TAIGÜTHUM 25:23 - Cho Bible Common Language 2016

²³ Nami khaw cu chang naw a khäm vai ah kä nami yoih vai, a i ah kyasei ci ung cun cu nangmi ah kaa ah kä kyak ci, Khanpughi ah kaa ah kyak ci, nangmi cu shin ah khaw ami bi tu sak ah khaw hei chang ah mäih ah nami kyak ci.

TAIGÜTHUM 25:23 Referans Kwoze

1 PETER 2:11

Teihpüi gui aw, mikmi cu khomdek khan ung om k’tu ah mi kyak ci kyasei, angtäi sei ng’küükneet ne, nang tuk püi gui ciah pumsa ah ng’yak hlü ah kä m’lung k’si en ne, nami thamah vai ah ka ning m’cäi gui ci nei.

SAM 39:12

Bawipa, ka taigü na ng’yak pe ä, ka m’lau cu na ngaih pe ä. Ka kyah yah ung law ne na phawk law ä. Ka pupa gui ah mäih ah kei cu a shäng hta lawk ciah khin ah ka kyak ci.

EZEKIEL 48:14

Bawipa am ap ah area cu khaw avan ung aknii pikbäih ah kyak ci, cun cu api phi kä yoih vai, kä m’thawng vai, ahei tumat am kä pek vai. Cun cu Theingcim ci, Bawipa ah kaa ah kyak ci.

SAM 24:1

Khomdek khan la a cun ung om ci phung cu Bawipa ah kaa ah kyak ci; Khomdek la akhan ah om ci pung cu ani ah kaa ah kyak ci.

1 SHONTÄP NAK 29:15

O Bawipa, nang naw na hmat ci, keimi cu kami pupa gui ah mäih ah omktu gui la khin gui ah mäih ah kami ghing om lawk ci. Keimi ah kho hnüüp cu vangkon vük ciah püpüi ah mäih ah kya ne, keimi naw sih nak kä kami phyawn na hlawt ci nei.

THULÄÄN NAK 32:43

Chang pakhui gui, nangmi naw Bawipa ah chang gui cu nami m’tam khai, Ngami ngawn gui cu avan ani naw m’kyuk khai. Ani naw aga gui ah khan ah phu tuk ci, A chang gui ah katnak cu geinsei gui ci.”

PHYAWN NAK 19:5

Tuhbäi kei na ngai ne, ka thukhän nami k’pan ah a kyak ung nangmi cu kei ah chang ah nami kyak khai. Khomdek avan cu kei ah kaa ah kyak ci. Cun ah kyasei nangmi cu kei ah chang gui ah nami kyak khai.

JOEL 3:2

Kei naw changpakhui gui avan ka bum gui khai m’khoicha nak ah khong nawi ung ka law püi gui khai. Acu ah ka m’khoicha gui khai cun cu ka chang gui ah khan ah ami bi avan ah phäh ah kyak khai. Ngami naw Israel gui cu akho hei ungka ng’phyiitpai sak gui ci gui, ka khaw Israel cu ng’pai sak ci gui.

JOEL 2:18

Cun kawn ah Bawipa naw a khonglei am htei nak m’dang ne; a chang gui chimgein gui ci.

HOSEA 9:3

Israel chang gui cu Bawipa ah khaw ung kä om ba khai gui. Ngami cu Egypt khaw ah hteit ba khai gui. Assiria ah ami yeeih ah ei cu ei khai gui.

SAM 85:1

Bawipa, na ng’lei khaw cu nak chimgein ci nei; Israel chang gui cu na bämang ba sak gui ci nei.

2 SHONTÄP NAK 7:20

ka ning pek gui ah khaw ungka ka ning k’plon gui khai, kei nami na khawihnah nak vai ah ka ap ah shin ah Taigüim cu ka nawng khai. Khaw nü ung chang gui naw ng’yo m’shaw u ne päipih khai gui.

TAIGÜTHUM 25:10

A cu cha ah nangmi naw a kum hmakip nak cu k’bäi u neta, khaw ung om ci gui avan ah ma ah phyawn nak ah mawng cu nami ng’shäu vai. A cun ah kum ah kyong ung nami yoih tuk ah khawh cham phung cu, ak htük ungka ak ci am, kä cunung, a hta nau am nami pek ba vai. Chang shäm ah kyak khai ah ami yoih ah chang cu, amät ah kyong khui ah a hteh ba vai.

ISAIAH 8:8

Ngami naw Judah khaw avan cu kui ne küm u ne, phleing ung khüt sei k’plüm ne apäng avan küm khai gui” cik ci. Khanpughi naw na om püi gui ci! Ak phyaat ah ang phya naw mi khaw cu shungvong ci.

SAM 119:19

Kei shin ah khomdek khan ung ashäng hta ka om ci; Na thumkhän cu kei am kä na thuh en pe ä.

1 GHANGPUGHANG GUI 21:3

Naboth naw, “Shin ah sapyitduum cu ka pupa gui ah pakhui kam düng ah kyak ci, shin nang am kei naw ka ning pek vai cu Bawipa naw na maa nak ci nei!” cik ci.

ATÜNNAK 47:9

Jakob naw, “Khin ah kya ne ka om nak khawkum phia la thuimkip lawk ci. Cun ah khawkum gui cu ken sei phi cümbawng nak ah kyak ci, pupa gui ah ghin sho ah mäih ah kä kyak ci.

ATÜNNAK 23:4

“Kei cu khin ah kya ne nami ng’lung ah ka om tuk ci; ka chu ka k’phuh nak vai khaw hmun na pe tu vä” cine pyen ci.

PHYAWN NAK 2:22

Ani cu pami hta ah hta ci. Moses cu amät ng’htau ne, “Kei cu shin ah khaw ung akhohei chang ah ka kyak ci, cun ah kyasei Kershon ah ang ming ka sui khai” cik ci.

TAIGÜTHUM 25:24

Khaw nami yoih ah a kyak ung khaw nak htük ci naw a thon ba vai ah ami ci vai.

SAM 39:13

Kei cu kä ka sih pha ung, yeikyai nak gui ka gah vai ah, na bä ni ka mät cu na nawng cang ä.