TAIGÜTHUM 25:34 - Cho Bible Common Language 2016

³⁴ Cun ung phi Levit mang gaw gui ah ang veing ung om ciah lolai gui cu kä yoih vai, cun cu khaw ng’län ung ngami ah khawh ah kyak khai.

TAIGÜTHUM 25:34 Referans Kwoze

TAIGÜTHUM 25:23

Nami khaw cu chang naw a khäm vai ah kä nami yoih vai, a i ah kyasei ci ung cun cu nangmi ah kaa ah kä kyak ci, Khanpughi ah kaa ah kyak ci, nangmi cu shin ah khaw ami bi tu sak ah khaw hei chang ah mäih ah nami kyak ci.

TAIGÜTHUM 25:33

Mang gaw tumat ungka im tumat cu Levit naw yoi neta, kä a hleih tuba hlawt ah a kyak ung, M’thawh Banak Kum ung acun ah im cu ani am pek ba vai, a i ah kyasei ci ung, ami mang gaw kyong ah om ciah ami im cu, Israel gui ah ng’lung ah Levit gui ah ng’täi ciah ami khawh ah kyak khai.

2 SHONTÄP NAK 31:19

Taigü ah ng’lung ah Amon ah hta ng’shon gui am ami pek ah mang gaw gui ung phi kia, cun ah mang gaw gui ah pang khaw hmin gui ung phi kia, om ciah taigü naw ei vai tei tawng ci gui Ngami naw taigü kyong pami avan la Levit pahta kyong ungka päng am pek ci gui.

EZEKIEL 48:13

Levit gui cun phi aktung pi area gah ci gui, cun cu taigü gui ah area ah a htumtäng ah kyak ci. Cun cu phi ak kyang täng ungka naw akhei täng ah kilometre gha lei goi la avang, asiip ah ka naw athum ah kilometre hma lawk ci.

EZEKIEL 48:14

Bawipa am ap ah area cu khaw avan ung aknii pikbäih ah kyak ci, cun cu api phi kä yoih vai, kä m’thawng vai, ahei tumat am kä pek vai. Cun cu Theingcim ci, Bawipa ah kaa ah kyak ci.