TAIGÜTHUM 25:14 - Cho Bible Common Language 2016

¹⁴ Cun ah kyasei nami Israel chang paw ah khawh nami yoih ah a kyak ung, kä cun ung nami hleih ah a kyak ung, kä hmai kiang ne kä nami kyak en vai.

TAIGÜTHUM 25:14 Referans Kwoze

TAIGÜTHUM 19:13

Chang ah kaa kä lak pek düt vai, kä guttep vai. Na ghüh ah chang ah ng’cheng cu kä na shum pek vai, mü ät phi kä na tha pek vai.

TAIGÜTHUM 25:17

Na Israel chang paw cu kä nami thuvi nak vai, Bawipa nami Khanpughi cu kyih aa ne nami läk vai.

EZEKIEL 22:7

Mang gui ung a u naw phi a nupa kä m’tamkhah ci. Nangmi naw khohei chang gui m’hleei gui ne hmeinu hmeihta gui nami shedam

ISAIAH 58:6

“Kei naw ka ng’yak hlü ah ei hlawi cu shin ah kyak ci: khih pawn nak gui nami hen vai, kä taga ciah puih gih nami nawt hen vai, nami yawshe nak gui nami luat sak vai.

1 KORIN 6:8

Cun ah nami kyak nak vai sü ung nami mät gui nami ng’tu ng’tai ci, ng’phäinau goi nami ng’guhtep tu pek ci!

LUKA 3:14

Gakap gui naw phi, “Keimi mä a i ah kami kyak khai ang?” ci ne ng’shi u khätah; Johan naw, “Chang ah ngui kä nami guh vai, chang kä nami yawkshe nak vai, nami gah awn nami ng’büh vai” ci nah gui ci.

MIKHAH 7:3

Akshe bi vai ah chang van theileh ci. Bawi gui la suki gui naw m’cümhnah nak thäh ci gui. Ang vaipi naw ang yak hlü pi thäh ci, ngami naw atäng ah bum ci gui.

JEREMIAH 22:17

Cun ung phi namät ah phäh hta bäng cu nang naw na hmuk ci; Nang naw changnigui na ngawn ci, na chang gui phi m’ghämce ne nak shedam nak ci. Cun cu Bawipa ah Thu pyen nei.

ISAIAH 33:15

Nang cu hman ciah ng’thu ne, düng ciah nabi vang na k’pawih hning ci nei. Dukhaih ci k’titaih nak vai ah nami huham kä nami mang vai, ng’mü khawh kä nami dou vai. Chang ngawn khai ah pawng ci ung phi kä nami ng’gui tu vai.

ISAIAH 5:7

Israel cu m’gäi ciah Bawipa ah Sapyit lo ah kyak ci; Ngami naw ani naw akni bik khai ah ngaih u sei, Cun ung phi ngami naw chang ngawn ci gui. Ngami naw hman ci bik khai gui ah ani naw ngaih u ci, Cun ung phi ngami ah dukdeiu nak gui naw ataga vai ng’ya hlü ne m’lau ci gui.

ISAIAH 1:17

Ak ni bi vai ah ng’thei vä. Taga ciah bi cu nami teng vai — ami shedam nak cu nami m’hteihtang vai, hmei hta guiam ak chaw nami pek vai, hmeinu gui nami shungvong vai.”

THUSHÄUTU 5:8

Acoyah naw dukhaih ci shedam ah ne, taga nak la ami chaw cu ma na gui sei, nami hmuh ung kä nami cäicat vai. Bawi päng cu amät ah khan ung om ci naw shung vong ci, a cun goi cun phi ani khan ung om ciah bawi naw shungvong ba goi ci.

NG'THU K'THUUK~ 28:16

Am lung ngaih ka nik ciah uktu cu m’ghämce ci, Ng’dung nak ka om ciah uktu naw ak shou uk ci.

NG'THU K'THUUK~ 28:8

Chang gui ah khan ah na lak ah a taw anglon awn na bühmang ah akyak ung, nang ah khawh cu dukhaih ci m’gein ciah chang ung gawk yawp khai.

NG'THU K'THUUK~ 28:3

Dukhaih ci yawshe nak ciah huham ah cia huham ah ciah chang cu geit m’di ciah khaw k’aa ah mäih ah kyak ci.

NG'THU K'THUUK~ 22:16

Bühmang ci am m’cümhnah pe ne, kä cung bühmang vai ah dukhaih ci na yawshe nak ah a kyak ung, na mät cu na pyam lawk khai nei.

NG'THU K'THUUK~ 21:13

Dukhaih ciah chang ah kyah kä na ngaih hlü ah a kyak ung, ami ning m’htei vai ah na mät naw kyap ne na ng’yoih cu a u naw kä ng’yak khai.

NG'THU K'THUUK~ 14:31

Dukhaih ciah chang shedam nak ci cu, ani tuisho ciah Khanpughi paphi ciah kyak ci. Cun ung phi dukhaih ci m’gein cicu khawihnah nak bik ciah kyak ci.

SAM 10:18

Nang naw gein vai ci la hmeihta gui ah kyah cu na ng’yak ci, ngami täng ah om ne na m’khoi chak khai, cun ah kyasei m’dek chang naw kyihkyawk vai ah kä yawshe na sak gui khai.

2 SHONTÄP NAK 16:10

Cun ung Asa cu prophet ah khan ah m’lungshe aih neta, ani cu m’si gui awn khit ne m’shän ci. Acun ah akhin ung tün ne, Asa naw chang amshah cu akshe ah om na gui ci.

SUKI GUI 4:3

Jabin ung m’si yatha phya kaw om ci, ani naw Israel chang gui cu m’ghämce ne hupdep ne khawku m’ku lung uk gui ci. Cun kawn ah Israel chang gui cu Bawipa naw am htei gui vai ah kyap m’lau ci gui.

TAIGÜTHUM 25:15

A phu k’bäi vai cu, m’thawh ba nak ah a hngeng kum kä a gawk pha ung, khaw ung geit kaw am thawk nak ah khaw kum gui ah kyak ci.