TAIGÜTHUM 25:39 - Cho Bible Common Language 2016

³⁹ Na pei ah om ciah Israel na chang paw cu dukhaih law aih neta, changshäm vai ah amät naw amät a ning yoih nak ah a kyak ung, changshäm ah mäih ah kä na om püi vai.

TAIGÜTHUM 25:39 Referans Kwoze

PHYAWN NAK 21:2

Hebru changshäm nami hleih ah a kyak ung, ani naw kum chuk ung nami bii a bi vai. A kum chih ung ani cu a i kä pek sak ne nami hlawt vai.

1 GHANGPUGHANG GUI 9:22

Solomon naw Israel gui cu changshäm ah kä tha gui ci; ngami cu gakap gui, bawi gui, gakap bawi, yatha khawng gui, ng’se ng’cum ci gui ah bii bik ci gui.

NEHEMIAH 5:5

Keimi cu kami Jew chang paw gui ah mäih ah pakhui ät ah kami kyak ci. Keimi ah hta nau gui cu ngami ah htanau gui ah mäih ah kä bä tuk ci gui ah kya ne ang? Cun ung phi keimi naw kami htanau gui cu changshäm ah kami kyak sak gui ci nei. Kami htahnumi gui amshah cu changshäm vai ah yoih gui pyi nei. Kami lo gui la sapyitdum gui cu chang gui naw ami lak pyi ah kyasei keimi cu amgeinkaa ah kami kyak ci nei,” cik ci gui.

2 GHANGPUGHANG GUI 4:1

Prophet gui ungka tumat ah hmeinu cu Elisha ah law neta, “Saya aw, kei ka cei cu sik ci nei! Na hmat ah mäih ah ani cu Khanpughi kyih aa ciah kyak ci, cun ung phi ani naw ngui apu nak ah chang naw law ne, apu ah phäh ah ka hta goi cu hteh püi ne shäm goi khai ah pyen ci nei” cik ci.

TAIGÜTHUM 25:46

Nangmi naw ngami cu nami hta gui naw ami kaa nak vai ah nami nawng shüt hning ci. Ngami naw ami ghin ah chuih nami hta gui ah bii bik khai gui. Cun ung phi nangmi naw nami Israel chang paw cu ak ghat ah kä nami om püi gui vai.

JEREMIAH 34:14

khokum chuk ung ami bii bik ciah Hebrew khlei htein phjung akum chin nak päng ung m’hlawt vai. Cun ung phi nami pupa hui naw kei cu ai ah kä na sui ci gui, kei ah pyeu phi kä ngai ci gui.

JEREMIAH 30:8

M’gäi ciah Bawipa naw pyen ci; “Cun ah hnüüp a gawk law ung ami hnü ung ami phuih nak ah sing cu cheiuh ne, gui gui cu ka heen pe gui khai, ngami cu Khohei Chang gui ah Khlei htein ah kä kya ba khai gui.

JEREMIAH 27:7

Chang pakhui avan naw ani ah bii bik khai gui, ani ah pakhui angkiak nak vai kä a gawk law pha ah chuih, ani ah hta la atu gui ah bii cu ngami naw bik khai gui. Cun kawn ah ani ah pakhui naw huham mah ciah pakhui la dämduh ciah ghangpughang ah bii cu bik khai gui.

JEREMIAH 25:14

Kei naw Babilonia gui am ami mät ah bi ah phäh ah ka pe ba gui khai, changpakhui akda la dämduh ciah ghangpughang gui naw ngami cu k’hleihtein nah gui khai gui.”

MATTHE 18:25

Ani naw a pu cu kä thung hlawt khätah, amät la ak chu a hta ni, a khawh cham ni avan cu yoi ne a thung vai ah ghangpughang naw k’bäi ci.

2 SHONTÄP NAK 28:10

Tuhbäi nangmi naw Jerusalem la Judah ung pami hnumi gui cu changshäm ah nami pyang gui ci. Nangmi naw phi Bawipa nami Khanpughi hnungtuk pui ne katnak nami bi cu kä nami hmat ne ma?

JEREMIAH 34:8

Ghangpughang Zedekiah la Jerusalem chang gui naw yum ätnak bine

JEREMIAH 34:9

ami Hebrew hlei htein gui, pami hnumi atäng ah m’hlawt vai ah k’bäi ci gui, cun ah kyasei a u ung phi ami Israel — Chang pawhle hten kä um ba ci.