TAIGÜTHUM 25:35 - Cho Bible Common Language 2016

³⁵ Na pei ah om ciah Israel na chang paw cu, dukhaih law ne amät naw amät kä am htei hlawt ah a kyak ung, na chang ghüh ah mäih ah na pektak vai. Cun ung nang ah pei ah ani cu om tu gäk gäk hning khai.

TAIGÜTHUM 25:35 Referans Kwoze

LUKA 6:35

Nangmi cu nami gaa nami m’hni vai, chang ah khan ah akni nami bi vai. Gah ba vai ciah kä ngaih u en ah nami ng’pu tu vai. Cun ah nami bi ung nangmi cu hlüngtai ciah m’tamkhah nak gah ne, hlüng pik’bäih ciah Khanpughi ah hta ah nami kyak khai. Cun ah Khanpughi cu m’gein nak kä hmat ci gui la changshe gui ah khan ah akni bik ci.

1 JOHAN 3:17

Bämang ciah chang ah kya lang ne, a phäi nau tumat mat geinvai sei hmu netah am lung choh khai ciah chang cun naw, a i hawk chaa ah Khanpughi kam hni ci nei, a ci thei vai ang?

LAMKTU 11:29

Zum ciah chang gui naw ami m’khüt hning phäh phäh ah, Judea kho ah khritha phäi nau gui cu peit taak gui vai ah k’bäi ci gui.

NG'THU K'THUUK~ 14:31

Dukhaih ciah chang shedam nak ci cu, ani tuisho ciah Khanpughi paphi ciah kyak ci. Cun ung phi dukhaih ci m’gein cicu khawihnah nak bik ciah kyak ci.

SAM 112:9

Ani naw ng’khai ne dukhaih ci gui cu pe taak gui ci, ani ah nibä nak cu kä shum hlawk ci; Ani cu huham ah sei chang m’sui khai gui.

SAM 112:5

Ng’khai ne chang am k’pu m’hnih thei ciah chang cu yeikyai nak om ci, Ani naw abi lawh phung düngshung sei bik ci.

SAM 41:1

Dukhaih ciah chang tengkhen ci gui cu yeikyai nak om ci. Geinvai nak a gawk law ung ngami cu Bawipa naw m’htei gui khai.

SAM 37:26

Ani cu angtäi sei chang-am pe taak, pu m’hnih ciah kya ne, a hta nau gui naw m’shum phyuk nak gah ci gui.

HEBRU 13:2

Nami im kyong ah khin nami m’kai vai cu nami shüm vai nei. Cun ah khin m’htei ci gui cun naw kä ami hmat ah khankho chang cu khin nak ci gui nei.

KALATIAN 2:10

Ngahmi naw ghawipyam ci gui, nami shüm gui vai nei, cine nam cäi gui ci gui, cun cu kei naw ka bi hlü pi ah kyak ci.

2 KORIN 9:1

Judea kho ah Khanpughi ah chang gui m’hteihtang gui vai ah mawng cu ca awn ka guk vai kä hlü ci.

2 KORIN 8:9

Nangmi naw mi Bawipa Jesuh Khrih ah m’gein nak cu nami hmat ci; Ani cu bühmang ciah Bawipa ah a kyak ung phi, nangmi ah hmawk ah pyam ci. A pyaamthaam nak awn ning bühmang sak gui ci.

ROMAN 12:20

Cun ah kya sei, phu nami tuk nak vaisü ung nami bilawh vai ah cacim theing naw a pyein cu, “Nami gaa cu ei a cawi ung ei nami m’bei tu vai, tui a gha ung tui nami tuu tu vai, cun ah na bi nak awn nang naw na gaa cu na ng’aa sak khai nei,” ciah kyak ci.

ROMAN 12:18

Chang nüng nüng awn ng’gei gaan ne nami om vai nei,

ROMAN 12:13

Pyam thaam ciah khritha phäi nau gui am nami khawhchaam nami tei pai tu gui vai, lam hteit ciah chang gui am nami im kawt nami k’hmawn peit gui vai.

JOHAN 12:8

Pyamthaam ci gui cu nangmi awn angtäi ah nami om ci, kei läi cu nangmi awn angtäi ah kä ka om khai” cine kyak na gui ci.

MAKUH 14:7

Ghawi pyam ciah chang gui cu nangmi awn angtäi ah a täng ah nami om ci. Nangmi naw nami ng’yak hlü päng ung nami m’htei gui hning ci. Kei läi cu nangmi awn angtäi ah kä ka om khai.

MATTHE 25:35

Nangmi cu kei ei ka cawi yah ung ei nami nam bei ci, tui ka gha yah ung tui nami na tu ci, kei cu khin ah ka kyak yah ung nami na khin nak ci.

NG'THU K'THUUK~ 19:17

Dukhaih ciam na pek tak cu Bawipa am nak pu ah maih ah kyak ci. Bawipa naw ning thung ba khai.

NG'THU K'THUUK~ 17:5

Dukhaih ci na gaih tu ung ani tuisho ciah khanpughi na kalu nak ciah kyak ci. Chang yaica nak ung agawk ah phäh ah yeikyai ciah chang cu, m’kyuk nak gah khai nei.

TAIGÜTHUM 25:25

Israel chang tumat cu dukhaih ne a khaw yoi khai ah a kyak law ung amät ung ng’een pi ci naw ak hleih tu pek vai.

TAIGÜTHUM 19:34

Nami Israel chang paw ah mäih ah nami om püi gui vai. Nami mät naw nami mät nami m’hni ah mäih ah nami m’hni gui vai. Yan ä nangmi cu Egypt khaw ah khaw hei chang ah nami kya man ci nei, nami shüm ba vai. Kei cu Bawipa nami na Khanpughi nei.

PHYAWN NAK 23:9

“A khawhei chang kä nami shedam nak vai, nangmi naw akhohei chang naw a i a ngaih dam cu nami hmat ci, a i ah kyasei ci ung nangmi cu Egypt khaw ah a khawhei chang ah nami kya man ci.

PHYAWN NAK 22:21

“A khohei chang cu akshe ah kä nami shedam nak vai, Egypt khaw ah khawhei chang ah nami kyak man cu nami shüm ba vai.

PHYAWN NAK 22:25

“Dukhaih ciah ka chang gui am ngui nami k’puu gui ah a kyak ung, ngui ng’puu ne ei ciah mäih ah kä nami bi vai. A hta kä nami shan vai.

THULÄÄN NAK 23:19

“Nami Israel chang paw am ngui phi, ei phi, a i phi nami k’pu tu ah a kyak ung, ang lawn kä nami pek sak vai.

NEHEMIAH 5:1

Api sho hta khäta, chang gui akda hnumi ni, pami ni cu tün ne ami mät Jew chang gui chiu m’da ne ng’hnung tuk lawk ci gui.

PHYAWN NAK 22:24

Cun kawn ah m’lungshe ne ng’tuk nak ung ka ning ngawn gui khai. Nami chu gui cu hmeinu ah kyak khai gui, nami hta gui cu ami pa maih khai.

NEHEMIAH 5:3

Amshah naw, “Kami ng’büh nak htang gah ne kä kami cawi vai ah kami lo, kami sapyitdum, kami im gui cu kami kyäng ci nei” cik ci gui.

JOB 31:16

Dukhaih ci m’hteihtang vai ah kä ka ma phung man ci, Yaica ciah hmeinu gui phi kä ka nawng düt man ci.