TAIGÜTHUM 24:8 - Cho Bible Common Language 2016

⁸ Kyin Hnüüp päng ung, lawk ciah a khin avan ung, m’htut cu Bawipa ah om nak ung tha vai. Shin cu khonglän ung Israel gui ah bi vai ah kyak ci.

TAIGÜTHUM 24:8 Referans Kwoze

2 SHONTÄP NAK 2:4

Bawipa ka Khanpughi m’tamkhah nak vai ah kei naw Taigüim ka co ci nei. Cun cu kei la ka chang gui naw ani kami khawihnah nak vai ah theingciim ciah hmun ah kyak khai, acun ung ng’ui cicu a mühun tä, khongawi tä m’khih ne douthak nak gui, theingthap ciah m’htut akphlüt ah douthak nak la, cha k’thai alum pawi, kyiin hnüüp la a hei theingciim ciah hnüüp gui ah mäih ah Bawipa kami Khanpughi cu kami tamkhah nak ah kyak khai. Acun ah khonglän ung bi vai ah ani naw Israel gui cu thumkhän gui ci.

KHEI NAK 4:7

Ngami naw sui m’kim cu la u ne tawnglang ah khan ah ami phah vai. Cun cu Bawipa am douthak vai ah m’htut la m’htut tha nak ah k’bei gui, tui ng’ui khawk gui, douthak nak ah khawk gui, sapyit tui douthak than nak ah um gui cu ami uk vai. Cun ah tawnglang ah khan ung angtäi sei m’htut tha vai.

1 SHONTÄP NAK 9:32

Kohath pahta gui cu k’yin hnüüp päng ung Taigüim ah theing ciah m’htut pyan nak ung bik ci gui.

NEHEMIAH 10:33

Taigüim khawihnah nak ung mang vai ah shin gui cu kami pek khai: m’htut theing, a hnüüp tä htang-douthak nak, a hnüüp tä seime gui m’khih ne khawihnah nak, kyin hnüüp ah phäh ah theing ciah douthak nak, cha theei pawi, ahei pawi gui a hei theingcim ciah douthak nak, Israel gui ah katnak nawt heng nak ah douthak nak, gui la a hei Taigüim ung hlü ci phung ah kyak ci.

1 SHONTÄP NAK 23:29

Cun kawn ah ami m’htei vai cu, Khanpughi am ami douthank ah m’htut, douthak vai ami pyan ah m’htut den, k’caw kä shum ah m’htut ket, douthak ah m’htut ng’shaai, oliv-situi awn ami k’caw ah m’htut den; Taigüim ung douthak gui khin ne nän ne bi gui;

PHYAWN NAK 25:30

Tawnglang cu Thukhän M’küm ah ma ah na hmoh vai. Tawnglang ah khan ah kei am nami na douthak vai ah, m’htut theing cu angtäi sei nami taih vai.

1 SAMUEL 21:7

(Saul ah sei shäm ci; Doeg, Edom ah ka cu, a cu hnüüp a cu ah om tuk ci, a i ah kyasei ci ung ani naw yum nak ung abi vai om ci.)

2 SHONTÄP NAK 13:11

A khawngawi päng, a mühun päng ung ngami naw tui ng’ui gui douthak u ne, seime gui apum ah m’khih ne khawihnah ci gui. Ngami naw theingthap ciah tawnglang ah khan ung m’htut cu taih ne douthak ci gui, a mühun tä sei ghui mei im ng’düi ung mei im gui cu m’däi ci gui. Keimi naw Bawipa ah ang thumkhän ah mäih ah kami bik ci, cun ung phi nangmi naw nami nawng ci.