TAIGÜTHUM 25:22 - Cho Bible Common Language 2016

²² Akum cheit kum nami lo gui nami phu shaw ba sang ung, a kum chuk kum nami khäm cu nami ei vai om ba lä khai, a cu kum nami phu shaw kä nami khäm pha ah chuih nami ei ng’büh vai phi om ba khai.

TAIGÜTHUM 25:22 Referans Kwoze

2 GHANGPUGHANG GUI 19:29

Cun kawn ah Isaiah naw ghangpughang Hezekiah a pyen nak cu, “Shin cu a i ah kya lawk khai cicu m’hnüt nak ah kyak ci. Tuhshikum la hneng kum nang naw k’pya htang bäng na ei khai, cun ung phi cun kawn ah khawkum gui ung nang naw nami püm htang geit u ne nami khäm ba khai, sapyit geit u ne ak theih nami ei khai.

TAIGÜTHUM 26:10

Nami geit khäm cu da aih khai, kum ät ung ng’büh ne pawih khai, nangmi naw pawih ciah geit phyim cu huk u ne, geit thai nami m’sep khai.

ISAIAH 37:30

Cun kawn ah Isaiah naw ghangpughang Hezekiah am, “Shin cu kya lawk khai ah a mawng m’hnüt nak ah kyak ci nei. Tuhshikum la hnengkum nangmi naw m’ghawhtang bäng nami ei khai nei. Cun ung phi lawba ciah khokum ung nangmi naw ktang phu ne nami khäm khai nei, sapyit gui geit ne, am theih nami ei khai nei.

TAIGÜTHUM 25:23

Nami khaw cu chang naw a khäm vai ah kä nami yoih vai, a i ah kyasei ci ung cun cu nangmi ah kaa ah kä kyak ci, Khanpughi ah kaa ah kyak ci, nangmi cu shin ah khaw ami bi tu sak ah khaw hei chang ah mäih ah nami kyak ci.

PHYAWN NAK 16:5

A hnüüp chuk hnüüp ung ami gah man ah a goi ah gah u ne, pyang tham khai gui nei” cik ci.