TAIGÜTHUM 25:24 - Cho Bible Common Language 2016

²⁴ Khaw nami yoih ah a kyak ung khaw nak htük ci naw a thon ba vai ah ami ci vai.

TAIGÜTHUM 25:24 Referans Kwoze

EPHESIAN 4:30

Khanpughi ah Mumcha Theing cu kä nami m’thüi-en vai; a i ah kyasei ci ung Mumcha Theing cu Khanpughi naw nangmi a ning khäm gui ah mawng m’hnüt nak ah kyak ci, ak hnu bäih ah Hnüüp ung nangmi a ning phiawn nak gui vai ah, a kyän ah phi kyak ci.

EPHESIAN 1:14

Cun ah Mumcha Theing cu Khanpughi naw ak chang gui-am apeit ah shaitaak cu mi gah vai ah ang kyän nak ah kyak ci. Cun ah kyasei Khanpughi naw, amät ah chang gui-am kümbe ciah phiawn nak, na pe gui ci, cicu ngaih gep vai kyak ci. A bämang nak cu mi m’kümto khai nei!

EPHESIAN 1:7

Bawi Khrit naw ng’ap ne a sih nak awn mikmi cu mi k’phiawn pyi ci, cun cu küikyang ciah Khanpughi ah m’gein nak ah kyak ci.

1 KORIN 1:30

Khanpughi naw nang cu Bawi Khrih Jesuh ung ning kawng ät sak gui ci, Khanpughi naw Bawi Khrih cu mik ah Lulang nak ah kyak sak ci. Bawipa awn mikmi cu Khanpughi ung mi ng’düng ci; mikmi cu Khanpughi ah chang theing ah mi kya law ne, phiawn nak mi gah ci.

ROMAN 8:23

A tüi pyan ah khomdek khan bäng ah kä kyak ciah, Khanpughi naw ak htük bäih ah a peit ah Mumcha gah ciah mikmi cun phi, Khanpughi ah hta ah kyak nak vai la, mi pumsa avan hun nak a gah nak vai cu, mi ging ne mi geinvai ci.

TAIGÜTHUM 25:31

Cun ung phi kä ng’vong ah pigaw gui ung im gui läi cu, lo ah mäih ah kyak ci. Ka nak htük ci naw hleih ba hning ci. M’thawh banak kum ung phi pek ba hning ah kyak ci.

TAIGÜTHUM 25:27

Cun ung ani naw m’thawh ba nak ah a hngeng kum güt khaw kum khei neta, hleih tuk ciam a thung ba vai, cun ung a khaw cu a kaa ah kya ba khai.

TAIGÜTHUM 25:23

Nami khaw cu chang naw a khäm vai ah kä nami yoih vai, a i ah kyasei ci ung cun cu nangmi ah kaa ah kä kyak ci, Khanpughi ah kaa ah kyak ci, nangmi cu shin ah khaw ami bi tu sak ah khaw hei chang ah mäih ah nami kyak ci.

TAIGÜTHUM 25:25

Israel chang tumat cu dukhaih ne a khaw yoi khai ah a kyak law ung amät ung ng’een pi ci naw ak hleih tu pek vai.

EZEKIEL 7:13

A u sumlei ciah chang phi a pet pyi gui a gah ba yawp güt kä ghing khai nei, a i ah kyasei ci ung Khanpughi ah m’lungshe nak cu chang päng ah khan ah kya lawk ci. Chang shekha gui phung kä k’pawih hning khai gui.

JEREMIAH 32:7

ka pukhaw, shallum ah hta Hanamela cu kei ah law ne, Benjamin khopäng Anathoth ung khaw bung cu kei naw ka hleih vai ah na k’thäh lawk ci, a i ah kyasei ci ung kei cu ani ah ang et pikbäih amät yah ah kya ne, ka kaa vai ah ka hleih hning ciah kyak ci.