TAIGÜTHUM 25:17 - Cho Bible Common Language 2016

¹⁷ Na Israel chang paw cu kä nami thuvi nak vai, Bawipa nami Khanpughi cu kyih aa ne nami läk vai.

TAIGÜTHUM 25:17 Referans Kwoze

TAIGÜTHUM 19:32

“Aghi ang vai gui cu chang m’sui ne, nami m’tam ngak vai. Kyih aa ne nami cuun ngaih vai. Kei cu Bawipa nei.

TAIGÜTHUM 19:14

A hnga paang ci kä plah vai, a mik m’dauh ah ma ung ang vawn nak vai kä tha vai. Na kyih vä, kei cu Bawipa nami na Khanpughi nei.

TAIGÜTHUM 25:43

Ak ghat ah kä nami om püi gui vai, nami Khanpughi cu nami kyih aa vai.

PHYAWN NAK 20:20

Moses naw, “Kä kyi vä, Khanpughi a law cu ning m’nüm gui khai la ang thu nami ngaih vai ah ning pyang gui khai ah kyak ci, cun ung nangmi kä nami shekak khai” cik ci.

ATÜNNAK 42:18

A hnüüp thum hnüüp ung Joseph naw khü gui neta, “Kei cu Khanpughi kyih aa ciah chang ah ka kyak ci, cun ah kyasei nangmi cu a mawng tumat awn ka ning phyawn gui khai.

1 THESSALONIAN 4:6

Shin ah mawng ung khritha gui nami mät kä nami cheishoh-en vai, kä nami ei-hlü mang-k’phya vai. Acun ah mäih ah om ciah chang cu Bawipa naw m’kat khai nei, ciah khän ne ka ning m’thein gui ci nei.

ROMAN 11:20

Nang mi ah pyein cu ng’düng ci. Ngah mi chuk pit nak gui cu Khanpughi kä ami yum ah hmawk ah kyak ci. Nang mi cu Khanpughi na mi yum ah hmawk ah ang ban ah nami kya lawk ci. Cun ung phi nang mi chang ah kä nami ng’shei vai, chang kyih aa ne nami om vai.

ROMAN 3:18

Ngami ung Khanpughi kyih-aa nak ah m’lung api phi kä om ci,” ciah om ci.

LAMKTU 10:35

Ani kyih aa ne ang yaak hlü ah om ciah chang phung cu, Khanpughi naw pakhui käm khoi chak ci.

LAMKTU 10:2

Ani la akyong ungka gui ami van cu Khanpughi yum ne kyih aa ci gui ah kya ci. Ani cu Jew chang gui am akda pe taak gui ne, angtäi sei Khanpughi ah taigü ne om ci.

LAMKTU 9:31

Cun ah kyasei cun yah ung, Judea, Kalile, la Samaria khrithabum gui cu ding gei nak om lawk ci. Khrithabum ghui cu Khanpughi kyih aa m’hlüngtai u ne, Mumcha Theing ah htagui be nak awn da law pi k’täi ci gui.

LUKA 12:5

Nami kyih vai cu ka ning m’thein gui khai, ngawn netah mä m’htei ah tüi hning ci, huham mah ciah Khanpughi cu nami kyih vai nei, ka pyein cu nami yun vai, kyih vai cu ani bäng om ci nei.

MALAKHI 3:5

Hlüngtai ciah Khanpughi naw, “Ka ning ng’thumcha gui khai ah nami lung ah ka ng’dang lawk khai. Cun ah chang gui cu kei naw cet ne ang ghit ah ka hnungtuk püi gui khai, ng’pluh ci gui, chang ah chu ih püi ci gui, hleei pyen ne ng’gun ci gui, bii bik ciah ng’cheng mang pek ci gui. Hmeinu hmeihta shedam nak ci gui — kei kä na kyih aa ci phung avan ah kyak ci.

JEREMIAH 22:16

Ani naw dukhaih ci gui cu taga khai ah pe gui ci, cun ah kyasei apäng avan cu bä ci. Cun cu Bawipa hmuhmat nak ah phäh ah kyak ci.

NG'THU K'THUUK~ 22:22

Dukhaih ciah chang ah hawh cu na bi nak hning awn kä na lak pek vai. Am gein kaa ah yung ah m’kawt ung düi ciah khawh kä na lak pek vai.

NG'THU K'THUUK~ 1:7

Bawipa kyih aa nak cu hmuhmat nak ah a phung ah kyak ci, gu-ang ciah chang naw cüivai nak cu a i ah kä ngai ne, kä m’thei thang hlük ci.

SAM 19:9

Bawipa kyih aa cu nik ci, kho ng’län ung ng’täi ci. Bawipa ah ng’thumcha cu taga ci; angtäi sei vang ci.

NEHEMIAH 5:15

Kei ah kä bi pha ung bik ciah uktubawi phung naw chang gui cu ami phuih gih sak gui. Ngami naw ei la awk vai ah phäh ah hnüüp ät ung, ngui phe phli kip ci k’thäh gui ci gui. Ami changshäm gui naw phi chang gui cu she na gui ci gui. Cun ung phi kei cun ah kä ka kyak ci, a i ah kyasei ci ung kei cu Khanpughi ka kyih aa ci.

NEHEMIAH 5:9

Cun kawn ah kei naw ka pyen cu, “Nang naw na bi cu chei ci nei! Nang naw Khanpughi na ngaih vai, düng ci na bi vai. Kami ga gui la khuihei chang gui naw ami na gaih m’gin vai ah amawng, nangmi naw a i kä nami pek en gui vai.

2 SHONTÄP NAK 19:7

Bawipa cu kyih aa ne geing na ne nami bilawh vai, a i ah kyasei ci ung Khanpughi naw m’thüikhang nak chang ah hmai teng nak, ng’mü khawh don nak cu kä ng’ya hlük ci.”

1 SAMUEL 12:24

Bawipa läk ne, nami m’lung kyong avan awn bekhüt ne abi nami bi vai. Nangmi ah phäh ah küikyang ciah bi abi cu nami shüm ba vai.

THULÄÄN NAK 25:18

Ngami cu Khanpughi kä kyih aa ci gui. Cun ah kya ne nangmi bawngbai ne nami thagui a maih yah ung nami hnu täng ah ning tu gui ci gui, nami ng’leng yung ah püipyang ci gui avan ngawn ci gui.

TAIGÜTHUM 25:14

Cun ah kyasei nami Israel chang paw ah khawh nami yoih ah a kyak ung, kä cun ung nami hleih ah a kyak ung, kä hmai kiang ne kä nami kyak en vai.

ATÜNNAK 39:9

Shin ah im ung kei cu ka bawi ah mäih ah huham om ci. Nang ah kawn ah a i phi kä bi vai ah ana maa nak kä om ci nei. Kei naw shin ah mäih ah akshe kä ka bik khai, katnak cu ka hnungtuk püi khai nei” cik ci.

ATÜNNAK 22:12

Khankho chang naw, “Cän ah a hmaw kä na tawn nen vai, a i phi kä na bi en vai, tumat bäng ah na hta cu kei k’thäh ngä sei, na na pek ci, Khanpughi ah ng’thu ngai ne na m’tamkhah cu ka hmat pyi ci nei” cik ci.

ATÜNNAK 20:11

Abraham naw, “Shin ah khaw ung chang gui cu Khanpughi kä kyih u ne ka chu ami ng’yak hlü ah hmawk ah kei cu na ngawn khai gui nei, ciah ngai neta ka bi nei.

NG'THU K'THUUK~ 14:31

Dukhaih ciah chang shedam nak ci cu, ani tuisho ciah Khanpughi paphi ciah kyak ci. Cun ung phi dukhaih ci m’gein cicu khawihnah nak bik ciah kyak ci.

TAIGÜTHUM 19:13

Chang ah kaa kä lak pek düt vai, kä guttep vai. Na ghüh ah chang ah ng’cheng cu kä na shum pek vai, mü ät phi kä na tha pek vai.

TAIGÜTHUM 25:36

Ani ung ang lawn kä na lak vai, Khanpughi na kyih aa vai, na Israel chang paw cu na pei ah na om sak vai.

NG'THU K'THUUK~ 16:6

Hlakham ne nami bekhüt vai, Khanpughi naw nami katnak ning geinsei gui khai, Bawipa nami lak vai, nangmi ung akshe ka gawk lawk khai.

ISAIAH 3:14

Bawipa naw a chang gui ah ami ng’vaihta gui la a ghi gham gui cu ng’thumcha nak ah law püi ci. Ani naw shin ah k’bün nak bik ci: “Nangmi naw sapyitlo gui cu nami guttep ci, nami im cu dukhaih ciah ka, nami guh pek ah khawh awn be ci nei.