TAIGÜTHUM 25:36 - Cho Bible Common Language 2016

³⁶ Ani ung ang lawn kä na lak vai, Khanpughi na kyih aa vai, na Israel chang paw cu na pei ah na om sak vai.

TAIGÜTHUM 25:36 Referans Kwoze

PHYAWN NAK 22:25

“Dukhaih ciah ka chang gui am ngui nami k’puu gui ah a kyak ung, ngui ng’puu ne ei ciah mäih ah kä nami bi vai. A hta kä nami shan vai.

EZEKIEL 18:8

Ani naw ngui a taw ah kä ng’pu ci. Ani cu akshe bi vai ah mak ci, Ng’cuh can nak päng ung düng nak awn m’khoi chak ci.

EZEKIEL 18:17

Ani naw akshe bi vai cu mak ci, ngui ataw ah kä ng’pu ci. Ani naw kei ah thukhän gui cu k’pang ci, ka thumkhän gui cu läk ci, Ani cu apa ah katnak ah phäh ah kä sik khai, cun ung phi ani cu akcang ah ghing khai.

EZEKIEL 18:13

ngui ataw ah ng’pu ci. Ani cu ghing khai ang? Kä ghing khai. Ani naw shin ah shemshai ci gui avan bik ci, cun ah kyasei anisik khai. Ani cu amät ah sih nak vai awn m’kat nak gah khai.

TAIGÜTHUM 25:17

Na Israel chang paw cu kä nami thuvi nak vai, Bawipa nami Khanpughi cu kyih aa ne nami läk vai.

EZEKIEL 22:12

Amshah naw cheng dou ne chang ngawn ci gui. Amshah gui naw ami Israel paw gui am ngui ataw ah k’pu u ne, ngami ah khan ah ataw la ne ng’büh mang ci gui. Ngami naw kei cu na m’hnih ci gui.” Uktu Bawipa naw a pyen nei.

NG'THU K'THUUK~ 28:8

Chang gui ah khan ah na lak ah a taw anglon awn na bühmang ah akyak ung, nang ah khawh cu dukhaih ci m’gein ciah chang ung gawk yawp khai.

SAM 15:5

A api thum ah lak vai ah ngui kä ng’pu ci, changni gui ah mawng akshe ah ami pyen nak vai ah ngui kä lak ci, angtäi sei phyawng gai ci.

NEHEMIAH 5:15

Kei ah kä bi pha ung bik ciah uktubawi phung naw chang gui cu ami phuih gih sak gui. Ngami naw ei la awk vai ah phäh ah hnüüp ät ung, ngui phe phli kip ci k’thäh gui ci gui. Ami changshäm gui naw phi chang gui cu she na gui ci gui. Cun ung phi kei cun ah kä ka kyak ci, a i ah kyasei ci ung kei cu Khanpughi ka kyih aa ci.

TAIGÜTHUM 25:37

Ani am ngui nak pu ung ang lawn kä na pek sak vai. Ei na yoih nak ung k’pawih khai ah kä na bi vai.

ISAIAH 24:2

Chang nü ah a buitang cu tang khai-taigü la chang gui, changshäm gui la mang gui, hleih ci gui la yoi ci gui, ng’pu ci gui la puk ci gui, bühmang ci la dükhaih ci gui.

JEREMIAH 15:10

A i hlawk ah kä yei ciah chang ang kei cu! A i ah kyasei khomdek khan ung kanu naw ana hta nak ang? Shin ah kho ung chang nü awn kani ng’cuh can lawk ci nei. Kei naw a u am kä ka k’pu ci, a u ah kä ka puk ci, cun ung phi chang nü naw na tam ci nei.

PHYAWN NAK 22:24

Cun kawn ah m’lungshe ne ng’tuk nak ung ka ning ngawn gui khai. Nami chu gui cu hmeinu ah kyak khai gui, nami hta gui cu ami pa maih khai.

NEHEMIAH 5:3

Amshah naw, “Kami ng’büh nak htang gah ne kä kami cawi vai ah kami lo, kami sapyitdum, kami im gui cu kami kyäng ci nei” cik ci gui.