kum ah kyong ung nami yoih tuk ah khawh cham phung cu, ak htük ungka ak ci am, kä cunung, a hta nau am nami pek ba vai. Chang shäm ah kyak khai ah ami yoih ah chang cu, amät ah kyong khui ah a hteh ba vai.

TAIGÜTHUM 25:40

Ani cu chang ghüh ah mäih ah na pei ung om ne, M’thawh Banak ah hngeng Kum güt ung na khut bik khai.

TAIGÜTHUM 25:42

Israel chang gui cu Bawipa ah changshäm ah kyak ci gui, ani naw Egypt khaw ah ka law püi ba gui ci; ngami cu changshäm ah kyak khai ah kä yoih gui vai.