TAIGÜTHUM 25:18 - Cho Bible Common Language 2016

¹⁸ Bawipa ah thukhän gui la thumkhän gui cu avan nami läk vai, cun ung nangmi cu shin ah khaw ung phyawng ne nami om khai.

TAIGÜTHUM 25:18 Referans Kwoze

JEREMIAH 23:6

Ani ghangpughang ah a kyak law ung Judah chang gui cu phyawng khai gui, Israel chang gui cu dimdeeih nak ung om khai gui. Ani cu “Ani cu Bawipa mi hun bawi” ah khü khai gui.”

THULÄÄN NAK 12:10

Jordan tuinu nami kah law ung Bawipa naw khaw cu ning khäm sak gui sei, acu ah nami om khai. Ani naw nami ga avan ungka ning phyawn sak gui sei, nangmi cu ding gei sei nami om khai.

NG'THU K'THUUK~ 1:33

Cun ung phi kei na ngai ciah chang cu am lung üp khai. Anii cu phyawng khai kyih vai ah mawng kä om khai.

SAM 4:8

Kei cu ka ng’zän law ung, ding gei sei ka ip ci; O Bawipa nang bäng naw, kümbe ciah phyawn nak, na na pek ci nei.

EZEKIEL 33:29

Kei naw chang gui cu ami katnak ah phäh ah m’kyuk gui ne, khopäng cu ka shiu law sak ah a kyak ung, kei cu Bawipa ah ngami naw hmat khai gui.”

JEREMIAH 33:16

Judah Chang la Jerusalem chang gui cu gun gui vai, ngami cu phiwng ne om khai gui. Cun ah mang gaw cu, “Na hunphiawn gui ciah BAWIPA” ciah khü khai gui

SAM 103:18

Cun cu ang thum’khän ung düng ciah chang la a thumkhän bekhüt ne läk ciah chang gui ah kyak ci.

THULÄÄN NAK 33:28

Cun ah kiasei Jakob ah htangshon gui cu Ding gei sei om ci gui. Htang la sapyit tui ah be nak khaw cu geing nak ci gui. Acu ah khomik ungka dam tui naw khaw ng’lei tui awn shawi ci.

THULÄÄN NAK 33:12

Ani naw Benjamin pakhui a pyen nak gui gu, “Shin ah pakhui cu Bawipa naw m’hni ci, A shungvong ah kyak ci. Ani naw a hnüüp pum ngäng gui ci, Ani cu ami ng’lung ah om ci.

TAIGÜTHUM 19:37

Ka thukhän gui la thumkhän gui avan nami läk vai nei. Kei cu Bawipa nei.”

JEREMIAH 25:5

Akshe ah nami ghin nak la akshe gui nami bi nak ungka nami ng’hlah law ba vai ah ngami naw ning m’thein gui ci gui, cun ah kyasei Bawipa naw nangmi la nami pupa gui am ngawi yä nami kaa nak vai ah aning pek gui ah kho ung nami om khai nei.

TAIGÜTHUM 25:19

Khaw ng’lei naw geit gui m’thawk sak khai, nami ei hlü phung avan nangmi ung om khai, nangmi cu phyawng ne nami om khai.

TAIGÜTHUM 19:19

“Ka thumkhän cu nami ngaih vai. Vuhchah ah seime gui k’caw ne kä ng’ghui sak vai. Lo tumat ung geit m’shi ming goi kä geit vai. Ming hnih awn tah sui, kä sui vai.

1 GHANGPUGHANG GUI 5:5

Bawipa naw, kapa David am shaitak nak pek ci, nang ah kawn ah kei naw ghangpughang ah ka hmoh vai ah na hta naw, kei ah phäh ah Taigüim cu co khai.’ Bawipa ka Khanpughi khawihnah nak vai ah Taigüim cawh vai ah kei naw ka k’bäi pyi ci.