TAIGÜTHUM 24:7 - Cho Bible Common Language 2016

⁷ Ang thoot päng ung tui ng’ui tha vai, cun cu m’htut ah hnün ung Bawipa am ei-douthak ah m’hnüt nak ah kyak ci.

TAIGÜTHUM 24:7 Referans Kwoze

TAIGÜTHUM 2:2

Cun kawn ah Aaron tuu taigü gui ah a law püi vai. Taigü bawi naw htang den shum ät, la situi ni, ang ui ni avan la neta, sonkiang khan ah am khih vai. Cun cu Bawipa am avan douthak m’khih nak ah kyak ci. Cun ah ei-douthak ah ang ui cu Bawipa naw yeikyai nak ci.

HEBRU 7:25

Cun ah kyasei ani ah ang ming ung Khanpughi ah lawk ciah chang gui phung angtäi sei hun gui ci. A i ah kyasei ci ung Bawipa cu cun ah chang gui ah hmawk ah Khanpughi ah ng’coi ng’pak khai ah, angtäi ah a ghin ah hmawk ah kyak ci.

EPHESIAN 1:6

Am hni pi ah A Htapa awn anam cümhnah gui ah, Khanpughi ah bämang ciah am gein nak cu mi m’kümto khai nei!

LAMKTU 10:31

“Konelius! Na taigü cu Khanpughi naw ng’ya ne, na peit taak cun phi do pyi ci nei.

LAMKTU 10:4

Ani cu cäicat ne khankho chang cu teng netah, “Bawi awi, a i nei” cine ng’shik ci. Khankho chang naw, “Na taigü la m’gein nak na bi lawh gui cu Khanpughi naw m’hni ne ning yum ci nei.

JOHAN 6:51

Kei cu khankho ah kaa kya lawk ciah ghing ciah m’htut ah ka kyak ci. Cun ah m’htut ei ciah chang phung cu, angtäi ah ghing khai. Kei naw ka ning peit gui ah m’htut cu, khomdek chang gui naw ghin nak ami gah nak vai ah, ka sa ah kyak ci,” cine m’thein gui ci.

JOHAN 6:35

Bawipa Jesuh naw, “Kei cu ghin nak m’htut ah ka kyak ci, kei ah lawk cicu a i sangung phi ei kä cawi ba khai; kei na yum cicu a i yah ung phi tui kä gha ba khai.

PHYAWN NAK 17:14

Cun kawn ah Bawipa naw Moses am, “Shin ah näng nak ah mawng cu gu ne na m’hnüt vai, cun ung shüm ba lä vai, Joshua am m’thein ä, Amalekit gui avan ka m’di gui khai nei” cik ci.

PHYAWN NAK 13:9

Shin cu nangmi ning m’shüm thein gui ciah kyak khai, nami kut ung, kä cung nami m’calai ung ning khit gui ciah mäih ah kyak khai; a shin naw Bawipa ah thukhän cu k’täi ne ng’thei thang ng’thumcha nak vai ah ning m’shüm thein gui khai, a i ah kyasei ci ung Bawipa naw dämduh ciah a huham awn Egypt khaw ungka a ning plawk ba gui ah hmawk ah kyak ci.

PHYAWN NAK 12:14

Shin ah hnüüp cu yumnak ah pawi ah nami bi vai. Cun ah nami bi cu kei Bawipa naw ka bi gui, nami shüm ba nak ah nami bi ah kyak ci. Ngawi yä nami bi lä vai nei” cik ci.

ATÜNNAK 9:16

Khongmei ung yapi angdang law ung kei naw hmu ne, kei la khomdek khan ak ghing gui ah ng’lak ung angtäi om ciah ng’thukhän cu ka shüm ba khai nei.

PHYAWN NAK 28:12

Shawiphaw k’phleing ung k’bah nak vai ah khan ah cun gui cu khoop vai. Cun cu Israel pakhui gha lei goi m’dang nak ah kyak ci. Acu cha ah Aaron naw ami ming gui cu k’phleing ung k’bah gui khai. Cun ah kyasei kei, Bawipa naw ka chang gui cu angtäi ah ka shüm gui khai.

TAIGÜTHUM 2:9

Taigüpa naw amshah cu lak khai, cun cu Bawipa am avan douthak ah m’hnüt nak ah kyak khai, ani naw sonkiang khan ah m’khih khai. Cun ah ei-douthak ah ang ui cu Bawipa naw yeikyai nak ci.

ISAIAH 43:23

Nangmi naw m’khih ne douthak ah htome cu kä nami na thak law ci nei; Nami khawihnah nak awn kei cu kä nami na m’tamkhah ci nei. Douthak vai gui k’thäh ne nami phuih kä ka gih sak ci, ang ui gui k’thäh ne kä ka ning yaica sak gui ci.

TAIGÜTHUM 2:1

Chang tumat naw Bawipa am htang douthak nak abi ah a kyak ung, ani naw khui khai ah a den ma vai. Situi luh ne ang ui a shum vai.