TAIGÜTHUM 25:13 - Cho Bible Common Language 2016

¹³ A cun ah khaw kum ah kyong ung yoih tuk ah khawh cham avan cu ak htük ah kaa nak ci am ap ba vai.

TAIGÜTHUM 25:13 Referans Kwoze

TAIGÜTHUM 25:10

A cu cha ah nangmi naw a kum hmakip nak cu k’bäi u neta, khaw ung om ci gui avan ah ma ah phyawn nak ah mawng cu nami ng’shäu vai. A cun ah kum ah kyong ung nami yoih tuk ah khawh cham phung cu, ak htük ungka ak ci am, kä cunung, a hta nau am nami pek ba vai. Chang shäm ah kyak khai ah ami yoih ah chang cu, amät ah kyong khui ah a hteh ba vai.

KHEI NAK 36:4

M’thawh ba nak ah khokum ah kyong ung, yawih pyi ah khawh cham gui avan cu kaa na htük ciam pek ba ah kyak ci, Zelophehad ah hta hnumi gui ah khawh cu, ami ceimah nak ah pakhui am angtäi sei ami khäm vai ah pek gui vai, keimi ah pakhui naw kä kami khawh na ba khai.”

TAIGÜTHUM 25:12

A kum pum cu nangmi ah phäh ah ak theing ah kyak khai. Lolai amät naw am thawk law sak gui bäng cu nangmi naw nami ei vai.

TAIGÜTHUM 25:28

Cun ung phi ani ung khaw thon nak ba vai kä a om ah a kyak ung, cun ah khaw cu m’thawh ba nak ah a hngeng kum ung khüt sei, khaw thong ciah chang ah kut ung om sä. Acun ah kum ung cun ah khaw cu kaa na htük ciam pek ba vai ah kyak khai nei.

TAIGÜTHUM 25:54

Ani cu shin ah mäih ah lawt nak kä a om ah a kyak ung, ani la a hta gui cu M’thawh Banak ah hngeng Kum ung m’hlawt gui vai.

ISAIAH 61:2

Bawipa naw a chang gui a hun nak vai la Ami ga gui a tuk hnim nak gui vai ah akhin cu gawk law pyi ci nei, cine ng’thu ka shäu vai ah kei cu na tüi ci. Thüi kyap ci gui ami van k’büi gui vai ah kei cu na tüi ci,

EZEKIEL 7:13

A u sumlei ciah chang phi a pet pyi gui a gah ba yawp güt kä ghing khai nei, a i ah kyasei ci ung Khanpughi ah m’lungshe nak cu chang päng ah khan ah kya lawk ci. Chang shekha gui phung kä k’pawih hning khai gui.