TAIGÜTHUM 25:10 - Cho Bible Common Language 2016

¹⁰ A cu cha ah nangmi naw a kum hmakip nak cu k’bäi u neta, khaw ung om ci gui avan ah ma ah phyawn nak ah mawng cu nami ng’shäu vai. A cun ah kum ah kyong ung nami yoih tuk ah khawh cham phung cu, ak htük ungka ak ci am, kä cunung, a hta nau am nami pek ba vai. Chang shäm ah kyak khai ah ami yoih ah chang cu, amät ah kyong khui ah a hteh ba vai.

TAIGÜTHUM 25:10 Referans Kwoze

JEREMIAH 34:8

Ghangpughang Zedekiah la Jerusalem chang gui naw yum ätnak bine

ISAIAH 63:4

Kei ah ka chang gui hun nak gui vai ah akhin cu gawk lawk ci nei, ciah kei naw ka k’bäi ci: cun cu ami ga gui m’kyuk nak gui vai ah akhin ah kyak ci —

1 PETER 2:16

Ng’pääi om chang ah kya ne nami om vai, nami ng’pääiyee nak cu akshe thuh nak vai ah kä nami mang-en vai, Khanpughi ah changshäm ah kya ne nami om vai.

KALATIAN 5:13

Ka phäi nau gui aw, nami ng’päiyee khai ah Khanpughi naw ning khü gui pyi ci nei. Cun ung phi cun ah ng’päiyee nak awn pumsa ah ng’yak hlü kä nami läk-en vai nei. M’hni nak awn tumat la tumat nami ng’chaan tu vai nei.

TAIGÜTHUM 25:13

A cun ah khaw kum ah kyong ung yoih tuk ah khawh cham avan cu ak htük ah kaa nak ci am ap ba vai.

PHYAWN NAK 20:2

“Kei cu Bawipa, nami Khanpughi, changshäm ah nam kyak nak ah Egypt khaw ungka, ka ning law püi ba gui ciah ka kyak ci.

KALATIAN 4:25

Hakar cu Arabia kho ah, Sinai m’htung ah hnün ung ng’düi ci. Ani naw tuhbäi khlei htein ah kyak ciah Jerusalem la acun ung chang gui cu dang sak ci.

2 KORIN 3:17

Bawipa cicu Mumcha ah kyak ci Bawipa ah Mumcha ah om nak cu ng’päi ng’yee nak ah kyak ci.

SAM 146:7

Ani cu ami shedam nak ah chang täng ah om ci. Ei ah cawi ci gui am ei m’bei gui ci. Bawipa naw thawng kyum ci gui cu m’hlawt gui ci.

ISAIAH 49:9

Kei naw thawng kyum ci gui ka pyen na gui khai, ‘Luat ne hteit ba vä!’ Ka cik khai, Hmüp khui ung om ci gui am, ‘Akdei ung lut law vä! ka cik khai!’ Ngami cu khogui yung ah khu ei ciah htome ah mäih ah kyak khai gui;

EZRA 1:3

Khanpughi naw aning chang gui avan ning om püi gui khai nei. Nangmi cu Jerusalem ah hteit ne Israel Khanpughi, Jerusalem ung khawihnah ah Khanpughi, Bawipa ah Taigüim cu nami co ba khai nei.

TAIGÜTHUM 25:11

Lolai ung kä nami phu shaw ah amät pyou ciah htang phi kä nami khäm vai, kä nami kyan nak ah sapyit lo ung am theih phi kä nami k’bih vai.

TAIGÜTHUM 25:54

Ani cu shin ah mäih ah lawt nak kä a om ah a kyak ung, ani la a hta gui cu M’thawh Banak ah hngeng Kum ung m’hlawt gui vai.

EZEKIEL 46:17

Cun ung phi manghta naw a khaw bung cu a bii bik ciah chang tumat mat am a pek ah a kyak läi ung, cun ah chang ah alawt nak ah kum a gawk law ah a kyak ung, cun ah khobung cu manghta ah ka ah kya ba khai. Cun cu ani ah ka ah kyak ci, ani la a htapa naw vah ang’täi sei kaa na hning ci.

TAIGÜTHUM 25:41

Cun ah khin ung ani la a hta gui cu nang ah kyong ungka naw ami kyong khui ah hteit ba khai gui, ami pupa ah khaw ah hteit ba khai gui.

JEREMIAH 34:10

Chang gui ami van la ami ng’vai gui naw ami khlei htein gui k’phiawn gui vai la khlei htan ah kä ci ba gui vai ah yum ci gui Ngami naw m’hlawt gui ci gui,